An-140 qəzası (2005)

An-140 qəzası — 23 dekabr 2005-ci ildə Azərbaycan Hava Yolları "AZAL"a məxsus Bakı–Akatu reysi ilə hərəkət edən "An-140" təyyarəsinin qəzası.^[1]

An-140 qəzası
Ümumi məlumatlar
Tarix	23 dekabr 2005
Yer	Azərbaycan
Koordinatlar	40°33′22″ şm. e. 50°00′20″ ş. u.HGYO
Sərnişin sayı	18
Komanda	5
Yaralı sayı	0
Ölü sayı	23
Qurtulan sayı	0
Təyyarə
Təyyarə modeli	An-140-100
Havayolu şirkəti	Azərbaycan Hava Yolları
Qalxma yeri	Bakı, Azərbaycan
İstiqamət	Bakı-Aktau

Həmin gün Azərbaycan Hava Yollarına məxsus An-140-100 tipli sərnişin təyyarəsi Heydər Əliyev adına hava limanından saat 22:19-da havaya qalxdıqdan təxminən 7 dəqiqədən sonra beynəlxalq hava limanından 18 kilometr aralıda, Nardaran qəsəbəsi yaxınlığında yerə düşmüşdür.^[2] Sonradan müəyyən olunub ki, təyyarənin sağ mühərrikində nasazlıq baş verib.^[1]

Təyyarədə olan 18 sərnişin və 5 heyət üzvü həlak olmuşdur. Onların 15 nəfəri Azərbaycan Respublikasının, 8 nəfəri xarici ölkə vətəndaşlarıdır.^[2]

Baş vermiş hadisənin səbəblərinin araşdırılması və müvafiq tədbirlərin görülməsi məqsədilə Azərbaycan Respublikası Prezidentinin 24 dekabr 2005-ci il tarixli, 1196 nömrəli Sərəncamına əsasən aşağıdakı tərkibdə Dövlət Komissiyası yaradılmışdır:^[2]

Komissiyanın sədri

• Artur Rasizadə - Azərbaycan Respublikasının Baş naziri

Komissiyanın üzvləri

• Abid Şərifov - Azərbaycan Respublikası Baş nazirinin müavini
• Cahangir Əsgərov - Azərbaycan Hava Yolları ("Azal") Dövlət Konserninin baş direktoru
• Ziya Məmmədov - Azərbaycan Respublikasının nəqliyyat naziri
• Elmar Məmmədyarov - Azərbaycan Respublikasının xarici işlər naziri
• Zakir Qaralov - Azərbaycan Respublikasının baş prokuroru
• Ramil Usubov - Azərbaycan Respublikasının daxili işlər naziri
• Eldar Mahmudov - Azərbaycan Respublikasının milli təhlükəsizlik naziri
• Oqtay Şirəliyev - Azərbaycan Respublikasının səhiyyə naziri
• Əli Nağıyev - Azərbaycan Respublikasının əmək və əhalinin sosial müdafiəsi naziri
• Hüseynqulu Bağırov - Azərbaycan Respublikasının ekologiya və təbii sərvətlər naziri

1. ↑ ^{1 2} Azərbaycanda baş vermiş dəhşətli təyyarə QƏZALARI - SİYAHI Arxivləşdirilib 2020-10-28 at the Wayback Machine. modern.az, 23.02.2015  (az.)
2. ↑ ^{1 2 3} "Azərbaycan Hava Yolları ("Azal") Dövlət Konserninə məxsus AN-140 tipli sərnişin təyyarəsinin Bakı-Aktau (Qazaxıstan) reysini yerinə yetirərkən qəzaya uğraması səbəblərini araşdırmaq üçün dövlət komissiyasının yaradılması haqqında" Arxivləşdirilib 2018-06-04 at the Wayback Machine Azərbaycan Respublikası Prezidentinin 24 dekabr 2005-ci il tarixli, 1196 nömrəli Sərəncamı. e-qanun.az  (az.)