Əsgər marşı (mahnı)


Əsgər marşı — azərbaycanlı müğənni Aygün Kazımovanın mahnısıdır.[1]

sinql
Əsgər marşı
İfaçı Aygün Kazımova
Yayımlanıb 2016
Janr pop, vətənpərvərlik
Dil azərbaycanca
Müddət 04:14
Bəstəkar Yaşar Baxış
Sözlərin müəllifi Cəlal Qurbanov
Prodüser Aygün Kazımova
Videoklip
 Əsgər Marşı

Mahnının hazırlanması[redaktə | mənbəni redaktə et]

Aygün Kazımova Birinci Qarabağ Müharibəsində tibb bacısı kimi xidmət etmiş və eyni zamanda Qubadlı və Zəngilanda gedən döyüşlərdə iştirak etmişdir.[2] Aygün Kazımovanın yaradıcılığında bir çox vətənpərvərlik mahnıları mövcuddur. Misal olaraq, "Şəhidlər", "Marş İrəli", "Ah, Vətən", "Vətən Anadır", "Azərbaycan", "Azərbaycan bayrağı" mahnılarını göstərmək olar. Aygün Kazımovanın bir çox mahnıarının söz yazarı Cəlal Qurbanov bu layihədə də Aygün Kazımovaya dəstək olmuş və öz şeirini təqdim etmişdir. Mahnının musiqi və aranjimanı musiqiçi Yaşar Baxışa məxsusdur. Aygün Kazımova mahnını 13 aprel 2016-cı ildə təqdim etmişdir. Mahnını "Aprel döyüşləri" zamanı vəfat etmiş şəhidlərə həsr etmişdir.[3][4]

Video klip[redaktə | mənbəni redaktə et]

Mahnıya klipi rejissor Rəşad Həsənov çəkmişdir. Klip Qəbələ və Daxili İşlər Nazirliyinin tədris mərkəzində çəkilmişdir. Klip 22 avqust 2020-ci ildə təqdim edilmişdir. Klip "Tovuz döyüşləri" zamanı şəhid olmuş general-mayor Polad Həşimov, polkovnik İlqar Mirzəyevin şəhid olmasının 40-cı günündə təqdim olunmuşdur. Klip "Tovuz döyüşləri" zamanı vəfat etmiş şəhidlərimizə ithaf olunmuşdur.[5] Klipdə Aygün Kazımovanın avtomat silahdan istifadə edərkən görüntüləri də yer almışdır.

“Bu gün bizim igid generalımız, vətən uğrunda canından keçmiş Polad Həşimovun və polkovnik İlqar Mirzəyevin şəhidlik zirvəsinə yüksəlməsindən 40 gün ötür. Ağır, həm də qürurlu bir gündə sizə yeni “Əsgər marşı” adlı layihəmi təqdim edirəm. Bu layihəni, başda generalımız olmaqla, bütün şəhidlərimizə ithaf edirəm.”

Aygün Kazımova layihəni təqdim edərkən, bu sözləri qeyd etmişdir.

Digər ifalar[redaktə | mənbəni redaktə et]

Mahnını Şəmistan Əlizamanlı 2016-cı ildə eyni aranjimanda ifa edərək, təqdim etmişdir.

Mahnı üzərində çalışanlar[redaktə | mənbəni redaktə et]

  • vokal: Aygün Kazımova
  • Söz: Cəlal Qurbanov
  • Musiqi: Yaşar Baxış
  • Aranjiman: Yaşar Baxış
  • Rejissor: Rəşad Həsənov
  • Operator: Zakir Quliyev
  • Montaj: Qurban Qubad
  • Foto: İlqam Cəbiyev
  • Prodüser: Aygün Kazımova

Mahnının çıxış tarixi[redaktə | mənbəni redaktə et]

Ölkə Tarix Format(lar) Leybl
Dünya miqyasında 13 aprel 2016 MP3 "Aygun Music"

İstinadlar[redaktə | mənbəni redaktə et]

  1. ↑ Aygün Kazımova `Əsgər marşı` oxudu – VİDEO[ölü keçid]
  2. ↑ "Aygün Kazımova Qarabağ müharibəsində vuruşmasından danışıb - VİDEO". 2013-03-31 tarixində arxivləşdirilib. İstifadə tarixi: 2020-08-24.
  3. ↑ Aygün Kazımovadan "Əsgər marşı"[ölü keçid]
  4. ↑ ""Əyləncə ruhlu layihələrimi dayandırmışam" - Aygün Kazımova". 2020-08-24 tarixində arxivləşdirilib. İstifadə tarixi: 2020-08-24.
  5. ↑ "Aygün Kazımova Polad Həşimova mahnı həsr etdi - Video". 2021-02-01 tarixində arxivləşdirilib. İstifadə tarixi: 2020-08-24.

Xarici keçidlər[redaktə | mənbəni redaktə et]

Həmçinin bax[redaktə | mənbəni redaktə et]