Şəfiqə Əliyeva

Şəfiqə Əliyeva (1 dekabr 1930, Naxçıvan MSSR – 24 noyabr 2008, Bakı) — Azərbaycan Respublikasının əməkdar müəllimi, Azərbaycan Jurnalistlər Birliyinin üzvü, "Qızıl qələm" mükafatı laureatı, Heydər Əliyevin bacısı.^[1]

Şəfiqə Əliyeva
Şəfiqə Əlirza qızı Əliyeva
Doğum tarixi	1 dekabr 1930
Doğum yeri	Naxçıvan, Azərbaycan SSR
Vəfat tarixi	24 noyabr 2008 (77 yaşında)
Vəfat yeri	Bakı, Azərbaycan
Vəfat səbəbi	uzun sürən xəstəlik
Dəfn yeri	Bakı
Atası	Əlirza Əliyev[d]
Anası	İzzət Əliyeva
Təhsili	Naxçıvan Müəllimlər İnstitutu
Fəaliyyəti	müəllim
Mükafatları
Üzvlüyü	Azərbaycan Jurnalistlər Birliyi

Şəfiqə Əlirza qızı Əliyeva 1930-cu il dekabrın 1-də Naxçıvanda doğulub. Orta təhsilini orada alıb, 16 yaşında indiki Azərbaycan Dövlət Tibb Universitetinə daxil olub. Sonra təhsilini Cəlil Məmmədquluzadə adına Naxçıvan Müəllimlər İnstitutunun Kimya-biologiya fakültəsində davam etdirib.

Respublikanın Əməkdar müəllimi olan Şəfiqə Əliyeva bir neçə dərsliyin, kimya fənnindən metodiki vəsaitin, "Canlı aləm haqqında əhvalatlar", "Kimyanın tədrisində şagirdlərin təlim əməyinə hazırlaşdırılmasının forma və metodları" adlı kitabların müəllifidir.^[2] O, anası İzzət Əliyevaya həsr olunmuş "Mənim anam", qardaşı, mərhum akademik Aqil Əliyev haqqında "Xatirəyə dönən illərin işığında" kitablarını da qələmə alıb.^[3]

Ziyalılar Cəmiyyətinin vitse-prezidenti, "Ziyalı" qəzetinin və "Elm və mədəniyyət" jurnalının təsisçisi, Azərbaycan Jurnalistlər Birliyinin üzvü, "Qızıl qələm" mükafatına layiq görülüb.

Şəfiqə Əliyeva 24 noyabr 2008-ci ildə uzun sürən xəstəlikdən sonra vəfat edib.^[4][5]

• Mirzə Əbdül
• Mirzə Əli Alagöz
• Məhəmməd Məşədi
• Əli Kərbəlayı
• Cəfər Əlirza

Həsən Əliyev, Heydər Əliyev, Aqil Əliyev və Cəlal Əliyev, Rəfiqə Əliyevanın bacısıdır.

İlham Əliyev, Sevil Əliyevanın bibisidir.

1. ↑ "Heydər Əliyevin bacısı anası haqqında danışır..." Kulis.az. 2024-02-05 tarixində arxivləşdirilib. İstifadə tarixi: 2024-02-05.
2. ↑ "Respublikanın əməkdar müəllimi Ş.Əliyeva kimya fənni üzrə bir sıra dərsliklərin, dərs vəsaitlərinin, "Canlı aləm haqqında hekayələr", "Kimyanın tədrisində şagirdlərin pedaqoji işə hazırlanmasının forma və üsulları" kitablarının müəllifidir". 1news.az (rus). 2024-02-15 tarixində arxivləşdirilib. İstifadə tarixi: 2024-02-19.
3. ↑ "Şəfiqə Əliyeva "Mənim anam" kitabı". 525.az. 2024-02-05 tarixində arxivləşdirilib. İstifadə tarixi: 2024-02-05.
4. ↑ "Ş.Əliyeva 24 noyabr 2008-ci ildə uzun sürən xəstəlikdən sonra dünyasını dəyişib". Report.az. 2024-02-05 tarixində arxivləşdirilib. İstifadə tarixi: 2024-02-05.
5. ↑ "Ümummilli Lider Heydər Əliyevin bacısı vəfat etdi". Musavat.com. 2024-02-19 tarixində arxivləşdirilib. İstifadə tarixi: 2024-02-19.