Ənvər Seyidəliyev

Ənvər Seyidəliyev (1950, Pirhəsənli, Ağsu rayonu) — Ağsu Rayon İcra Hakimiyyətinin başçısı (2007–2019-cu illər).

Ənvər Seyidəliyev
Ağsu Rayon İcra Hakimiyyətinin başçısı
18 dekabr 2007 – 30 sentyabr 2019
Əvvəlki	Əflatun Rufiyev
Sonrakı	Vahid Tağıyev
Şəxsi məlumatlar
Doğum tarixi	1950
Doğum yeri	Pirhəsənli, Ağsu rayonu, Azərbaycan SSR, SSRİ
Partiya	Yeni Azərbaycan Partiyası
Fəaliyyəti	siyasətçi

Seyidəliyev Ənvər Qasım oğlu 1950-ci ildə Ağsu rayonunun Pirhəsənli kəndində anadan olmuşdur. Azərbaycanlıdır. 1975-ci ildə Azərbaycan Politexnik İnistitutunu bitirmişdir. 1975–1976-cı illərdə hərbi xidmətdə olmuşdur. 1977–1983-cü illərdə Ağsu rayonunda müxtəlif vəzifələrdə çalışmışdır. 1983–1985-ci illərdə Bakı Ali Partiya Məktəbinin dinləyicisi olmuşdur.

Ailəlidir, bir oğlu və üç nəvəsi var.

1985–1989-cu illərdə Ağsu rayon partiya komitəsində təlimatıçı, 1989–2003-cü illərdə Ağsu rayon Maddi-Texniki Təchizat və Mexanikləşdirmə İstehsalat Birliyinin müdiri, 2003–2007-ci illərdə Nəqliyyat Nazirliyi "Azəryolservis" ASC-də idarə rəisi vəzifəsində işləmişdir.

2007–2019-cu illərdə Ağsu Rayon İcra Hakimiyyətinin başçısı vəzifəsində çalışmışdır. Hazırda təqaüddədir.

Yeni Azərbaycan Partiyasının üzvüdür.