Əsgər İsmayılov (həkim)

Əsgər Ələkbər oğlu İsmayılov (1898, Naxçıvan – 14 mart 1959) — Azərbaycan həkimi və dövlət xadimi, Azərbaycan SSR xalq səhiyyə komissarı və naziri (1941–1947), tibb elmləri namizədi (1935), dosent, Azərbaycan SSR əməkdar həkimi.

Əsgər İsmayılov
Azərbaycan SSR səhiyyə naziri
28 mart 1946 – 11 fevral 1947
Əvvəlki	vəzifənin adı dəyişdirilib
Sonrakı	Kübra Fərəcova
Azərbaycan SSR xalq səhiyyə komissarı
4 noyabr 1941 – 28 mart 1946
Əvvəlki	Əziz Əliyev
Sonrakı	vəzifənin adı dəyişdirilib
Şəxsi məlumatlar
Doğum tarixi	1898
Doğum yeri	Naxçıvan, Naxçıvan qəzası, İrəvan quberniyası, Rusiya imperiyası
Vəfat tarixi	14 mart 1959(1959-03-14)
Partiya	Sovet İttifaqı Kommunist Partiyası (1920–1959)
Təhsili	Azərbaycan Dövlət Universiteti (–1927)
Fəaliyyəti	həkim, dövlət xadimi, universitet müəllimi[d]
Elmi fəaliyyəti
Elmi dərəcəsi	tibb elmləri namizədi[d] (1935)
Elmi adı	dosent
Təltifləri

Əsgər Ələkbər oğlu İsmayılov 1898-ci ildə Naxçıvan şəhərində kəndli ailəsində anadan olmuşdur. 1927-ci ildə Azərbaycan Dövlət Universitetinin Tibb fakültəsini bitirdikdən sonra o, fakültə terapiya klinikasının ordinatoru təyin edilmiş, 1929-cu ildən isə həmin klinikanın aspirantı olmuşdur. 1935-ci ildə tibb elmləri namizədi alimlik dərəcəsini almışdır. Həmin vaxtdan Böyük Vətən müharibəsi başlananadək Azərbaycan Dövlət Tibb İnstitutunda işləmiş və eyni zamanda Elmi-Tədqiqat Klinik İnstitutuna rəhbərlik etmişdir.^[1]

Əsgər İsmayılov 1941-ci ildən 1947-ci ilədək Azərbaycan SSR xalq səhiyyə komissarı (1946-cı ildən naziri) işləmişdir. Həyatının son illərində Nəriman Nərimanov adına Azərbaycan Dövlət Tibb İnstitutu terapiya və daxili xəstəliklər prapedevtikası kafedrasında fəaliyyət göstərmiş, kənd əhalisinə tibbi yardım göstərən həkimlər briqadasının rəhbəri olmuşdur.^[1]

Əsgər İsmayılov 1920-ci ildən RK(b)P (Sov.İKP) üzvü olmuşdur. "Azərbaycan SSR əməkdar həkimi" fəxri adına layiq görülmüş, "Qırmızı əmək bayrağı", "Qırmızı ulduz" ordenləri və medallarla təltif edilmişdir.^[1]

Əsgər İsmayılov 14 mart 1959-cu ildə vəfat etmişdir.^[1]

• "Исмаилов Аскер Алекпер-оглы" (rus). Память народа. İstifadə tarixi: 15 iyul 2022.