Andrey Şevçenko

Bu məqalədəki və ya bölmədəki məlumatlar köhnədir. Səhifəyə yenilənmiş məlumatlar əlavə etməklə Vikipediyanı zənginləşdirməyə kömək edə bilərsiniz. (iyul 2024)

Andrey Nikolayeviç Şevçenko (ukr. Андрі́й Микола́йович Шевче́нко; 29 sentyabr 1976^[1][2])^[3][4] — Ukraynalı keçmiş futbolçu və məşqçi.^[5] Hal hazrıda Ukrayna Milli Olimpiya Komitəsiin vitse-prezidentidir.

Andrey Şevçenko
ukr. Андрій Шевченко
Ümumi məlumatlar
Tam adı	Andrey Nikolayeviç Şevçenko
Ləqəbi	Şeva, Çar
Doğum tarixi	29 sentyabr 1976(1976-09-29)[1][2] (48 yaş)
Vətəndaşlığı	Ukrayna
Boyu	183 sm
Çəkisi	72 kq
Mövqeyi	hücumçu
Klub haqqında məlumat
Klub	karyerasını bitirib
Karyerası
Gənclik karyerası 1986–1993 Dinamo Kiyev Klub karyerası[* 1] 1993–1999 Dinamo Kiyev 117 (60) 1999–2006 Milan 208 (127) 2006–2009 Çelsi 48 (9) 2008–2009 →  Milan 18 (0) 2009–2012 Dinamo Kiyev 55 (23) 1993–2012 Cəmi 446 (219) Milli yığma[* 2] 1994–1995 Ukrayna (19 yaşlılar) 8 (5) 1994–1995 Ukrayna (21 yaşlılar) 7 (6) 1995–2012 Ukrayna 111 (48) Məşqçisi olduğu klublar 2016—h.h. Ukrayna
Təltif və medalları
Təltif və medalları +
↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı, 28 may 2012 tarixində redaktə olunub. ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı, 20 iyun 2012 tarixində redaktə olunub.
Vikianbarda əlaqəli mediafayllar

Ukrayna milli futbol komandasının heyətində vurduğu 48 qol ilə, milli komandanın tarixində ən yaxşı bombardirdir.^[6]

Futbolçu karyerası ərzində "Dinamo Kiyev" , "Milan" və "Çelsi" klublarının şərəfini qoruyub.

Şevçenkonun karyerasında bir çox mükafatlar olub, onlardan ən nüfuzlusu 2004-cü ildə qazandığı "Qızıl top" mükafatıdır.

2003-cü ildə "Milan"la UEFA Çempionlar Liqasının qalibi olub, həmçinin Ukrayna, İtaliya və İngiltərədə müxtəlif liqa və kubokların qalibi olub. O, həmçinin 2005 və 2008-ci illərdə Çempionlar Liqasının ikincisi olub. 2004-cü ildə FİFA-nın 100 illik yubiley tədbiri çərçivəsində yaşayan ən yaxşı 100 futbolçudan biri seçilib.^[7]

Andrey Şevçenko 1994–1999-cu illərdə Kiyevin "Dinamo" komandasında oynayıb. Şevçenko futbola 1986-cı ildə məhz "Dinamo"da başlayıb. 1994-cü ilə qədər Kiyev klubunun aşağı yaş qrupları üzrə komandalarının şərəfini qoruyan futbolçu həmin ildən 1999-cu ilə qədər əsas komandada çıxış edərək, 117 oyunda 60 qola imza atıb. Bundan sonra futbolçu karyerasını İtaliyanın "Milan" klubunda davam etdirib. 2006-cı ilə qədər İtaliyada 208 oyun keçirib və 127 dəfə rəqib qapıçıları transfer edib. Andrey Şevçenko Avropanın ən yaxşı futbolçusu seçilib və "Qızıl top" mükafatına layiq görülüb. 2006-cı ildə "Milan"ı tərk edib və 2009-cu ilə qədər "Çelsi"nin şərəfini qoruyub, amma bu müddət ərzində fasilələrlə icarə əsasında yenidən "Milan"da oynadığı dövrlər də olub. 2006/09-cu illərdə "Çelsi"də çıxış etdikdən sonra (48 oyun, 9 qol) yenidən "Milan"a qayıdıb. Bu dəfə London klubu onu italyanlara icarəyə verib. 2008/09 mövsümündə Milan klubunun 18 oyunda formasını geyinib. 2009-cu ilin avqustunda 10 illik fasilədən sonra yenidən Kiyevin "Dinamo" komandasına qayıdıb.

Şevçenko karyerası ərzində 5 dəfə Ukrayna (1995, 1996, 1997, 1998, 1999), 1 dəfə İtaliya (2004) çempionu olub, 2 dəfə Ukrayna (1996, 1998), 1 dəfə İtaliya (2003) və İngiltərə (2007) kubokunu, 1 dəfə İtaliya Superkubokunu (2004), 1 dəfə İngiltərə Liqa kubokunu (2007), 1 dəfə isə İngiltərə Superkubokunu (2009) başı üzərinə qaldırıb. 2003-cü ildə Çempionlar Liqasını qazanıb və Avropa Superkubokunun qalibi olub.