Lionel Messi

Lionel Andres Messi (24 iyun 1987^[1][2][…], Rosario, Sante Fe əyaləti^[d][3]) — Argentina futbolçusu. Argentina milli futbol komandasının heyətində çıxış edir. 2004–2021-ci illərdə İspaniyanın "Barselona" klubunda çıxış etmişdir. Hücumçu və hücumameyilli yarımmüdafiəçi mövqelərində oynayır.

Lionel Messi
isp. Lionel Messi
Ümumi məlumatlar
Doğum tarixi	24 iyun 1987(1987-06-24)[1][2][…] (37 yaş)
Doğum yeri	Rosario, Rosario departamenti[d], Sante Fe əyaləti[d], Argentina[3]
Vətəndaşlığı	Argentina  İspaniya[4]  İtaliya[5]
Boyu	169 sm[6]
Çəkisi	72 kq[6]
Mövqeyi	hücumçu, yarımmüdafiəçi
Əsas ayağı	Sol
Klub haqqında məlumat
Klub	İnter Mayami
Nömrəsi	10
Karyerası
Gənclik karyerası 1992–1995 Qrandoli futbol məktəbi 1995–2000 Nyuells Old Boyz 2000–2003 Barselona Klub karyerası[* 1] 2003–2004 Barselona C 10 (5) 2003–2004 Barselona B 22 (6) 2004–2021 Barselona 520 (474) 2021–2023 PSJ 58 (22) 2023–h.h. İnter Mayami 20 (15) Milli yığma[* 2] 2005 Argentina (20 yaşlılar) 18 (14) 2008 Argentina (23 yaşlılar) 5 (2) 2005–h.h. Argentina 187 (109)
Təltif və medalları
Təltif və medalları Olimpiya oyunları Qızıl Pekin 2008 futbol Amerika kubokları Gümüş Venesuela 2007 Gümüş Çili 2015 Dünya kubokları Gümüş Braziliya 2014 Qızıl Qətər 2022
İmzası
↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı, 20 iyul 2023 tarixində redaktə olunub. ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı, 20 iyul 2023 tarixində redaktə olunub.
Vikianbarda əlaqəli mediafayllar

Messi hələ 21 yaşında olarkən 2009-cu ildə özünün ilk Qızıl topunu və FİFA Dünyada İlin Oyunçusu mükafatlarını qazanıb. Növbəti 2010, 2011, 2012, 2015 və 2019-cu illərdə də Messi FİFA Qızıl Top mükafatını qazanıb. Messi həmçinin 2010–11 mövsümündə UEFA Avropada Ən Yaxşı Oyunçu mükafatını əldə edib. 24 yaşında Messi "Barselona"nın indiyə qədər bütün turnirlərdə ən çox qol vuran oyunçusu olub.25 yaşında La Liqa oyunlarında 200 qol həddini keçən ən gənc oyunçu olub.

Dünyada Cristano Ronaldo ilə birlikdə ən yaxşı oyunçu hesab edilən və futbolçular, məşqçilər və şərhçilər tərəfindən futbol tarixinin ən yaxşı oyunçularından biri kimi qiymətləndirilən^{[7][8][9][10][11][12]} Messi Qızıl top mükafatını 8 dəfə qazanan ilk və hələlik yeganə futbolçudur, həmçinin Messi Avropada qızıl buts mükafatını 6 dəfə əldə edən ilk futbolçudur. Messi "Barselona"nın heyətində on dəfə İspaniya La Liqasının, altı dəfə İspaniya Kral Kubokunun, beş dəfə İspaniya Superkubokunun, dörd dəfə UEFA Çempionlar Liqasının, üç dəfə UEFA Super Kubokunun və iki dəfə FİFA Klublararası Dünya Kubokunun qalibi olub.

Messi UEFA Çempionlar Liqası yarışlarında ardıcıl dörd dəfə bombardir olan ilk və yeganə oyunçudur, həmçinin Messi yarış tarixində ən çox het-trik atan oyunçusudur.2012-ci ilin martında Messi Çempionlar Liqasında ilk dəfə bir oyuna 5 qol vurmaqla tarixə düşdü. O, həmçinin Joze Altafininin Çempionlar Liqasında bir mövsümdə 14 qol vurma rekorduna da şərik çıxdı. Messi 2011–2012 mövsümündə 72 qol vuraraq Avropada yeni rekord müəyyənləşdirdi. Həmin mövsüm bir mövsümdə altı müxtəlif yarışda həm qol vurub, həm də məhsuldar ötürmə etməklə futbol tarixində ilkə imza atdı. 16 fevral 2013-cü ildə Messi "Barselona" karyerasında 300-cü qolu vurdu. 30 mart 2003-cü ildə Messi ardıcıl 19 La Liqa oyununda fərqləndi. Bununla o peşəkar futbol yarışında bütün rəqib komandalara qol vurmaqla tarixi düşdü. O ardıcıl 21 liqa oyununda qol vurmaqla öz rekordunu yenilədi və yalnız zədə bunun davamını gətirməyə mane oldu. 23 mart 2014-cü ildə Real Madridə qarşı oyunda het-trik edərək El-Klassikolarda ən çox het-trik edən futbolçu adına yiyələndi.

Messi bir çox göstəricilərdə Dünya rekordunu əldə edib: 289 qolla La Liqa tarixində ən çox qol vuran, 50 qolla bir La Liqa mövsümündə ən çox qol vuran, 91 qolla bir təqvim ilində ən çox qol vuran, Çempionlar Liqasında bir oyunda ən çox – 5 qol vuran və çempionlar liqasında ən çox – 5 dəfə bombardir olan oyunçudur.

Messi 2005-ci ildə FİFA 20 yaşadək futbolçular arasında Dünya Kuboku yarışında Argentina millisinin heyətində çıxış etdi, turniri ən yaxşı oyunçu və bombardir kimi tamamladı. 2006-cı ildə o, FİFA Dünya Kubokunda oynayan ən gənc argentinalı oyunçu kimi tarixə düşdü və həmçinin 2007-ci ildə Kopa Amerikada finalçı oldu, bu yarışda da Messi ən yaxşı gənc oyunçu seçildi. 2008-ci ildə Argentina Olimpiya milli futbol komandası ilə Olimpiya çempionu olaraq ilk uğurunu qazandı. SportsPro qəzeti Messini dünyada ən dəyərli ikinci oyunçu kimi qiymətləndirib. İstedadı və oyun tərzi ilə tez-tez bənzədildiyi Dieqo Maradona Messini öz xələfi kimi göstərib.^[13]

Messi 2021-ci Barselona maddi krizdə olduğu üçün heyətdən ayrıldı və sərbəst futbolçu oldu.PSJ onu heyətinə qatdı. Burada da çox yaxşı performans göstərə bilmədiyi və UEFA Çempionlar Liqasını burada qazana bilmədiyi üçün PSJ onunla yeni müqavilə imzalanmadı. O 2023-cü ildə Səudiyyə Ərəbistanı komandası Əl-Hilaldan təklif gəlsədə o bu təklifi qəbul etməyib, Devid Bekhemın komandası olan, İnter Mayamiyə transfer oldu.

Lionel Andres Messi 24 iyun 1987-ci ildə Argentinanın Rosario şəhərində anadan olmuşdur. Atası Jorge Horasio Messi polad fabrikində işləyirdi, anası Selia Mariya Kussittini isə xidmətçi idi.^{[14][15][16][17]} Onun mənşəyi ata tərəfdən İtaliyanın Ankona şəhərinə gedib çıxırdı. Belə ki, onun ulu babası Ancelo Messi 1883-cü ildə oradan Argentinaya köçmüşdü.^[18][19] Rodrigo və Matias adlı iki böyük qardaşı, Maria Sol adlı özündən kiçik bir bacısı var.^[20] Hələ yaşı az olarkən Leo futbola maraq göstərməyə başlamışdı, o böyük qardaşları və sonralar peşəkar futbolçular olmuş Maksi Biançuççi və Emanuel Biançuççi ilə futbol oynayırdı.^[21] Beş yaşında olarkən Messi atasının məşqçilik etdiyi yerli Qrandoli futbol məktəbində məşqlərə başladı.^[22] 1995-ci ildə doğma şəhəri Rosarioda məskunlaşan "Nyuels Old Boyz" klubuna keçdi.^[22] O, komandanın gənc ulduzuna çevrildi və növbəti dörd ildə yalnız bir oyunda meydana çıxmadı. Messi təvəllüdünə uyğun olaraq "87-ci ilin maşını" ləqəbi ilə məşhurlaşdı.^[23]

11 yaşında Messiyə böyümə hormonu çatışmazlığı diaqnozu qoyuldu.^[24] Yerli klublardan "River Pleyt" Messinin müalicəsinə kömək etmək istəsə də, ayda 900 $ məbləği ödəyə bilməyəcəyini bildirdi.^[17] "Barselona"nın idman direktoru Karles Reksaç Messinin Kataloniyanın qərbində Leyda əyalətində yaşayan qohumları sayəsində onun istedadından xəbərdar idi və bir müddət sonra atası ilə Messini sınamaq üçün baxışa çağırdı.^[17] Reksaç Messiyə salfet kağızında yazılmış müqavilə təklif etdi.^[25][26] Müqaviləyə görə Messi İspaniyaya köçəcəyi halda müalicə xərcini "Barselona" öz üzərinə götürəcəkdi. Messi və atası qeyd edilən vaxtda Barselonaya köçdü və Messi klubun gənclər akademiyasına daxil oldu.^[22][26]

Messi 2000–2003-cü illərdə "Barselona"nın Uşaq B və Ümid B & A komandalarında oynayıb. Ümid B komandasında 30 oyunda 37 dəfə fərqlənib. 2003-cü ildə o, maliyyə çətinliklərinə görə məcburən klubdan uzaqlaşdırılmalı olub, amma onun gənc məşqçiləri klub idarəçilərini onun saxlanması üçün razı sala biliblər (bu ixtisarlar dövründə Sesk Fabreqas klubdan göndərilib).^[27] 2003–2004 mövsümündə Messi beş müxtəlif komandanın heyətində çıxış edib:^[28] O, Gənc B komandasında bir oyun (bir qol) keçirib və Gənc A komandasına keçidi reallaşıb (21 qol, 14 oyun). Sonra 29 noyabr 2003-cü ildə Üçüncü Divizyonda çıxış edən "Barselona C" klubunda və növbəti – 2004-cü ilin 6 martında İkinci Divizyonda çıxış edən "Barselona B" klubunda debüt elədi. O, bir mövsüm ərzində hər iki komandada çıxış elədi (müvafiq olaraq 10 oyun, 5 qol və 5 oyun, 0 qol).^[29][30][31] Bu iki debütdən daha əvvəl 16 noyabr 2003-cü ildə 16 yaş və 145 günlüyündə Messi "Barselona"nın əsas komandasının heyətində "Portu"ya qarşı yoldaşlıq görüşündə ilk rəsmi oyununu keçirmişdi.^[32][33]

Bu oyundan bir il keçməmiş 16 oktyabr 2004-cü ildə (17 yaş və 114 günlüyündə) Frank Raykard "Espanyol"la oyunda Messiyə liqa oyununda debüt etmək şansı verdi. Messi "Barselona"nın heyətində oynamış və La Liqada oyuna çıxan üçüncü ən gənc oyunçudur. Ən gənc oyunçu adına sentyabr 2007-ci ildə meydana çıxan Boyan Krkiç sahibdir. 1 may 2005-ci ildə Messi 17 yaş, 10 ay və 7 günlüyündə "Albasete Balompie" klubuna qarşı oyunda ilk qolunu vurdu və La Liqada "Barselona"nın heyətində qol vuran ən gənc oyunçu adına yiyələndi,^[34] Messinin bu rekordu 2007-ci ildə onun məhsuldar ötürməsindən sonra qol vuran Boyan Krkiç tərəfindən qırıldı.^[35] Messi onun sabiq məşqçisi Raykard haqqında belə söyləyib:"Onun mənim karyeramı başlatmağını, cəmi on altı, on yeddi yaşım olarkən mənə etimad göstərməyi faktını heç vaxt unutmayacam.""^[36] Mövsüm ərzində Messi həmçinin İkinci Divizyonda "Barselona B" komandasının heyətində də çıxış etdi və 17 oyunda 6 dəfə fərqləndi.

16 sentyabrda son üç ayda ikinci dəfə "Barselona" Messiylə müqavilənin yeniləndiyini elan etdi; bu dəfə Messinin maaşı əsas heyət oyunçularının maaşı səviyyəsində oldu və müqavilə 2014-cü ilin iyun ayınadək uzadıldı.^[22] Messi 26 sentyabr 2005-ci ildə İspaniya vətəndaşlığını aldı^[38] və nəhayət İspaniyanın Birinci Divizyonunda debüt etməyi reallaşdı. Messinin Çempionlar Liqasındakı ilk oyunu evdə 27 sentyabrda italyan klubu "Udineze"yə qarşı olub.^[32] Messi əvəzlənərkən topla soyuqqanlı oyununa və Ronaldinyo ilə uğurlu ötürmələrinin qazandırdığı qələbəyə görə Nou Kampda azarkeşlər tərəfindən alqışlanıb.^[39]

Messi 17 liqa oyununda 6 dəfə fərqləndi və UEFA Çempionlar Liqasında altı oyuna bir qol vurdu. 7 mart 2006-cı ildə Çelsiyə qarşı Çempionlar Liqasının 1/8 final mərhələsinin cavab oyununda əzələsi dartıldığına görə mövsümü erkən başa vurdu.^[40] Frank Raykardın başçılıq etdiyi "Barselona" mövsümü İspaniya və Avropa çempionu olaraq tamamladı.^[41][42]

2006–2007 mövsümündə Messi əsas heyət oyunçusuna çevrildi və 26 oyunda 14 qol vurdu.^[43] 17 oktyabrda "Real Zaraqoza"ya qarşı oyunda ayaq daraq sümüyünün qırılması ilə əlaqədər 3 ay futboldan kənarda qaldı.^[44][45] Messi Argentinada müalicə aldıqdan sonra 11 fevralda "Rasinq Santander" klubu ilə oyunun ikinci hissəsində meydana daxil oldu.^[46] 10 martda El Klassiko qarşılaşmasında "Barselona"nın 3–0 hesabı ilə geridə olduğu və bir nəfər azlıqda qaldığı qarşılaşmada 3 qol vuraraq het-trik edib. Sonuncu qolu əlavə olunmuş vaxtda vurub və bu qollarla komandasını məğlubiyyətdən xilas edib.^[47] Beləliklə, Messi 1994–1995 mövsümündə "Real Madrid"in heyətində El Klassikoda ilk het-trik edən İvan Zamoranodan sonra ikinci oyunçu olub.^[48] Messi həmçinin mövsüm ərzində qol vuran ən gənc oyunçu oldu. Mövsümün sonlarına doğru daha çox fərqlənməyə başladı: liqada vurduğu 14 qolun 11-ini son 13 oyunda vurdu.^[49]

Mütəmadi olaraq Maradona ilə müqayisə edilən Messi mövsüm ərzində onun vurduğu məşhur qolların bənzərini vuraraq müqayisənin həqiqətə uyğun olduğunu sübut etdi.^[50] 18 apreldə İspaniya Kral Kubokunun yarımfinal oyununda "Getafe"nin qapısından keçirdiyi iki topdan biri Dieqo Armando Maradonanın 1986-cı il Dünya Kubokunun finalında İngiltərənin qapısına vurduğu və "Əsrin qolu" adını qazanmış qola çox bənzəyirdi.^[51] Dünyanın ən məşhur KİV-ləri Messi və Maradona müqayisəsini edirdi və İspaniya mətbuatı Messini "Messidona" kimi təqdim edirdi.^[52] Maradonanın 21 il əvvəl Meksikada etdiyi kimi 62 metr irəlilədi, qapıçı da daxil olmaqla 6 oyunçunu geridə qoydu, oxşar mövqedən zərbə endirdi və qoldan sonra Maradonanın hərəkətinin bənzər olaraq küncdən zərbə dirəyinə tərəf qaçdı.^[50] Oyundan sonra mətbuat konfransında komanda yoldaşı Deko "Həyatımda gördüyüm ən yaxşı qol idi" fikrini söylədi.^[53] "Espanyol"a qarşı oyunda yenə Maradonanın Dünya çempionayının 1/4 finalında İngiltərə qarşı oyunda vurduğu və "Tanrının əli" adı verilən qola oxşar qol vurdu. Messi topa yüksələrkən əli ilə topa toxunaraq topu qapıçı Karloz Kameninin yanından qapıya göndərdi.^[54] "Espanyol" oyunçularının etirazlarına və lent yazısının açıq-aşkar həndbol qolu olduğunu göstərməsinə baxmayraq bu qol etibarlı sayıldı.^[54] "Barselona"da olduğu zaman Frank Raykard onun istəyinin əksinə olaraq meydançanın mərkəzinə açılmaq və sol ayağı zərbə vurmaq və ya keçid etməsi üçün sağ cinahdaa oynatmağı qərara aldı.^[55]

2007–2008 mövsümündə Messi bir həftədə 5 qol vuraraq "Barselona"nın turnir cədvəlində dördlüyə daxil olmasına kömək etdi. 19 sentyabr 2007-ci ildə "Barselona" UEFA Çempionlar Liqasında "Olimpik Lyon"u 3–0 hesabı ilə məğlub edərkən qollardan birini Messi vurmuşdu.^[56] Üç gün sonra 22 sentyabrda "Sevilya" ilə qarşılaşmada iki dəfə fərqləndi^[57] və 26 sentyabrda "Real Zaraqoza" ilə oyundakı 4–1 hesablı oyunda iki qol vurdu.^[58] 27 fevralda "Valensiya"ya qarşı oyunda rəsmi oyunlarda 100-cü dəfə "Barselona"nın formasını geyindi.^[59] Bu oyundan bir neçə gün sonra "Seltik" ilə Çempionlar Liqası oyununda əzələ yırtılması səbəbindən 6 həftə meydandan kənarda qaldı. Messi son üç mövsümdə dördüncü dəfə eyni səbəbdən futboldan kənarda qalırdı^[60]

Messi hücumçu mövqeyində FIFpro Dünyanın Ən Yaxşı XI Futbolçusu mükafatına namizəd oldu.^[61] İspan qəzeti Markanın rəsmi saytında keçirilən səsvermədə 77% səslə dünyanın ən yaxşı futbolçusu seçildi.^[62] Barselonayönümlü qəzetlər El Mundo, Deportive və Sport Qızıl top mükafatının Messiyə verilməli olduğunu bildirdilər və Frank Bekenbauer də bu fikri dəstəklədi.^[63] Françesko Totti kimi ulduz futbolçular da Messini dünyanın ən yaxşı oyunçusu kimi gördüklərini açıqladılar.^[64] Messi 2007-ci ildə Qızıl top mükafatında Kaka və Ronaldodan sonra üçüncü oldu və FİFA Dünyada Ən Yaxşı Futbolçu mükafatında Kakadan sonra ikinci yeri tutdu. O həmçinin IFFHS Dünyanın Ən Yaxşı Oyunqurucusu mükafatında Kaka və Andrea Pirlodan sonra üçüncü yeri tutdu.^[65]

Messi "Barselona"nın yarımfinala qədər irəlilədiyi UEFA Çempionlar Liqası mövsümündə 6 qol və 1 məhsuldar ötürmə ilə yadda qaldı. Messi bütün yarışlarda cəmi 16 qol vurub və 11 dəfə məhsuldar ötürmənin müəllifi olub.

Ronaldinyonun komandadan ayrılmasından sonra Messi 10 nömrəli formada çıxış etməyə başladı.^[66] 1 oktyabrda UEFA Çempionlar Liqasında "Şaxtyor Donetsk"ə qarşı oyunda əvəzetmədən Tyeri Anrinin yerinə meydançaya daxil olaraq son yeddi dəqiqə iki qol vurub hesabı "Barselona"nın xeyrinə 2–1 etmişdi.^[67] Növbəti liqa oyunu Messinin çox yaxın dostu Sergio Agüero ilə qarşı-qarşıya gəldiyi "Barselona"-"Atletiko Madrid" oyunu idi.^[68] Messi cərimə zərbəsindən qol vuraraq və bir məhsuldar ötürmə edərək "Barselona"nın 6–1 hesablı qələbəsində pay sahibi oldu.^[69] Messi "Sevilya" ilə oyunda 23 metr məsafədən vurduğu qol və qapıçını da keçərək iti bucaq altında vurduğu qolla diqqətləri öz üzərinə çəkdi.^[70] 13 dekabrda 2–0 hesabı ilə "Barselona"nın xeyrinə başa çatan El Klassiko oyununda Messi komandasının ikinci qolunun müəllifi olmuşdu.^[71] Messi həmçinin 2008-ci ildə FİFA Dünyanın Ən Yaxşı Oyunçusu mükafatına namizədlər arasında 678 xalla ikinci oldu.^[72]

Messi 2009-cu ildə ilk het-trikini İspaniya Kuboku oyununda "Atletiko Madrid"i 3–1 hesabı ilə məğlub etdikləri oyunda gerçəkləşdirdi.^[73] Messi 1 fevral tarixində "Rasinq Santander" komandasına qarşı "Barselona"nın 1–0 hesabı ilə geri düşdüyü oyunda ikinci hissədə oyuna daxil olaraq iki vacib qol vurdu və komandasına 2–1 hesablı qələbə qazandırdı. Bu qollardan ikincisi "Barselona"nın La Liqada vurduğu 5000-ci qol idi.^[74] La Liqanın 28-ci turunda Messi "Barselona"nın "Malaqa"nı 6–0 hesabı ilə məğlub etdiyi oyunda mövsümdəki 30-cu qolunu vurdu.^[75] 8 aprel tarixində Çempionlar Liqasında "Bayern Münhen" komandasına iki qol vuraraq bu turnirdə vurduğu qolların sayını 8-ə çatdırdı və özünün şəxsi rekordunu qırdı.^[76] 18 apreldə "Getafe"ni 1–0 hesabı ilə məğlub etdikləri oyunda liqada 20-ci qolunu vurdu. Beləliklə, bu "Barselona" ilə "Real Madrid"in arasında 6 xal fərqin qorunmasını və "Barselona"nın "Real Madrid" ilə keçirəcəyi oyun ərəfəsində növbəti oyuna üstünlüklə hazırlaşmalarını təmin etdi.^[77]

"Barselona" "Real Madrid"in Santyaqo Bernabeu stadionunda keçirilən El Klassiko qarşılaşmasında 6–2 hesabı ilə qalib gəldi^[78] və bu, 1930-cu ildən bəri "Real Madrid"in üzləşdiyi ən böyük hesablı məğlubiyyət oldu.^[79] Bu oyunda Messi iki dəfə fərqləndi. Hər qol vurduqdan sonra kameralara tərəf gedərək formasını qaldırıb "Sindrome X Fragil" (Kataloniya dilində: Frajil X Sindromu) yazan köynəyini göstərdi və bu xəstəliyə yoluxmuş uşaqlara dəstəyini nümayiş etdirdi.^[80] Messi Çempionlar Liqasının yarımfinalında Andres İnyestanın əlavə olunmuş dəqiqələrdə vurduğu qolda böyük pay sahibi oldu və "Çelsi"ni mübarizədən kənarlaşdıran "Barselona" finalda "Mançester Yunayted" komandasına rəqib oldu. 13 mayda İspaniya Kral Kuboku finalında "Atletik Bilbao"nu 4–1 hesabı ilə məğlub etdikləri oyunda Messi bir qol, iki məhsuldar ötürmə ilə yadda qaldı və ilk dəfə İspaniya Kral Kubokunu qazandı.^[81] Daha sonra "Barselona" La Liqanın da qalibi olaraq qızıl dubl gerçəkləşdirdi. "Barselona" 27 mayda Çempionlar Liqası finalında 2–0 hesabı ilə qalib gələrək 3-cü dəfə bu kubokun sahibi oldu. Messi 70-ci dəqiqədə komandasının ikinci qolunun müəllifi oldu və 9 qolla Çempionlar Liqasının bombardiri oldu.^[82] Beləliklə, ən gənc bombardir adına sahib çıxdı.^[83] Bu möhtəşəm mövsümdən sonra Messi UEFA İlin Hücumçusu və UEFA İlin Futbolçusu mükafatlarına sahib çıxdı.^[84] Bu Çempionlar Liqası qələbəsi ilə "Barselona" İspaniya Kral Kuboku, La Liqa və Çempionlar Liqasını eyni mövsümdə qazanan ilk ispan klubu oldu.^[85][86]

UEFA Super Kubokunun qalibi olan "Barselona"nın baş məşqçisi Yosep Qvardiola Messinin indiyə qədər gördüyü ən yaxşı futbolçu olduğu fikrini söylədi.^[88] 18 sentyabr tarixində Messi "Barselona" ilə yeni müqavilə imzaladı. 2016-cı ilə qədər uzadılan müqaviləyə əsasən, Messinin transfer dəyəri 250 milyon € olaraq müəyyən edildi. Messi illik 9.5 milyon €-luq məvacibi ilə birlikdə Zlatan İbrahimoviç ilə birgə La Liqanın ən bahalı futbolçusu oldu.^[89][90] Bundan dörd gün sonra 22 sentyabrda Messi "Rasinq Santander" klubuna qarşı "Barselona"nın 4–1 hesabı ilə qalib gəldiyi oyunda 2 qol, 1 məhsuldar ötürmə ilə yadda qaldı.^[91] Qitəmiqyaslı yarışlarda ilk qolunu 29 sentyabr tarixində "Dinamo Kiyev" klubuna qarşı oyunda vurdu.^[92] "Barselona"nın "Real Zaraqoza"ya 6–1 hesabı ilə qalib gəldiyi oyunda Nou Kampda het-trik etdi.^[93][94]

1 dekabr 2009-cu il tarixində Messi Avropada İlin Futbolçusu Mükafatını qazandı. İkinci yerdə olan Kriştiano Ronaldonun 233 xal qazandığı halda Messi 473 xalla birinci olmuşdu. Bu fərq tarixdə ən böyük fərq olaraq yadda qaldı.^[95][96][97] Frans Futbol jurnalına verdiyi müsahibədə Messi mükafatı ailəsinə həsr etdiyini açıqladı və "Nə vaxt onlara ehtiyacım olsa, mənimlə birgə idilər və hətta bəzən hislərini məndən daha çox göstərdilər" fikrini bildirdi.^[98] Messi həmçinin Beynəlxalq Futbol Tarixi və Statistikaları Federasiyasının İlin Ən Yaxşı Pleymeykeri Mükafatında komanda yoldaşı Xavinin ardınca ikinci yeri tutub.^[99]

19 dekabrda Messi FİFA Klublarası Dünya Kuboku finalında Abu Dabidə "Estudiantes"ə qarşı oyunda komandasının qələbə qolunun müəllifi oldu və bu kuboku komandasına qazandırdı.^[100] İki gün sonra FİFA Dünyada İlin Oyunçusu mükafatında Andres İniyesta, Kaka, Xavi və Kriştiano Ronaldonu arxada qoyaraq birinci oldu.^[101] Messi bu mükafatı əldə edən ilk Argentinalı futbolçu oldu. 10 yanvar tarixində 2010-cu ilin və mövsümün ilk het-trikini "Tenerife"yə qarşı 5–0 hesabı ilə qalib gəldikləri oyunda gerçəkləşdirdi.^[102] 17 yanvarda "Barselona"nın "Sevilya"ya 4–0 hesabı ilə qalib gəldiyi oyunda Messi "Barselona"da 100-cü qolunu vurdu.^[102] Bundan sonrakı beş oyunda 11 dəfə fərqləndi. "Malaqa"nı 2–1 hesabı ilə məğlub etdikləri oyunda 84-cü dəqiqədə qol vurdu.^[103] Daha sonra "Almeriya" komandası ilə 2–2 hesabı ilə heç-heçə başa çatan oyunda 2 qol vurdu.^[104] Növbəti uğurlu həftədə 8 qolla yadda qaldı. Doğma meydanda "Valensiya"nı 3–0 hesabı ilə məğlub etdikləri oyunda het-trik etdi.^[105] Daha sonra Çempionlar Liqasında 1/8 final mərhələsində "Ştuttqart" ilə 4–0 hesabı ilə bitən oyunda iki dəfə fərqləndi^[106] və son olaraq "Real Zaraqoza"ya 4–2 hesabı ilə qalib gəldikləri oyunda növbəti het-trikini etdi.^[107] Bu performansla La Liqada iki oyun ard-arda het-trik edən ilk "Barselona"lı oyunçu oldu.^[108] 24 martda Osasunaya qarşı oyun Barselonadakı 200-cü rəsmi oyunu idi.^[109]

6 aprel 2010 tarixində Messi karyerasında ilk dəfə bir oyunda dörd qolun müəllifi oldu. Bu hadisə Çempionlar Liqasının 1/4 final mərhələsində "Arsenal" komandasına qarşı evdə cavab oyununda reallaşdı. 4–1 hesabı ilə başa çatan oyunda "Barselona"nın bütün qollarının müəllifi Messi oldu.^{[110][111][112]} Bu oyundan sonra Çempionlar Liqasında ən çox qol vuran "Barselona"lı oyunçu adı Rivaldodan Messiyə keçdi.^[113] 10 apreldə "Real Madrid"ə 2–0 hesabı ilə qalib gəldikləri oyunda bir dəfə fərqləndi və mövsümün 40-cı qolunu vurdu.^[114] Messi mayın 1-də "Vilyareal" ilə 4–1 hesabı ilə başa çatan oyunda 2 dəfə fərqlənərək dubl etdi.^[115] 4 may tarixində "Barselona"nın "Tenerife" komandasına 4–1 hesabı ilə qalib gəldiyi oyunda yenə dubl etdi.^[116] 8 may tarixində isə "Sevilya" ilə qarşılaşmada mövsümün 32-ci qolunu vurdu^[117] və liqanın sonuncu turunda Real "Valladolid"ə qarşı oyunda da iki dəfə fərqləndi. Messi, beləliklə Ronaldonun 1996–97 mövsümündə vurduğu 34 qolluq rekordunu yenilədi^[118][119] və 3 iyunda ondan dörd qol çox vuran Telmo Zarraya həsr olunan La Liqa İlin Futbolçusu mükafatına layiq görüldü.^[120] Messi bu mükafatı ardıcıl ikinci dəfə əldə etdi.^[121]

Messi 21 avqustda "Sevilya"nı 4–0 hesabı ilə məğlub etdikləri İspaniya Super Kubokunun ilk oyununda het-trik etdi. İkinci oyunda "Sevilya" oyunda 3–1 hesabı ilə qələbə qazandı, amma hər iki oyunun nəticəsinə görə "Barselona" kubokun sahibi oldu.^[123] O, 29 avqustda "Rasinq Santander"ə qarşı oyunda 3-cü dəqiqədə qol vurdu. Messi Çempionlar Liqası oyununda "Panathinaikos"la qarşılaşmada 2 qol vurdu və bir məhsuldar ötürmə verdi.

Messi 19 sentyabrda Visente Kalderon Stadionunda oyunun 92-ci dəqiqəsində "Atletiko Madrid"in oyunçusu Tomas Uyfalusi tərəfindən kobudluqla dayandırıldı və ayaq biləyi zədələndi. Messinin ayaq biləyi qırıldığı üçün 6 ay futboldan kənarda qalacağı haqda söz-söhbətlər gəzməyə başladı.^[124] Amma daha sonra ayaq biləyinin burxulduğu və 2 həftə futboldan uzaq olacağı açıqlandı.^[125] Ertəsi gün komanda yoldaşı Davil Vilya "Messiyə qarşı vəhşicəsinə kobudluq edildi" fikrini bildirdi. "Atletiko Madrid"in müdafiəçisi Tomas Uyfalusi "Qaydanı pozarkən zədələməyi düşünmürdüm" açıqlamasını etdi.^[126] Bu hadisə dünya mətbuatında böyük marağa səbəb oldu və bütün futbolçuların qorunması bərabərliyi müzakirə mövzusu oldu.

Messi sağaldıqdan sonra "Malyorka" ilə oyunda meydançaya çıxdı və 1–1 hesabı ilə başa çatan oyunda komandasının qolunun müəllifi oldu. UEFA Çempionlar Liqasında Kopenhagen klubu ilə 2–0 hesabı ilə bitən qarşılaşmada fərqləndi.^[127] "Real Zaraqoza" və "Sevilya" komandalarına qarşı oyunda da meydanı qolsuz tərk etmədi və hərəsində bir dəfə fərqləndi. Messi Çempionlar Liqasında 1–1 hesabı ilə başa çatan "Kopenhagen" və La Liqada 3–1 hesabı ilə qalib gəldikləri "Getafe" ilə oyunlarda bir dəfə fərqləndi və "Getafe" oyununda David Vilya və Pedro Rodrigezin vurduğu qolların ötürməsini verdi.^[128] Növbəti oyunda "Vilyareal"anın qapısından iki dəfə top keçirdi və "Barselona" oyunu 3–1 hesabı ilə qələbə ilə başa vurdu. Messi 7 oyun ardıcıl qol vurdu və beləliklə özünün müəyyənləşdirdiyi ardıcıl 6 oyunda qol vurmaq rekordunu yenilədi. Messi "Almeriya"ya qarşı 8–0 hesabı ilə qalib gəldikləri oyunda üç qol vuraraq het-trik etdi. Vurduğu ikinci qol Messinin La Liqa karyerasında vurduğu 100-cü qolu oldu.^[129] Messi Panathinaikosla oyunda 1 dəfə fərqləndi və ardıcıl doqquz oyunda qol vurmağı bacardı.^[130]

Messinin doqquz oyunluq qol vurmaq seriyası 29 oktyabrda El Klassikoda 5–0 hesabı ilə qalib gəldikləri oyunda qırıldı, amma Messi bu oyunda da yadda qalmağı bacardı. O, Davil Vilyaya iki məhsuldar ötürmə verdi.^[131] Növbəti oyunda "Osasuna"ya qarşı qarşılaşmada da qol vurdu.^[132] Messi Barselona derbisində 5–1 hesabı ilə qalib gəldikləri oyunda 1 qol vurdu və Pedro Rodrigez ilə David Vilyaya məhsuldar ötürmə verdi.^[133] 2011-ci ildəki ilk qolunu 4–0 hesabı ilə başa çatan oyunda "Deportivo La Koruna"ya qarşı oyunda sərbəst zərbədən vurdu və yenə Pedro Rodrigez ilə David Vilyaya məhsuldar ötürmə verdi.^[134]

Messi komanda yoldaşları Xavi və İniyestanı geridə qoyaraq FİFA İlin Futbolçusu mükafatına layiq görüldü.^[135] Messi bu mükafata ardıcıl dörd il namizəd göstərilmişdi.^[136] Lionel Messi "Rasinq Santander"ə qarşı oyunda 11 metrlik cərimə zərbəsindən fərqləndi.^[137] O, penaltidən qolu vurduqdan sonra formasında "Ad günün mübarək, ana" yazısını nümayiş etdirdi. Messi bu hərəkətlə vurduğu qolu anasına həsr etdiyini bildirdi.^[138] Lionel Messi İspaniya Kral Kuboku yarımfinal oyununda Almeriyanın qapısına qol vurdu.^[139] Amma Herkulesə qarşı oyunda fərqlənə bilmədi.^[140] 5 fevral tarixində "Barselona" öz meydanında "Atletiko Madrid"ə 3–0 hesabı ilə qalib gəldi və 16 oyunluq məğlubiyyətsiz oyunlar seriyası ilə rekord vurdu.^[141] Lionel Messi bu oyunda het-trik etdi və oyundan sonra "Alfredo Di Stefano kimi böyük bir futbolçunun rekordunu qırmaq böyük şərəfdir" və "Bunu bacarmaq çox mürəkkəb idi. Hətta daha da çətinləşirdi. Biz çox çətin komandaya qalib gələrək bu rekordu qırdıq" açıqlamalarını verdi.^[142]

Messi "Atletik Bilbao" ilə qarşılaşmada bir qol vuraraq "Barselona"nın oyunu 2–1 hesabı ilə qalib başa vurmasını təmin etdi.^[143] Bir həftə sonra isə komandanın "Malyorka"ya 3–0 hesabı ilə qalib gəldiyi oyunda bir qol vurdu.^[144] "Barselona" Messinin qolları ilə 19 oyunluq məğlubiyyətsizlik seriyası davam etdi və 1979–80-ci illər mövsümündə 19 oyunluq məğlubiyyətsizlik seriyasına malik olan Real Sosyedadın rekorduna şərik çıxdı. "Barselona" rekorda şərik çıxdığı gün Messi "Valensiya"nın qapısına qol vurdu.^[145] 8 mart tarixində UEFA Çempionlar Liqasının 1/8 final mərhələsinin cavab qarşılaşmasında "Arsenal"a iki qol vurdu və komandasının 1/4 finala yüksəlməsinə kömək etdi.^[146] Bir ay ərzində qol vura bilməyən Messi bu seriyanı "Almeriya" ilə oyunda qırdı və 2010–11 mövsümündə 47-ci qolunu vurub ötən mövsümkü rekordunu təkrarladı.^[147] 12 aprel tarixində Çempionlar Liqası 1/4 final revanş qarşılaşmasında "Şaxtyor Donetsk"ə vurduğu qol Messinin 2010–11 mövsümündə vurduğu 48-ci qol oldu və ötən il qırdığı rekordu yenilədi.^[148] Messi 1–1 hesabı ilə başa çatan El Klassiko oyununda Santyaqo Bernabeu Stadionunda "Real Madrid"in qapısına komandasının yeganə qolunu vurdu. 23 aprel tarixində "Barselona"nın "Osasuna"nı 2–0 hesabı ilə məğlub etdiyi oyunda 60-cı dəqiqədə meydana daxil oldu və bu dəfə də fərqləndi. Messi, beləliklə, 2010–11 mövsümündəki 50-ci yubiley qolunu vurmuş oldu.^[149] O, mövsümü La Liqanı qazanaraq və çempionatda 31 qol vuraraq başa vurdu, həmçinin 41 qolla Piçiçi mükafatında qalib Kriştiano Ronaldodan sonra ikinci yerdə oldu. Messi mövsüm ərzində 18 məhsuldar ötürmə edərək bu göstəricidə hamını qabaqladı.

Messi "Real Madrid"lə 0–0 hesabı ilə davam edən UEFA Çempionlar Liqasının ilk yarımfinal oyununda sona 15 dəqiqə qalmış meydana daxil oldu və ardıcıl iki qol vurmağı bacardı. Xüsusilə vurduğu ikinci qol ən çox bəyənilən qol oldu.^[150][151] Messi Uembli stadionunda "Mançester Yunayted"i 3–1 hesabı ilə məğlub etdikləri final qarşılaşmasında 1 qol vurdu və "Barselona"nın heyətində 6-cı mövsümündə 3-cü dəfə UEFA Çempionlar Liqasının qalibi oldu.^[152]

Messi 2011–2012 mövsümünə Barselonanın heyətində İspaniya Superkubokunu qazanmaqla başladı. İki oyunun nəticəsinə görə "Barselona" "Real Madrid"i 5–4 hesabı ilə məğlub etdi, bu oyunlarda Messi 3 qol və 2 məhsuldar ötürmə ilə yadda qaldı.^[153]

"Portu" komandası ilə 2–0 hesabı ilə başa çatan UEFA Superkuboku uğrunda görüşdə ilk qolun müəllifi olan Messi komanda yoldaşı Fabreqasın vurduğu ikinci qolun da məhsuldar ötürməsini verdi.^[154] Bu nəticə ilə karyerasında ikinci dəfə bu titula yiyələndi.^[155] Messi "Vilyarel" ilə mövsümün ilk La Liqa qarşılaşmasında iki qolun müəllifi oldu.^[156] Üçüncü çempionat oyununda Nou Kampda "Barselona"nın "Osasuna"nı böyük hesabla, 8–0^[157] və beşinci tur oyununda "Atletiko Madrid"i 5–0 hesabı ilə məğlub etdikləri qarşılaşmalarda het-trik etdi.^[158]

Messi 28 sentyabr tarixində UEFA Çempionlar Liqasında "BATE Borisov"a qarşı oyunda iki qolla yadda qaldı^[159] və "Barselona" tarixində 194 dəfə fərqlənən Laszlo Kubala ilə birgə klubun tarixində ən çox qol vuran ikinci oyunçusu oldu.^[160] Messi 15 oktyabrda "Rasinq Santander"in qapısından iki top keçirdi və 194 qolun müəllifi olan Kubalanı keçərək 196 qolla ən çox qol vuran ikinci oyunçu adına yiyələndi.^[161] Bu oyundan sonra Messi ölkə çempionatında "Malyorka" ilə qarşılaşmada üç qol vuraraq het-trik müəllifi oldu. Messi beləliklə "Barselona"da 200-cü qolunun müəllifi olan ikinci futbolçu oldu və həmçinin "Barselona"nın heyətində ölkə çempionatlarında 131 qolun müəllifi olan Kubalanı da 1 top fərqi ilə qabaqladı.^[162] Messi bu rekordu qırdıqdan sonra 1 noyabrda UEFA Çempionlar Liqasını yarışının qrup mərhələsində "Viktoriya Plzen"lə oyunda da het-trik müəllifi oldu.^[163] Messi "Atletik Bilbao" oyununda əlavə olunmuş dəqiqələrdə qol vuraraq hesabı 2–2 etdi və komandasına 1 xal qazandırdı.^[164] Daha sonra Real Zaraqoza ilə oyunda da bir dəfə fərqləndi.^[165] O, Çempionlar Liqası H qrupunda Milanla qarşılaşmada 11 metrlik cərimə zərbəsindən bir qol vurdu və Barselona oyunu 3–2 hesabı ilə qalib başa vurdu.^[166] Liqada "Rayo Vallekano"ya qarşı "Barselona"nın 4–0 hesabı ilə qalib gəldiyi oyunda bir qolun müəllifi oldu.^[167] Həmçinin 5–0 hesabı ilə qalib gəldikləri "Levante" qarşılaşmasında da bir dəfə fərqləndi.^[168]

Messi 2011-ci ildə "Santos" klubu ilə FİFA Klublararsı Dünya Kubokunun final oyununda göstərdiyi performansla "oyunun ulduzu" seçildi və turnirin sonunda "qızıl top" mükafatının da sahibi oldu.^[169] Messi 2011-ci ildə komanda yoldaşı Xavi və Kriştiano Ronaldonu arxada qoyaraq UEFA Avropada Ən Yaxşı Futbolçu Mükafatı qazandı. Həmçinin eyni ildə həmin futbolçuları qabaqlayaraq FİFA Qızıl top mükafatını üçüncü dəfə əldə etdi. Yohan Kruyf, Mişel Platini və Marko Van Bastendən sonra bu mükafatı üçüncü dəfə qazanan dördüncü futbolçu oldu. Messi həmçinin 2011-ci ildə 19 qolla İFFHS Dünyanın Ən Çox Qol Vuran Oyunçusu mükafatını da qazandı.^[170]

19 fevralda "Valensiya"ya qarşı keçirdiyi oyun Messinin La Liqada meydana çıxdığı 200-cü oyun idi və yubiley qarşılaşmasında Messi dörd dəfə fərqlənərək komandasının hesabda geridə olmasına baxmayaraq 5–1 hesabı ilə qalib gəlməsinə kömək etdi.^[171] 7 martda UEFA Çempionlar Liqasının 1/8 final mərhələsi cavab qarşılaşmasında "Bayer Leverkuzen"in qapısından 5 top keçirərək turnirin tarixində bir oyunda ən çox qol vuran futbolçu adına yiyələndi.^[171]

Messi 20 martda 5–3 hesabı ilə qalib gəldikləri "Qranada" qarşılaşmasında het-trik müəllifi olaraq 232 qolla "Barselona"nın heyətində ən çox qolun müəllifi olan Sezar Rodrigez Alvarezin rekordunu əlindən alaraq bir daha adını "Barselona"nın tarixinə yazdırdı.^[172]

Messi "Milan" klubu ilə 1/4 final cavab qarşılaşmasında dubl edərək Joze Altafininin Çempionlar Liqasında (Çempion Klublar Kuboku adı ilə oynanılan yarışlar da daxil olmaqla) bir mövsümdə vurduğu 14 qolluq rekordu yeniləmiş oldu və Çempionlar Liqası adı ilə 2002–03 mövsümündə 12 qol vuran Ruud van Nistelrooyun müəllifi olduğu rekordu da qırdı.^[173] "Barselona" yarımfinal qarşılaşmasında "Çelsi"ylə mübarizədə məğlub oldu və Messi həmin qarşılaşmada penaltini dəqiq yerinə yetirə bilmədi.^[174] Oyundan sonra bəzi qəzetlər, xüsusilə Marka qəzeti Messini çox qınadı.^[175]

Messi 11 apreldə 4–0 hesabı ilə qalib gəldikləri "Getafe" qarşılaşmasında bir qol (mövsümdə 61-ci qolunu) vurdu və İsidro Lanqaranın İspaniyada 1933–34 mövsümündə rəsmi oyunlarda vurduğu 60 qolluq rekordu da qırdı.^[177]

2 may tarixində "Malaqa" ilə oyunda Messi növbəti het-trikini rəsmiləşdirdi və 68-ci qolunu vuraraq 1972–73 mövsümündə Gerd Mülerin müəllifi olduğu 67 qolluq rekord həddi keçərək Avropada bir mövsümdə ən çox qol vuran futbolçu adına sahib çıxdı.^[178] 5 mayda Barselona derbisində "Espanyol"u 4–0 hesabı ilə məğlub etdikləri oyunda ikisi 11 metrlik cərimə zərbəsindən olmaqda dörd dəfə fərqləndi (mövsümdəki 72-ci qol) və beləliklə 1924–25 mövsümündə Dünyada cəmi 70 qol vuran Arçi Starkın da rekordunu qıra bildi.^[179]

21 aprel tarixində çempionluğun taleyini həll edəcək oyunda "Barselona" "Real Madrid"ə öz meydanında 2–1 hesabı ilə məğlub oldu və çempionluq yolunda böyük zərbə aldı.^[180] "Real Madrid" bu nəticədən sonra fərqi qorumağı bacardı və La Liqanın qalibi oldu.^[181] Messi Avropada məhsulda ötürmə reytinqində 15 ötürmə ilə 17 ötürmə müəllifi olan Məsud Özildən sonra ikinci oldu.^[182] Mövsümün 73-cü qolunu 2012 İspaniya Kral Kubokunun finalında "Atletik Bilbao" komandasının qapısına vurdu və "Barselona" kubokun sahibi oldu.^[183] Messi beləliklə mövsümü 73 qolla və qırdığı rekordlarda yekunlaşdırmış oldu. Lionel Messi "Rayo Vallekano" oyununda dubl edərək peşəkar futbolçu karyerasında 301-ci qolunun müəllifi oldu.^[184]

Nou Kampda "Real Sosyedad"a qarşı mövsümün ilk oyununda da Messi qol vurmağı bacardı. Messi 23 avqustda İspaniya Superkubokunun 3–2 hesabı ilə başa çatan ilk oyununda "Real Madrid"in qapısına 11 metrlik cərimə zərbəsindən qol vurdu.^[185] O, Osasuna ilə hesabda geridə olduqları oyunda komandasının 2–1 hesablı qələbəsini təmin etdi. Messi Superkubokun cavab qarşılaşmasında cərimə zərbəsindən fərqlənərək növbəti qolunu vurdu, amma kuboku səfərdə vurduğu qollarla "Real Madrid" qazandı.^[186] Bu, onun El Klassikolar tarixindəki 15-ci qolu idi. Messi bu qollarla "Barselona"nın Klassiko oyunlarındakı ən məhsuldar oyunçusu adını qazandı. El Klassikolar tarixidə 18 qolla lider olan Alfredo Di Stefanodan sonra "Barselona" ən məhsuldar ikinci oyunçu oldu.^[187] Messi 2012-ci ildə UEFA Avropada Ən Yaxşı Oyunçu Mükafatında 17 səs qazanan Kriştiano Ronaldo ilə birlikdə ikinci yeri bölüşdü. Mükafatı Messinin komanda yoldaşı Andres İniyesta qazandı.^[188] 2 sentyabrda "Valensiya"ya qarşı mövsümdə üçüncü çempionat oyununda Messi komanda yoldaşı Adrianonun müəllifi olduğu oyunda yeganə qolun məhsuldar ötürməsini verdi. Messi 15 sentyabrda "Getafe" ilə qarşılaşmada daha iki qol vurdu^[189] və 20 sentyabrda "Spartak Moskva"ya qarşı mövsümün ilk Çempionlar Liqası oyununda komandasının əzmkar qələbə qazanmasında böyük rol oynamışdır, Messi bu oyunda mövsümdəki onuncu qolunun müəllifi olub.^[190]

11 noyabrda "Malyorka" ilə qarşılaşmada Messi iki dəfə fərqlənərək 2012-ci ildə vurduğu qolların sayını əvvəl 75-ə sonra isə 76-a çatdırdı. Bu göstərici ilə 1958-ci ildə 75 qolun müəllifi olan Peleni və alman əfsanəsi Gerd Müllerin doqquz dəfə əldə etdiyi Ginnesin Dünya Rekordları titulunu geridə qoydu.^[191] Onun 77 və 78-ci qolları Nou Kampda "Real Zaraqoza" ilə qarşılaşmalarda reallaşdı.^[192] 20 noyabrda Messi "Spartak Moskva" ilə qarşılaşmada iki dəfə fərqləndi, bu oyunda vurduğu qollar onun 2012-ci ildə vurduğu 79 və 80-ci qollar idi.^[193] Messi qol ənənəsini davam etdirirdi, 25 noyabrda "Levante" klubu ilə oyunda o, 81 və 82-ci qollarının müəllifi oldu.^[194] 1 dekabr tarixində Messi növbəti dəfə dubl etdi. "Atletik Bilbao" ilə qarşılaşmalarda vurduğu qollar onun 83 və 84-cü qolları idi. İki qolla Messi həmçinin "Barselona"nın bütün dövrlərdə La Liqa oyunlarında ən çox qol vuran Sezar Rodrigezə məxsus 190 qolluq rekorda da şərik çıxdı.^[195] 9 dekabrda Messi "Real Betis"lə qarşılaşmada iki dəfə fərqləndi, onun 85 və 86-cı qolları ilə 1972-ci ildə Almaniya milli komandasında və "Bayern Münhen" klubunda 85 dəfə fərqlənən Mülleri keçdi, həmçinin bu qollarla o, Sezar Rodrigezi də arxada qoyaraq "Barselona" tarixində La Liqa oyunlarında ən çox qol vuran oyunçu adına yiyələndi.^[196][197] Messi Müllerə öz rekordundan sonra "hörmət və heyranlıqla" imzalı 10 nömrəli formasını göndərmişdi.^[198] 12 dekabrda "Kordoba" ilə İspaniya Kubokunun ilk oyununda Messi bu rekordunu 88 qola çatdırdı. 16 dekabrda Messi "Barselona"nın "Atletiko Madrid"i 4–1 hesabı ilə məğlub etdiyi qarşılaşmada iki dəfə qol vuraraq 90-cı qolunun müəllifi oldu.^[199] Messi "Real Valyodolid"ə qarşı oyunda bir dəfə fərqlənərək 2012-ci ili 91 qolla tamamladı, lakin FİFA bir təqvim ili ərzində ən çox qol vurma rekordunu qəbul etmir.^[200] 18 dekabr 2012-ci ildə Messinin müqaviləsinin 30 iyun 2018-ci ilə qədər uzadıldığı elan edildi.^[201] Müqavilə 7 fevral 2013-cü ildə imzalandı.^[202]

7 yanvarda 2012-ci ildə favorit kimi göstərilən Messi^[203] növbəti dəfə Kriştiano Ronaldonu və komanda yoldaşı Anres İniyestanı arxada qoyaraq FİFA Qızıl Top mükafatını qazandı. Bununla, Messi Qızıl top mükafatını dördüncü dəfə qazanan ilk və hələlik yeganə futbolçu oldu.^[204] Messi bu təltifetməni "həqiqətən, olduqca inanılmaz" və "sözlərlə ifadə olunmayacaq hislər" kimi təsvir etdi.^[205] Bu nailiyyət mediyanın Messini Dieqo Maradona və Pele kimi keçmiş dahi futbolçularla müqayisə olunmasını sürətləndirmişdi.^[206][207]

27 yanvar tarixində Messi "Osasuna"nı 5–1 hesabı ilə məğlub etdikləri oyunda 4 qolun müəllifi oldu. Bu oyunda Messi La Liqa qarşılaşmalarındakı 200-cü qolu da vurdu. Bu göstəricini reallaşdıran səkkizinci və ən gənc futbolçu kimi Messi tarixə düşdü.^[208] Messi bu mövsüm La Liqalardakı 33-cü və bütün turnirlərdəki 44-cü qolunu vurdu. 16 fevralda Messi "Qranada" komandasına qarşı La Liqa qarşılaşmasında "Barselona"nın heyətində 300-cü qolunun müəllifi oldu. Oyundakı növbəti qolu onun 365 rəsmi oyundakı 301-ci qolu oldu.^{[209][210][211]} 2 mart tarixində Messi "Barselona"nın 2–1 hesabı ilə məğlub olduğu oyunda "Real Madrid" komandasının qapısından yeganə topu keçirmişdir. Bu qolla Messi Alfredo Di Stefanonun El Klassikolar tarixindəki 18 qolluq rekordunu təzələdi.^[212] 9 martda Messi "Deportivo de La Koruna" klubuna qarşı oyunda əvəzetmədən meydana daxil olaraq ardıcıl 17-ci liqa oyununda fərqlənə bildi və dünya tarixində rekord müəyyənləşdirdi.^[213] Messinin qol seriyası 21 oyunda 33 qolla tamamlandı.^[214]

12 martda Messi iki dəfə fərqlənərək "Barselona"nın "Milan"ı 4–0 hesabı ilə məğlub edib UEFA Çempionlar Liqasının 1/4 final mərhələsinə vəsiqə qazanmasına kömək etdi.^[215] Messinin Milanın qapısından kçirdiyi ilk qol Dieqo Maradonanın FİFA Dünya Kuboku 1994-də Yunanıstan milli komandasına vurduğu məşhur qolla müqayisə olunurdu. 17 mart tarixində "Rayo Vallekano"ya qarşı oyunda Messi Andres İniyestanın əvəzlənməsindən sonra "Barselona" klubunun heyətində rəsmi oyunlarda ilk dəfə kapitan sarğısını daşımalı oldu.^[216] 30 mart tarixində Messi ardıcıl 19-cu La Liqa oyununda "Barselona"nın heyətində fərqləndi. "Selta da Viqo" klubu ilə qarşılaşmada qol vuraraq La Liqa tarixində bütün komandaların qapısına yol tapan ilk futbolçu oldu.^[217]

2 apreldə "Pari Sen Jermen" klubunun qapısına qol vurduqdan sonra Messi ayağında dizaltı vətərindən zədələndi və fasilədə əvəzləndi.^[218] Bundan sonra o, bəzi oyunlarda meydana çıxa bilmədi. 13 may tarixində Messi "Atletiko Madrid" klubu ilə qarşılaşmada sol ayağındakı zədəyə görə sonadək meydanda ola bilmədi.^[219] Daha sonra Messinin zədəyə görə qalan oyunları buraxacağı elan edildi.^[220] "PSJ" klubu ilə UEFA Çempionlar Liqasının 1/4 final mərhələsinin cavab oyununda hesabda geri olduqları zaman ikinci hissədə Messi meydana çıxıb David Vilya ilə yaxşı anlaşaraq Perdonun qol vurmasına kömək etdi, bu nəticə ilə "Barselona" yarımfinala vəsiqə qazandı.^[221] "Barselona" yarımfinal mərhələsində "Bayern Münhen" klubu tərəfindən mübarizədən kənarlaşdırıldı. "Barselona" həmçinin Kopa del Rey turnirində də yarımfinalda Real Madridə uduzaraq mübarizəni dayandırdı. "Barselona" La Liqada 100 xal qazanaraq çempion oldu.^[222] Messi 2012–13 mövsümündə La Liqanı 46 qolla ən məhsuldar oyunçu kimi tamamladı. Həmçinin o, 12 məhsuldar ötürmə ilə də yadda qaldı. Messi bütün turnirlərdə 60 qol və 16 məhsuldar ötürmə müəllifi oldu.

Messi Kriştiano Ronaldo və Frank Riberi ilə birlikdə ardıcıl üçüncü dəfə UEFA Avropada Ən Yaxşı Futbolçu mükafatına namizəd göstərildi.^[223] Riberi 36 səslə mükafatı qazandı, Messi isə 14 səslə 3 səs toplayan Ronaldonu arxada qoyaraq ikinci oldu.^[224][225] 18 avqustda Messi "Levante" ilə La Liqa qarşılaşmasında iki qol və bir məhsuldar ötürmə müəllifi olaraq komandasının 7–0 hesablı qələbəsində böyük pay sahibi olub.^[226] 28 avqustda "Barselona" səfər qolları ilə "Atletiko Madrid"ə qalib gələrək İspaniya Superkubokunu qazandı.

1 sentyabr tarixində Messi "Barselona"nın "Valensiya"ya 3–2 hesabı ilə qalib gəldiyi oyunda karyerasındakı iyirmi üçüncü het-trikini rəsmiləşdirdi. Üç qolla o, çempionat tarixində səfər oyunlarında 100 qol həddini keçən ilk oyunçu oldu.^[227] Bu qollarla o, 229 qol müəllifi olan Quinini arxada qoyaraq La Liqa tarixindəki ən məhsuldar futbolçular arasında altıncı sıraya yüksəldi.^[228][229] 18 sentyabrda Messi "Barselona"nın 4–0 hesabı ilə qalib gəldiyi Ayaksla Çempionlar Liqası qarşılaşmasında karyerasındakı 24-cü het-trikini rəsmiləşdirdi. Bu qollar Messinin Çempionlar Liqası tarixində yalnız Rauldan geridə qalaraq ən məhsuldar oyunçular sırasında 62 qolla ikinci yerə yüksəlməsini təmin etdi. Həmçinin o, 63 qolla UEFA-nın bayrağı altında keçirilən yarışlarda ən məhsuldar dördüncü futbolçu oldu. Bu het-triklə Messi UEFA Çempionlar Liqasında dörd dəfə het-trik edən ilk futbolçu oldu.^[230] 10 noyabr tarixində Messi 4–1 hesabı ilə qalib gəldikləri "Real Madrid" qarşılaşmasında zədələndi və 2014-cü ilin yanvarına kimi meydandann kənarda qaldı. Bu onun mövsümdəki üçüncü zədəsi idi.^[231]

8 yanvarda Messi zədəsini sağaldaraq yenidən meydana qayıtdı. Zədədən sonrakı ilk oyunu İspaniya Kuboku çərçivəsində keçirilən "Getafe" ilə qarşılaşma oldu, bu qarşılaşmada Messi iki qol vuraraq komandasının 4–0 hesablı qələbəsinə kömək etdi.^[232] 13 yanvarda o, Kriştiano Ronaldonun qazandığı 2013 FİFA Qızıl Top mükafatında ikinci yeri tutdu.^[233] 15 fevralda Messi "Rayo Vallekano"nu 6–0 hesabı ilə məğlub etdikləri oyunda iki qolun müəllifi oldu və 228 qolla Raulla birgə La Liqa tarixində ən çox qol vuran üçüncü oyunçu oldu.^[234]

16 mart tarixində Messi növbəti het-trikini rəsmiləşdirdi, "Barselona"nın "Osasuna"ya 7–0 hesabı ilə qalib gəldiyi oyunda vurduğu qollarla yoldaşlıq görüşləri də daxil olmaqla Barselonanın heyətində ən çox qol vuran Paulino Alkantaranı arxada qoydu.^[235] 23 martda Lionel Messi Santyaqo Bernabeu stadionunda "Real Madrid"ə 4–3 hesabı ilə qalib gəldikləri oyunda növbəti dəfə het-trik etdi. Bu qollarla o, Di Stefanonu da arxada qoyaraq El Klassiko tarixində ən çox qol vuran oyunçu oldu.^[236] Bu qollar həmçinin onun La Liqa tarixində ən çox qol vuran oyunçular sırasında Hüqo Sançezi qabaqlayaraq ikinci olmasını təmin etdi.^[237]

Messi mövsümü yalnız bir mükafatla – İspaniya Superkuboku ilə tamamladı. "Barselona" La Liqanı "Atletiko Madrid"dən sonra ikinci yerdə başa vurdu, həmçinin UEFA Çempionlar Liqasının 1/4 final mərhələsində mübarizəni dayandırdı. "Barselona" 2014 İspaniya Kuboku finalında "Real Madrid"ə məğlub oldu, buna baxmayaraq Messi bu turnirin ən məhsuldar oyunçusu oldu. Messi iştirak etdiyi bütün turnirləri 41 qol və 15 məhsuldar ötürmə ilə tamamladı, bu qollardan 28-i La Liqada vurulmuşdu, lakin bu, onun Piçiçi mükafatına sahib çıxmasına kömək etmədi. Mükafatı 31 qolla Kriştiano Ronaldo qazandı.^[238] 16 may 2014-cü ildə Messi Kataloniya klubu ilə yeni müqavilə imzalamağa razılaşdı.^[239]

Messi mövsümün açılış oyununda – La Liqanın birinci turunda "Elçe" klubunu 3–0 məğlub etdikləri qarşılaşmada iki dəfə qol vurub.^[240] Növbəti turda "Vilyareal" ilə qarşılaşmada Sando Ramirezin vurduğu qolda böyük pay sahibi lub.^[241] 27 sentyabrda Messi Qranadanı 6–0 hesabı ilə məğlub etdikləri ev oyununda peşəkar karyerasında 400-cü qolunu vurdu; o, sonra ikinci dəfə fərqləndi və həmçinin oyunda iki məhsuldar ötürmə ilə yadda qaldı.^[242] Oyundan sonrakı mətbuat konfransında baş məşqçisi Luis Enrike Messini təriflədi:"Sanki Messiyə sehirli çubuq toxunub."^[243]

18 oktyabrda "Barselona"nın "Eybar"ı 3–0 hesabı ilə məğlub etdiyi ev oyununda Messi La Liqada 250-ci qolunu vurdu və həmçinin bir məhsuldar ötürmə müəllifi oldu. Bu qolla o, Telmo Zarranın La Liqadakı 251 qolluq rekorduna yaxınlaşdı.^[244] Messi həmin həftə 16 oktyabrda "Barselona"dakı debütünün 10-cu ilini qeyd etdi.^[245] 5 noyabr tarixində Messi "Barselona"nın "Ayaks" üzərindəki 2–0 hesablı qələbəsində böyük pay sahibi oldu, o hər iki qolun müəllifi olaraq komandasının UEFA Çempionlar Liqasında sona iki tur qalmış növbəti mərhələyə yüksəlməsini təmin etdi. Bu qollarla Messi Çempionlar Liqasında vurduğu qolların sayını 71-ə çatdırdı və bu göstəricidə Raula çatdı.^[246] Messi 22 noyabrda "Sevilya"nı 5–1 hesabı ilə məğlub etdikləri oyunda het-trik edərək La Liqada vurduğu qolların sayını 253-ə çatdırdı və Telmo Zarranın 1995-ci ildən bəri qoruduğu 251 qolluq rekordu keçdi.^[247] Üç gün sonra o, növbəti het-trikini reallaşdırdı. Çempionlar Liqasında "APOEL" klubu ilə qarşılaşmada üç qol vuraraq bu yarışda vurduğu qolların sayını 74-ə çatdırdı.^[248]

7 dekabr 2014-cü ildə Messi ardıcıl üçüncü oyunda het-trik etdi. "Barselona"nın "Espanyol"u 5–1 hesabı ilə məğlub etdiyi ev oyununda fərqlənərək Kataloniya derbilərində 12 qolla indiyə qədər ən çox qolun müəllifi olan Sezar Rodrigez Alvarezi arxada qoydu.^[249] 11 yanvar 2015-ci ildə "Barselona"nın "möhtəşəm üçlüyü" — Messi, Neymar və Luiz Suarez son La Liqa çempionu "Atletiko Madrid"i 3–1 hesabı ilə məğlub etdikləri oyunda fərqləndilər. Messinin qolu onun Madrid klubuna qarşı qolsuzluq seriyasına son qoydu, həmçinin o, Suarezin qol vurmağında da böyük pay sahibi oldu.^[250] 12 yanvar 2015-ci ildə Messi FİFA Qızıl Top 2014 mükafatında ardıcıl ikinci il Kriştiano Ronaldodan sonra ikinci yeri tutdu.^[251]

Beş il mərkəz mövqed oynadıqdan sonra Messi komanda yoldaşı Suarezə görə öz təklifi ilə əvvəlki mövqeyinə qayıtdı.^[252][253] Luiz Suarez və Neymarın komandanın hücum potensialının Messi üzərində asılılığına son qoydu və o, özünün ən yaxşı formasını əldə etdi.^[254][255] 58 qolu Messi vurmaqla bu trio bir mövsümdə bütün yarışlarda 122 qola imza atdı, bu ispan futbolunda rekord idi.^[256][257]

Mövsümün sonuna doğru Messi 17 mayda "Atletiko Madrid" ilə qarşılaşmada oyunda yeganə qolu vuraraq La Liqa çempionluğunu təmin etdi.^[258] Mövsüm ərzində vurduğu 43 qol arasında karyerasının ən sürətli het-triki də var idi: 8 martda "Rayo Vallekano" ilə qarşılaşmada 11 dəqiqəyə het-trik etməyi bacarmışdı. Bu onun "Barselona"nın heyətində vurduğu otuz ikinci het-trik idi, bununla o, ispan futbolu tarixində ən çox het-trik etmiş Telmo Zarranı keçə bildi.^[257][259] Əlavə olaraq, 18 məhsuldar ötürmə ilə Messi La Liqada ən çox məhsuldar ötürmə etmiş Luiş Fiqunu arxada qoydu.^{[note 1]} O, bu rekordunu 15 fevralda "Levante" ilə qarşılaşmada 106-cı məhsuldar ötürmə ilə qeyd etdi, həmçinin bu görüşdə o, het-triklə də yadda qaldı.^{[260][261][262]} Messi "Atletik Bilbao" ilə 30 may tarixində Kopa del Rey finalında iki dəfə fərqləndi. Onun ilk qolu karyerasının ən gözəl qollarından biri kimi qeyd edildi; o, topu meydanın mərkəz xətti yaxınlığında qəbul etdi və dörd rəqib oyunçunu keçdi və topu yaxın küncə göndərdi.^[263]

Çempionlar Liqasında "Bayern Münhen"ə qarşı yarımfinal oyununda Messi iki dəfə fərqləndi və bir məhsuldar ötürmə ilə yadda qaldı.^[264] O. ikinci qolu ilk qoldan üç dəqiqə sonra vurmuşdu. Xerom Boatyenqi keçdikdək sonra müdafiəçi öz müvazinətini itirdi və yerə yıxıldı; Bu qol UEFA tərəfindən keçirilən onlayn səsvermədə mövsümün qolu seçildi.^[265][266] İkinci matçda Messinin yoxluğuna baxmayaraq "Barselona" UEFA Çempionlar Liqasının finalına yüksələ bildi. 6 iyunda Berlində keçirilmiş oyunda onlar "Yuventus"u 3–1 hesabı ilə məğlub edərək ikinci dəfə eyni mövsümdə həm ölkə çempionatı, həm kubokun, həm də UEFA Çempionlar Liqasını qazanan ilk klub tarixə düşdü.^[267][268] Messi bu görüşdə fərqlənə bilməsə də, öz cinahından vurulan hər iki qolda, xüsusilə də ikinci qolda köməklik göstərdi.^[256] 6 məhsuldar ötürmə ilə bu göstəricidə hamını qabaqlamasından əlavə 10 qolla turnirin bombardiri oldu, həmçinini ardıcıl 5 mövsüm bu yarışda bombardir olaraq yeni rekorda imza atdı.^[269][270] Messi bu mövsüm ikinci dəfə UEFA Avropada Ən Yaxşı Oyunçu mükafatını qazandı.^[271]

Messo 2015–16 mövsümünü "Sevilya"ya qarşı UEFA Superkuboku oyununda açdı. Bu görüşdə o iki dəfə cərimə zərbəsindən fərqlənərək "Barselona"nın 5–4 hesabı ilə qələbə qazanmağına kömək etdi.^[272] İspaniya Superkuboku uğrunda görüşdə "Atletik Bilbao" ilə qarşılaşmada iki oyunun nəticəsinə görə "Barselona" 5–1 hesabı ilə məğlub oldu və komandasının yeganə qolunun müəllifi Messi oldu.^[273] 16 sentyabrda o UEFA Çempionlar Liqasında 100-cü oyununu keçirən ən gənc oyunçu oldu. Əlamətdar görüşdə "Barselona" səfərdə "Roma" ilə 1–1 hesablı heç-heçəyə razılaşdı.^[274] 26 sentyabr tarixində "Las Palmas" ilə qarşılaşmada Messi zədələndi; müayinədən keçdikdən sonra onun səkkiz həftə yaşıl meydandan uzaq qalacağı müəyyənləşdi.^[275] O, nəhayət 21 noyabrda "Real Madrid"lə El Klasiko qarşılaşmasında əvəzetmədən meydana daxil oldu.^[276] Messi ili 20 dekabrda 2015 FIFA Dünya Kubokunun finalında 36-cı dəqiqədə fərqlənərək qapatdı. Qeyd olunan görüşdə "Barselona" "River Pleyt"i 3–0 hesabı ilə məğlub etdi və beşinci dəfə mükafata yiyələndi.^[277] 30 dekabr tarixində Messi "Barselona" formasında 500-cü oyununa çıxdı, bu hadisə "Real Betisi" 4–0 hesabı ilə məğlub etdikləri ev oyununa təsadüf etdi.^[278]

6 yanvar 2016-cı ildə Kopa del Reyin 1/8 final görüşündə Kamp Nou arenasında "Espanyol"u 4–1 hesabı ilə məğlub etdikləri derbidə Messi iki qol və bir məhsuldar ötürmə ilə yadda qaldı.^[279] 11 yanvar 2016-cı ildə Messi öz karyerasında beşinci dəfə FİFA Qızıl Top mükafatını qazandı.^[280] 3 fevralda o, "Barselona"nın "Valensiya"nı 7–0 hesabı ilə məğlub etdiyi Nou Kampda keçirilən Kopa del Reyin ilk yarımfinal oyununda het-trik etdi və həmçinin gənclər arasında yarışlar da daxil olmaqla karyerasında 500-cü qolunu vurdu.^[281] Komanda yoldaşı Luis Suarezin dörd qol müəllifi olduğu bu oyun 1956-cı ildə Luis Suarez Miramontez və Yusto Teyadadan sonra Nou Kampda keçirilmiş oyunlarda iki oyunçunun ən azı üç qol vurduğu ilk qarşılaşma idi. Bu ustalıq klub tarixində indiyədək cəmi üç dəfə baş vermişdi.^[282] "Selta Viqo"nu 6–1 hesabı ilə məğlub etdikləri növbəti liqa qarşılaşmasında Messi penalti zərbəsindən Suarezə ötürmə verdi. Bəziləri bunu "dahinin toxunuşu" kimi təqdim edərkən, başqaları bunu rəqibə qarşı hörmətsizlik kimi dəyərləndirdi, lakin "Selta"nın oyunçuları bundan şikayət etmədi və məşqçiləri də etiraz etmədi, o belə qeyd etdi:""Barsa"nın hücumçuları çox sayğılıdırlar". Bu penalti hərəkəti 1982-ci ildə "Barsa"nın simvolu sayılan Yohan Kruyfla müqayisə olundu, bir çox fanatlar bunu ona hədiyyə kimi qiymətləndirdi. Kruyf özü bunu qaydalar çərçivəsində və əyləncəli zərbə adlandırdı.^{[283][284][285]} 17 fevralda Messi "Sportinq Qiyon"la səfər qarşılaşmasında özünün 300-cü liqa qolunu vurdu.^[286] Bir neçə gün sonra o, "Barselona"nın "Arsenal"la Emireytz Stadionun keçirilən UEFA Çempionlar Liqasının 1/8 final qarşılaşmasında görüşdəki hər iki qolun müəllifi oldu. Onun vurduğu ikinci qol "Barselona"nın rəsmi oyunlarda vurduğu 10000-ci qol kimi tarixə düşdü.^[287]

Son yeniləmə:10 aprel 2016

Klub	Mövsüm	Liqa			Kopa del Rey		Avropa		Başqa		Cəmi
		Liqa	Oyun	Qol	Oyun	Qol	Oyun	Qol	Oyun	Qol	Oyun	Qol
Barselona C	2003–04[29]	Tercera Divizyonu	10	5	—		—		—		10	5
Barselona B	2003–04[288]	Sequnda Diviziya B	5	0	—		—		—		5	0
	2004–05[289]		17	6	—		—		—		17	6
	Cəmi		32	11	—		—		—		32	11
Barselona	2004–05[289]	La Liqa	7	1	1	0	1	0	—		9	1
	2005–06[290]		17	6	2	1	6	1	0	0	25	8
	2006–07[291]		26	14	2	2	6	1	2	0	36	17
	2007–08[292]		28	10	3	0	9	6	—		40	16
	2008–09[293]		31	23	8	6	12	9	—		51	38
	2009–10[294]		35	34	3	1	12	8	3	4	53	47
	2010–11[295]		33	31	7	7	13	12	2	3	55	53
	2011–12[296]		37	50	7	3	12	15	4	5	60	73
	2012–13[297]		32	46	5	4	11	8	2	2	50	60
	2013–14[298]		31	28	6	5	7	8	2	0	46	41
	2014–15[298]		38	43	6	5	13	10	—		57	58
	2015–16[299]		27	22	4	5	6	6	4	4	41	37
	Cəmi		342	308	54	39	105	83	22	19	523	449
Karyera cəmi			374	319	54	39	105	83	22	19	555	460

İspaniya və Argentina milli komandaları Messini heyətinə cəlb etməyə çalışırdı. 2004-cü ildə bu mübarizə kəskinləşdi. Messiyə İspaniyanın 21 yaşadək futbolçulardan ibarət komandasında oynamaq təklif edildi. Messi bu təklifi rədd etdi və 2004-cü ilin aprelində Argentinanın 20 yaşlı futbolçularından ibarət komandasının heyətində Paraqvaya qarşı yoldaşlıq görüşündə meydana çıxdı.^[300] Messi Paraqvayla görüşdə bir dəfə, iyulda Uruqvayla qarşılaşmada isə iki dəfə fərqləndi.^[301] 2005-ci ildə Kolumbiyada keçirilən Cənubi Amerika Gənclər Çempionatında komandasının əsas üzvlərindən biri oldu və üçüncü yeri tutdular. O, komandası ilə birgə həmin ildə Niderlandda təşkil olunan FİFA Dünya Gənclər Çempionatının qalibi oldu. Messi Argentinanın son dörd oyununda fərqləndi və vurduğu topların sayını altıya çatdırdı, bu nəticələrlə Qızıl top və Qızıl buts mükafatlarını da qazandı.^[302]

Messi əsas milli komandada debütütünü hələ 18 yaşında olarkən 17 avqust 2005-ci ildə Macarıstan komandasına qarşı oyunda etdi. O, oyunun 63-cü dəqiqəsində meydana daxil oldu, cəmi 2 dəqiqə sonra formasını dartan Vilmos Vanczaka dirsəyi ilə zərbə endirdiyi üçün hakim Markus Merk tərəfindən oyundan qovuldu. Bu mübahisəli vəziyyətdən sonra Dieqo Maradona bu vəziyyətin əvvəlcədən planlaşdırıldığını iddia etdi. Messi bu qərardan sonra soyunub-geyinmə otağında ağladığı bildirdi.^[303][304] Messi milli komandaya 3 sentyabrda 2006-cı il dünya çempionatının seçmə mərhələsində Paraqvayla qarşılaşmada qayıtdı. Oyundan əvvəl Messi "Bu, növbəti debütdür. İlki çox qısa idi" demişdi.^[305] O, Peruya qarşı seçmə mərhələ oyununda da meydana çıxdı və komandasına qələbə gətirən 11 metrlik cərimə zərbəsi qazandırdı. Oyundan sonra baş məşqçi Joze Pekerman Messini "qiymətli daş" adlandırdı.^[306] Messi Argentina milli komandasında ilk qolunu 1 mart 2006-cı ildə Xorvatiya ilə yoldaşlıq görüşündə vurdu.^[307]

2005–2006-cı illər mövsümünün sonlarında zədə səbəbindən iki ay meydandan kənarda qalan Messinin dünya çempionatında meydana çıxmamaq təhlükəsi yaranmışdı. Buna baxmayaraq Messinin adı 15 may 2006-cı ildə Argentina milli komandasının heyətinə əlavə olundu. O, dünya çempionatından əvvəl Argentinanın 20 yaşadək milli komandasına qarşı oyunda 15 dəqiqə və Anqola komandası ilə yoldaşlıq görüşündə 64-cü dəqiqədən etibarən meydanda oldu.^[308][309] O, Kot-d'İvuara qarşı oyunu ehtiyat oyunçular skamyasından izləyib.^[310]

Serbiya və Monteneqro komandasına qarşı növbəti oyunda Messi 74-cü dəqiqədə Maksi Rodrigesin əvəzinə meydana daxil olaraq Argentinanın heyətində dünya çempionatları tarixində ən gənc oyunçu kimi tarixə düşdü.^[311][312] O, oyuna daxil olduqdan bir neçə dəqiqə sonra Hernan Krespoya məhsuldar ötürmə verdi və oyunda Argentinanın sonuncu qolunun müəllifi olaraq 6–0-lıq qələbədə pay sahibi oldu. Bu qolla o, bu mundialda qol vuran ən gənc oyunçu və ümumiyyətlə, mundiallar tarixində qol vuran ən gənc altıncı vuran futbolçu oldu.^[312] Messi Argentinanın Niderlandla 0–0 heç-heçə etdiyi oyunda əsas heyətdə meydana çıxdı.^[313] Çempionatda növbəti dəfə Meksika ilə oyunda meydana çıxdı. Messi bu görüşdə 84-cü dəqiqədə meydana daxil olaraq topu qapıdan keçirdi, amma bu qol oyundan kənar vəziyyətdən vurulduğu üçün qeydə alınmadı. Əsas vaxt 1–1 hesabı ilə başa çatdığı üçün oyun əlavə vaxta qədər uzandı.^[314][315] Joze Pekerman penalti zərbələrində 4–2 hesabı ilə məğlub olduqları Almaniya ilə 1/4 final qarşılaşmasında Messiyə şans vermədi.^[316]

Messi Kopa Amerika turnirində ilk oyununu 29 iyun 2007-ci ildə Argentinanın ABŞ-yə 4–1 hesabı ilə qalib gəldiyi qarşılaşmada keçirib. Oyunda o pleymeyker kimi öz bacarıqlarını göstərdi. O, hücumçu Hernan Kresponun qol vurması üçün ötürmələr verdi və özü də qapıya bir neçə zərbə endirdi. Karlos Tevez 79-cu dəqiqədə Messini əvəzlədi və bir neçə dəqiqə sonra qol vurdu.^[317]

Onun ikinci oyunu Kolumbiya komandasına qarşı oldu, o komandasına penalti qazandırdı, Krespo zərbəni dəqiq yerinə yetirərək hesabı 1–1-dən öz xeyirlərinə dəyişdi. O həmçinin Argentinanın ikinci qolunda da böyük iş gördü, cərimə meydançasından kənarda kobudluğa məruz qaldığı üçün hakim cərimə zərbəsi təyin etdi. Zərbəni dəqiq yerinə yetirən Xuan Roman Riquelme hesabı 3–1 etdi. Oyunun yekun nəticəsi 4–2 oldu və bu, onların 1/4 final mərhələsinə vəsiqə qazanmalarını təmin etdi.^[318]

Paraqvayla turnirdəki üçüncü oyunda Messi əsas heyətdə meydana çıxmadı, baş məşqçi ona 1/4 final oyunu üçün istirahət verdi. Messi 64-cü dəqiqədə hesab 0–0 olarkən Esteban Kambiassonu əvəzlədi. 79-cu dəqiqədə Xavier Maskeranonun vurduğu qolun ötürməsinin müəllifi oldu.^[319] 1/4 final mərhələsində Argentina Peru ilə qarşılaşdı, Messi oyunda ikinci qolun müəllifi oldu. Görüş 4–0 hesabı ilə başa çatdı.^[320] Meksika komandasına qarşı yarımfinal qarşılaşmasında Messi topu Osvaldo Sançezin üzərindən aşıraraq qapıya göndərdi, oyun 3–0 hesabı ilə Argentinanın xeyrinə başa çatdı.^[321] Argentina finalda Braziliyaya 3–0 hesabı ilə məğlub oldu.^[322] Messi turnirin ən yaxşı gənc futbolçusu seçildi.^[323]

Messinin Argentinanın heyətində 2008 Yay Olimpiya Oyunlarında iştirakında problem yaranmışdı,^[324] daha sonra Messi baş məşqçi Pep Qvardiola ilə danışaraq klubun onu buraxmasına razılıq almışdı.^[325] O, milliyə qoşuldu və ilk qolunu Kot-d'İvuar komandasının qapısına vurdu.^[325] O, daha sonra Niderland komandası ilə görüşdə hesabı açmış və əlavə vaxtda komandasına qələbə gətirən, Angel di Mariyanın müəllifi olduğu qolun məhsuldar ötürməsini vermişdi.^[326] O həmçinin Argentinanın Braziliyanı 3–0 hesabı ilə məğlub etdiyi oyunda da iştirak etmişdi. Bu nəticə ilə Argentina finala çıxmışdı. Final oyununda Messi oyunda yeganə qolun müəllifi olan Di Mariyaya məhsuldar ötürmə vermişdi. Nigeriyaya qalib gələn Argentina turnirin qalibi olmuşdu.^[327]

28 mart 2009-cu ildə Dünya kubokunun seçmə mərhələsi çərçivəsində Venesuala ilə qarşılaşmada Messi ilk dəfə 10 nömrəli formada meydana çıxdı. Bu oyun Dieqo Maradonanın Argentina komandasına başçılıq etdiyi ilk oyun idi. Messinin hesabı açdığı oyunu Argentina 4–0 hesablı qələbə ilə başa vurmuşdu.^[328] Ümumilikdə, Mssi seçmə mərhələ çərçivəsində 18 oyunda 4 dəfə fərqlənmişdi.^[329]

2010-cu il dünya çempionatında Messi ilk dəfə əsas turnirdə 10 nömrəli formada meydana çıxdı. O, Argentinanın Nigeriyanı 1–0 hesabı ilə məğlub etdiyi açılış oyununda meydana çıxdı. Onun qol vurmaq üçün bir neçə şansı olsa da, Nigeriyanın qapıçısı Vinsent Enyeamanı məyus edə bilmədi,^[330] buna baxmayaraq Messi FİFA tərəfindən görüşün oyunçusu seçilmişdi.^[331] Messi Argentinanın Koreya Respublikasına 4–1 hesabı ilə qalib gəldiyi oyunda da start heyətində meydana çıxmışdı. O, Maradonanın tapşırığı ilə hücumameyilli yarımmüdafiəçi və oyun qurucusu mövqelərində oynayırdı,^[332][333] Messi komandasının bütün qollarının vurulmasında iştirak etmişdi.^[334] Yunanıstan komandası ilə qrup oyununda Messi komandasının kapitanı olmuşdu. Növbəti dəfə oyun Messinin üzərində qurulmuşdu, o, hər iki qolda böyük pay sahibi idi^[335] və oyunun oyunçusu seçilmişdi.^[336]

1/8 final mərhələsində Messi Argentinanın Meksikanı 3–0 hesabı ilə məğlub etdiyi qarşılaşmada komandasının ilk qolunun müəllifi olan Karlos Tevezə məhsuldar ötürmə vermişdi. Argentina Dünya kubokunun 1/4 final mərhələsində Almaniyaya 4–0 hesabı ilə məğlub olaraq mübarizəni dayandırmışdı.^[337]

Messinin adı FİFA Texniki Tədqiqat Qrupu tərəfindən Qızıl topa namizədlər siyahısına salınmışdı. Qrup Messini bu sözlərlə təsvir etmişdi: "Sürəti, komanda üçün yaradıcılığı, möhtəşəm və effektiv driblinqi, zərbələri, ötürmələri ilə ön planda".^[338]

17 noyabr 2010-cu il tarixində Dohada keçirilən yoldaşlıq görüşündə Messi Braziliya komandasına vurduğu son dəqiqə qolu ilə komandasına minimal hesablı qələbə qazandırmışdı. Bu, Messinin peşəkar karyerasında Braziliya komandasına vurduğu ilk qol idi.^[339] Messi növbəti son dəqiqə qolunu 9 fevral 2011-ci ildə yoldaşlıq görüşündə Portuqaliya komandasının qapısından keçirmişdi. İsveçrənin Cenevrə şəhərində keçirilən oyunda Messi 11 metrlik cərimə zərbəsindən fərqlənərək komandasına 2–1 hesablı qələbə qazandırmışdı. O həmçinin ilk qolun məhsuldar ötürməsini vermişdi.

Messi 2011-ci ildə Kopa Amerika turniri üçün Argentina komandasının heyətinə cəlb olunmuşdu. Bu turnirdə o, qol vura bilməsə də, üç məhsuldar ötürmə ilə bu göstəricidə hamını qabaqlamışdı.^[340] O, qrup mərhələsində 1–1 hesabı ilə başa çatan Boliviya və 3–0 hesabı ilə başa çatan Kosta-Rika komandaları ilə qarşılaşmalarda oyunun oyunçusu seçilmişdi. Argentina 1/4 final mərhələsində turnirin son qalibi Uruqvaya əsas vaxtı 1–1 hesabı ilə başa çatan qarşılaşmada 11 metrlik cərimə zərbələrində məğlub olaraq turnirdə mübarizəni dayandırmışdı.^[341] Messi bu oyunda 17-ci dəqiqədə fərqlənən Qonzalo Hiquainə məhsuldar ötürmə verərək yadda qalmışdı.^[341]

Argentinanın Kopa Amerikada uğursuz çıxışından sonra baş məşqçi Serjio Batista öz yerini Aleyandro Sabellaya vermişdi. avqust 2011-ci ildə Sabella milli komandanın kapitanlıq sarğısını Messiyə verdi.^[342] Messinin milli komandadakı ilk het-triki 29 fevral 2012-ci ildə 3–1 hesabı ilə qalib gəldikləri İsveçrə ilə oyunda reallaşmışdı.

9 iyun 2012-ci ildə Messi Braziliya ilə yoldaşlıq görüşündə ikinci het-trikini rəsmiləşdirmişdi. Oyun 4–3 hesabı ilə Argentinanın qələbəsi ilə başa çatdı və qarşılaşmanın oyunçusu Messi seçildi.^[343] Bununla, Messi milli komandada 70 oyunda 26-cı qolunu vurdu və 2012-ci ildə 3 oyunda 7 dəfə fərqlənmiş oldu. Bu, həmçinin onun həm klub, həm də milli komandada mövsüm ərzində vurduğu 82-ci qol idi.^[344] Bu qollarla o Argentina komandasında məhsuldar futbolçular sırasında dördüncü yerə yüksəldi.^[345]

7 sentyabrda Messi Argentinanın Paraqvayı 3–1 hesabı ilə məğlub etdi Dünya kubokunun seçmə mərhələ oyununda millidəki 28-ci qolunu vurdu. Bu nəticə Argentinanı seçmə mərhələdə liderliyə yüksəltdi. Bu, onun cari seçmə mərhələdə dördüncü, bütün dünya kuboku seçmə mərhələ oyunlarındakı səkkizinci qolu idi. Bununla o, dünya kuboku seçmə mərhələ qarşılaşmalarında Argentinanın heyətində ən çox qol vuran üçüncü oyunçu oldu. Bu həmçinin onun Argentina komandasında son altı oyunda vurduğu onuncu qol idi, son doqquz qolunu Messi 2012-ci ildə keçirdiyi beş oyunda vurmuşdu.^[346] Oktyabrda bir dəfə Çili və iki dəfə Uruqvayla qarşılaşmalarda fərqlənərək Messi 2012-ci ildəki göstəricisini 9 oyunda 12 qola çatdırmışdı.^[347]

22 mart 2013-cü il tarixində Messi Dünya kuboku seçmə mərhələsi çərçivəsində Venesuela ilə keçirilən qarşılaşmada penaltidən fərqlənmişdi. Bu, onun 2013-cü ildəki ilk qolu idi. Argentinanın 3–0 hesabı ilə qalib gəldiyi qarşılaşmada komandasının digər qollarının müəllifi olan Qonzalo Hiqainə iki məhsuldar ötürmə vermişdi.^[348] 14 iyun 2013-cü ildə Messi Qvatemalaya 4–0 hesabı ilə qalib gəldikləri yoxlama oyununda het-trik etmişdi. Bu qollarla Messi milli komandadakı məhsuldarlıqda 34 qol vuran Dieqo Maradonanı arxada qoymuş və 35 qol vuran Hernan Kresponun göstəricisə çatmışdı.^[349] Messi növbəti seçmə mərhələ qarşılaşmasında penaltilərdən iki qol vuraraq Kresponu da arxada qoymuşdu. Həmçinin o, bu görüşdə Serxio Aqüeroya məhsuldar ötürmə vermişdi. Argentia 5–2 hesabı ilə qələbə qazandığı oyunla sona iki tur qalmış Dünya kubokuna vəsiqəni təmin etmişdi. Messi Cənubi Amerika zonası üzrə seçmə mərhələdə 10 qolla ən məhsuldar ikinci oyunçu olmuşdu.^[350] 7 iyun 2014-cü ildə Dünya kubokuna hazırlıq məqsədilə Sloveniya komandası ilə oynadıqları yoxlama görüşündə Messi əvəzetmədən meydana daxil olaraq fərqlənmişdi; bu, onun 2014-cü ildəki ilk qolu idi.^[351]

Messi Dünya Kuboku 2014-ün ilk qarşılaşmasında komandasını meydana kapitan olaraq çıxarmışdı. Bosniya və Herseqovina komandası ilə 15 oyunda keçirilən qarşılaşmada Argentina 2–1 hesabı ilə qələbə qazanmışdı.^[352] Argentinanın ilk qolu Messinin cərimə zərbəsindən topu ötürməsindən sonra vuruldu. Marko Rozonun zərbəsindən sonra top bosniyalı Sead Kolaşinaça dəyərək qapıya daxil oldu.^[352] 65-ci dəqiqədə Messi üç oyunçunu keçərək topu qapıya göndərdi və komandasının ikincini qolunu vurdu.^[353] Bu Messinin Serbiya və Monteneqro ilə debüt oyununda vurduğu qoldan sonra Dünya kubokundakı ilk qolu idi. Argentina-İran oyununda Messi təxminən 23 metr məsafədən son dəqiqələrdə topu qapının sol küncünə göndərərək komandasına qələbə gətirən qolu vurmuşdu.^[354] Bu, Messinin milli komandadakı 40-cı qolu idi və bu nəticə ilə Argentina növbəti mərhələyə vəsiqəni özünə təmin etmiş oldu.^[355][356] 25 iyunda qrup mərhələsindəki üçüncü oyunda Messi turnirdə vurduğu qolların sayını dördə çatdırdı; Nigeriya komandasına qalib 3–2 hesabı ilə qalib gəldikləri oyunda o, iki dəfə fərqlənmişdi, Messi ikinci qolunu cərimə zərbəsindən vurmuşdu. Argentina qrup mərhələsini lider kimi tamamladı.^[357] Messi bütün qrup oyunlarında oyunun oyunçusu seçildi.^{[358][359][360]}

1/8 final mərhələsində keçirilən Argentina-İsveçrə qarşılaşmasında Anxel di Mariyanın vurduğu və oyundakı yeganə olan qolun məhsuldar ötürməsini Messi vermişdi. Oyunun 118-ci dəqiqəsində Rodrigo Palasiyodan topu qəbul edən Messi driblinq edərək Fabian Şerı arxada qoymuş və topu Anxel di Mariyaya ötürmüşdü.^[361] Messi növbəti dəfə oyunun oyunçusu seçilmişdi.^[362] Messinin start heyətində meydana çıxdığı 1/4 final mərhələsində Belçika ilə qarşılaşmada Argentina Hiquainin vurduğu qolla 1990-cı ildən bəri ilk dəfə mundialın yarımfinal mərhələsinə yüksəlmişdi.^[363] Argentinanın mübarizədən kənarlaşdırdığı növbəti komanda Niderland oldu. Əsas vaxtı 0–0 hesabı ilə başa çatan qarşılaşmanın nəticəsi penaltilər seriyasında müəyyənləşdi, burada Argentina 4–2 hesabı ilə qalib gələrək 24 il sonra finala yüksəldi. Messinin oyunun alınmasına hollandlar mane olsa da,^[364] o, komandasının ilk penalti zərbəsini dəqiq yerinə yetirməyi bacardı.^[365]

11 iyul tarixində turnirin ən yaxşı oyunçusu üçün veriləcək Qızıl top mükafatına namizədlər siyahısına FİFA Texniki Komitəsi tərəfindən Messinin adı əlavə olundu.^[366] 13 iyulda 1990-cı il finalının iştirakçıları yenidən Dünya kubokunun final oyununda üz-üzə gəlməli oldu. Bu oyun Messinin dünyanın ən yaxşı oyunçusu, Almaniyanın isə dünyanın ən yaxşı komandası olduğunu təsdiqlədi.^[364][367] 29-cu dəqiqədə Messi Hiquainin qol vurması üçün şərait yaratdı, lakin burada doğru olaraq oyundan kənar vəziyyət qeydə alındı. Messi oyunda hesabı açmaq üçün bir neçə şansı qaçırdı. 47-ci dəqiqədə onun zərbəsindən sonra top az fərqlə dirəyin üstündən keçmişdi. Oyun Almaniyanın Mario Götzeni meydana daxil etməsinə qədər qolsuz davam edirdi. Götze meydana daxil olmasından bir neçə dəqiqə sonra, 113-cü dəqiqədə fərqləndi, oyunun son dəqiqələrində Messinin cərimə zərbəsi təhlükəli alınmışdı. Oyunda başqa qol olmadı və Almaniya 1–0 hesabı ilə qalib gələrək Dünya Kubokunun qalibi oldu.^[368]

Messi dörd qolla turnirdə ən çox qol vuran üçüncü oyunçu oldu, lakin eyni nəticəni göstərmiş Neymar Messidən daha az oynadığı üçün Bürünc Buts mükafatı ona verildi. Messinin Nigeriya və Bosniya və Herseqovinaya vurduğu qollar turnirin ən yaxşı qolu mükafatına namizəd oldu və səsvermə nəticəsində müvagiq olaraq 9-cu və 8-ci oldular.^[369] Messinin dörd oyunda oyunun oyunçusu seçilməyi istənilən turnirdə əlçatmaz göstərici idi.^[370]

Dünya Kuboku finalının yekununda Messi Tomas Mülleri və Aryen Robbeni qabaqlayaraq turnirin ən yaxşı oyunçusu kimi Qızıl top mükafatını qazandı. Messi ən çox şans yaradan, ən çox uğurlu driblinqlər edən, cərimə meydançasında ən çox top qəbul edən və Dünya Kuboku ərzində digər oyunçuları ən çox topla təmin edən oyunçu idi.^[371] Lakin, mükafatın Messiyə verilməsi onun 1/8 final mərhələsindən finala qədər qol vurmadığı və məhsuldar ötürmə etmədiyi üçün mediyada fikir ayrılığı yaratdı. FİFA prezidenti Sepp Blatter Qızıl topun Messiyə verilməsinə təəccübləndi, Argentinanın əfsanəvi futbolçusu Dieqo Maradona bunu belə dəyərləndirdi ki, "marketinq əhalisi" mükafat üçün seçimi səhv edib.^[372][373] Finaldan sonra Messi belə şərh verdi: "Məni Qızıl Top maraqlandırmır. Şansları qaçırdığım üçün məyusam. Bizim gözəl şanslarımız oldu. Biz bilirdik ki, oyuna nəzarət edə bilməyəcəyik, amma biz bunu etməyə çalışırdıq. İndi mən öz mükafatımla maraqlanmıram. Kuboku qaldırmağı və Argentinaya aparmağı istəyirdim. Dərd çox böyükdür"^[374]

Çilidə keçirilən Kopa Amerika turniri Messinin bu yarışdakı üçüncü iştirakı idi. Bundan əvvəl 2007 və 2011-ci illərdə də Argentina millisinin heyətinə cəlb olunmuşdu. "Barselona"nın əvvəlki baş məşqçisi Tata Martinonun başçılığı altında son dünya çempionatının finalçısı kimi Argentina yarışın favoritlərindən biri olaraq göstərilirdi.^[375][376] Paraqvaya qarşı açılış oyununda fasiləyə Argentina iki top fərqi ilə irəlidə yollandı, amma hesabı qoruya bilmədilər və oyun 2–2 hesabı ilə başa çatdı; bu görüşdə Messi penaltidən turnirdəki yeganə qolunu vurdu.^[377] Son çempion Uruqvayı 1–0 məğlub etdikləri oyunun ardından Yamayka üzərində eyni hesablı qələbə qazandılar, bu görüş Messinin millinin heyətində keçirdiyi 100-cü oyun idi. Messi bu göstəriciyə çatan beşinci argentinalı futbolçu oldu.^[378][379] Keçirdiyi 100 görüşdə Messi Argentinanın heyətində 46 dəfə fərqlənib, bu qolların da 22-i rəsmi oyunlarda vurulub.^[379][380]

Messi komandanın lideri kimi Argentinanı qrup qalibi olaraq növbəti mərhələyə daşıdı.^[381][382] 1/4 final mərhələsində onlar çoxlu şanslar əldə etdilər, lakin bütün cəhdlər Kolumbiyanın qapıçısı tərəfindən qaytarıldı və oyun qolsuz bərabərlikdə başa çatdı, penaltilər seriyasına qədər uzanan qarşılaşmada Argentina 5–4 hesabı ilə qələbə qazana bildi.^[383] Yarımfinal mərhələsində Messi pleymeyker kimi özünü göstərdi, o üç məhsuldar ötürmə verdi və Argentina Paraqvay üzərində 6–1 hesabı ilə qələbə qazandı.^[381] Argentina Kopa Amerikanın finalında Argentina Çili ilə qarşılaşdı və əsas və əlavə vaxtı qolsuz bitən qarşılaşmada penaltilər seriyasında 4–1 hesabı ilə məğlub olaraq gümüş medalla kifayətlənməli oldu. Messi oyunda rəqib oyunçuların aqresiyası ilə üzləşdi və öz standartlarından aşağı çıxış elədi. Buna baxmayaraq Argentinanın heyətində penalti zərbəsinin dəqiq yerinə yetirən yeganə oyunçu oldu.^[384][385] Turnirin bağlanışında o, Ən Dəyərli Oyunçu mükafatının qalibi seçildi, amma bundan imtina etdi.^[386] Beləliklə, Argentina 1993-cü ildən başlayan kuboku uğursuzluğunu davam etdirdi, Dünya Kuboku və Kopa Amerika məğlubiyyətlərin yenidən Messiyə Argentina mətbuatı və azarkeşləri tərəfindən sərt tənqid gətirdi.^[387][388]

Son yeniləmə: 10 aprel 2016
Mənbə:^[389]

Argentina milli futbol komandası
İl	Yoldaşlıq		Dünya K.		Dünya K. s/m		Kopa A.		Başqa		Cəmi
	Oyun	Qol	Oyun	Qol	Oyun	Qol	Oyun	Qol	Oyun	Qol	Oyun	Qol
2005	2	0	3	0	0	0	0	0	0	0	5	0
2006	4	0	5	1	0	0	0	0	0	0	9	1
2007	4	2	0	0	4	2	6	2	0	0	14	6
2008	2	1	0	0	6	1	0	0	0	0	8	2
2009	2	2	0	0	8	1	0	0	0	0	10	3
2010	5	2	5	0	0	0	0	0	0	0	10	2
2011	5	2	0	0	4	2	4	0	0	0	13	4
2012	4	7	0	0	5	5	0	0	0	0	9	12
2013	2	3	0	0	5	3	0	0	0	0	7	6
2014	7	4	0	0	7	4	0	0	0	0	14	8
2015	2	3	0	0	0	0	6	1	0	0	6	1
Cəmi	39	27	15	5	35	14	16	3	0	0	105	46

Son yeniləmə:13 iyun 2015
Mənbə:^{[43][301][390][391][392]}

Qol	Tarix	Yer	Rəqib	Hesab	Nəticə	Turnir
1	1 mart 2006	Sent. Yakob-Park, Bazel, İsveçrə	Xorvatiya	2–1	2–3	Yoldaşlıq
2	16 iyun 2006	WM-Stadion Gelsenkirçen, Gelsenkirçen, Almaniya	Serbiya və Monteneqro	6–0	6–0	FİFA Dünya Kuboku 2006
3	5 iyun 2007	Kamp Nou, Barselona, İspaniya	Əlcəzair	2–2	4–3	Yoldaşlıq
4				4–2
5	8 iyul 2007	Metropolitano de Fútbol de Lara, Barquisimeto, Venesuela	Peru	2–0	4–0	Kopa Amerika 2007
6	11 iyul 2007	Polideportivo Caçamay, Puerto Ordaz, Venesuela	Venesuela	2–0	3–0
7	16 oktyabr 2007	Joze Pachencho Romero, Marakaibo, Venesuela	Venesuela	2–0	2–0	FİFA Dünya Kuboku 2010 seçmə mərhələ
8	20 noyabr 2007	Estadio El Campin, Boqota, Kolumbiya	Kolumbiya	1–0	1–2
9	4 iyun 2008	Qualkomm Stadium, San Dyieqo, ABŞ	Meksika	2–0	4–1	Yoldaşlıq
10	11 oktyabr 2008	Estadio Monumental, Buenos Ayres, Argentina	Uruqvay	1–0	2–1	FİFA Dünya Kuboku 2010 seçmə mərhələ
11	11 fevral 2009	Stade Velodrome, Marsel, Fransa	Fransa	2–0	2–0	Yoldaşlıq
12	28 mart 2009	Estadio Monumental, Buenos Ayres, Argentina	Venesuela	1–0	4–0	FİFA Dünya Kuboku 2010 seçmə mərhələ
13	14 noyabr 2009	Visente Kalderon Stadionu, Madrid, İspaniya	İspaniya	1–1	1–2	Yoldaşlıq
14	7 sentyabr 2010	Estadio Monumental, Buenos Ayres, Argentina	İspaniya	1–0	4–1
15	17 noyabr 2010	Xəlifə Beynəlxalq Stadionu, Doha, Qatar	Braziliya	1–0	1–0
16	9 fevral 2011	Stad de Geneve, Cenevrə, İsveçrə	Portuqaliya	2–1	2–1
17	20 iyun 2011	Estadio Monumental, Buenos Ayres, Argentina	Albaniya	2–0	4–0
18	7 oktyabr 2011		Çili	2–0	4–1	FİFA Dünya Kuboku 2014 seçmə mərhələ
19	15 noyabr 2011	Estadio Metropolitano Roberto Melendez, Barranquilla, Kolumbiya	Kolumbiya	1–1	2–1
20	29 fevral 2012	Stad de Suiss Wankdorf, Bern, İsveçrə	İsveçrə	1–0	3–1	Yoldaşlıq
21				2–1
22				3–1
23	2 iyun 2012	Estadio Monumental, Buenos Ayres, Argentina	Ekvador	3–0	4–0	FİFA Dünya Kuboku 2014 seçmə mərhələ
24	9 iyun 2012	MetLife Stadionu, Şərqi Ruterford, ABŞ	Braziliya	1–1	4–3	Yoldaşlıq
25				2–1
26				4–3
27	15 avqust 2012	Commerzbank-Arena, Frankfurt, Almaniya	Almaniya	2–0	3–1
28	7 sentyabr 2012	Estadio Mario Alberto Kempes, Kordoba, Argentina	Paraqvay	3–1	3–1	FİFA Dünya Kuboku 2014 seçmə mərhələ
29	12 oktyabr 2012	Estadio Malvinas Argentinas, Mendoza, Argentina	Uruqvay	1–0	3–0
30				3–0
31	16 oktyabr 2012	Estadio Nasional, Santyaqo, Çili	Çili	1–0	2–1
32	22 mart 2013	Estadio Monumental, Buenos Ayres, Argentina	Venesuela	2–0	3–0
33	14 iyun 2013	Estadio Mateo Flores, Qvatemala, Qvatemala	Qvatemala	1–0	4–0	Yoldaşlıq
34				3–0
35				4–0
36	10 sentyabr 2013	Estadio Defensores del Çako, Asunsion, Paraqvay	Paraqvay	1–0	5–2	FİFA Dünya Kuboku 2014 seçmə mərhələ
37				4–1
38	7 iyun 2014	Estadio Ciudad de La Plata, La Plata, Argentina	Sloveniya	2–0	2–0	Yoldaşlıq
39	15 iyun 2014	Marakana Stadionu, Rio de Janeiro, Braziliya	Bosniya və Herseqovina	2–0	2–1	FİFA Dünya Kuboku 2014
40	21 iyun 2014	Mineirao, Belo Horizonte, Braziliya	İran	1–0	1–0
41	25 iyun 2014	Estadio Beira-Rio, Porto Aleqre, Braziliya	Nigeriya	1–0	3–2
42				2–1
43	14 oktyabr 2014	Honkonq Stadionu, So Kon Po, Honkonq	Honkonq	5–0	7–0	Yoldaşlıq
44				7–0
45	12 noyabr 2014	Boleyn Qraund, London, İngiltərə	Xorvatiya	2–1	2–1
46	13 iyun 2015	Estadio La Portada, La Serena, Çili	Paraqvay	2–0	2–0	Kopa Amerika 2015

Messi fiziki ölçüləri və oyun tərzi ilə həmvətəni Dieqo Maradonaya bənzədilir.^[393] Digər futbolçulara nisbətən yüngül ağırlıq mərkəzi ona istiqamətini sürətlə dəyişməyə, çevik olmağa, maneələrdən yayınmağa kömək edir.^[394] Onun qısa, güclü ayaqları sürətini tez artırmağa imkan verir və həmçinin o sürətli ayaqları ilə driblinqlər zamanı topa nəzarət edə bilir.^[395] "Barselona"da rəhbərliyi altında oynadığı Pep Qvardiola belə qeyd etmişdi: "Messi topa sahib olduqda topsuz olduğundan daha sürətlə qaça bilən yeganə futbolçudur"^[396] Maradona kimi Messinin də işlək ayağı sol ayaqdır.^[397] O, komanda yoldaşlarına məhsuldar ötürmə vermək və topu onlara ötürmək üçün ayağının iç tərəfini istifadə etdiyi halda sol ayağının çölü ilə adətən driblinq etməyə başlayır.^[394] Portuqaliyalı futbolçu Kriştiano Ronaldo ilə birlikdə Messi hal-hazırda dünyadakı ən yaxşı iki oyunçusundan biri və dünya futbolu tarixinin ən yaxşı oyunçularından biri sayılır.^{[7][8][10][11][12]} Messi, adətən, meydanın sağ cinahından və ya mərkəzdən əks hücumlara çıxarkən rəqib qapısına doğru driblinq edərək irəliləyir. O həm də xüsusilə komanda yoldaşları Xavi və Andres İnyesta ilə gözəl anlaşaraq, ötürmələr edərək və kombinasiyalar quraraq komanda oyununa da töhfəsini verir.^{[398][399][400]} O həmçinin penalti zərbələrini dəqiq yerinə yetirir.^[401] Onun driblinq bacarığı ilə haqda Maradona belə söyləyib:"Top onun ayağına yapışır; Mən öz karyeram boyu böyük futbolçular görmüşdüm, amma mən Messi kimi topla davranan başqasını görməmişdim"^[402] Maradona Messini hal-hazırda dünyanın ən yaxşı oyunçusu hesab edir.^[403][404]

Taktiki cəhətdən Messi son nöqtəni qoyma, sürəti, istedadı, driblinqi, tarazlığı, mövqe seçməyi, meydanı görməyi və ötürmə bacarığı ilə mərkəz hücumçu və bəzən pleymeyker mövqeyində oynayır,^{[55][399][405]} O, meydançanın mərkəzindən və hər iki cinahdan hücuma çıxa bilir.^[406] O, karyerasına mərkəz və cinah hücumçusu kimi başlayıb, amma daha sonra keçmiş baş məşqçisi Frank Raykard tərəfindən sağ cinahda da oynadılıb. Messi müdafiənin arxasına meydanın mərkəzinə doğru asanlıqla keçə bilirdi, bu, ona sol ayağı ilə qapıya doğru topun istiqamətini dəyişdirərək zərbə endirməsinə imkan verirdi.^[407] O, Qvardiolanın rəhbərliyi altında geridə oynayan hücumçu mövqeyində çıxış edib.^[408] Bu mövqe Messinin tək hücumçu və ya mərkəz hücumçusu kimi oynamaq ənənəsi ilə xarakterizə olunur. Messi tez-tez geriyə qayıdaraq hücumçular və hücumameyilli müdafiəçilərin açılmaları üçün boş mövqe yaratmağa, onlara məhsuldar ötürmə verməyə və ya topla irəliləyərək qol vurmalarına, hücum etmələrini təmin etməyə çalışır.^[408] Argentina milli komandasının heyətində Messi adətən ön xətdə oynayır. O mərkəz və ya cinah hücumçu kimi oynamağa başlasa da, xüsusilə Maradonanın başçılığı altında pleymeyker və hücumameyilli yarımmüdafiəçi mövqlərində də oynayırdı.^[332][333]

Messinin onun vətənindən, Rosariodan olan Makarena Lemos ilə adı hallanırdı. O, 2006-cı il dünya çempionatının başlanmasına bir neçə gün qalmış zədəsini sağaltmaq üçün Rosarioya qayıdanda Lemosla Messinin qızın atasının vasitəsilə tanış olduğu deyildi.^[409][410] O, həmçinin argentinalı qlamur model Lusiana Salazarla da münasibətdə olub.^[411][412]

Messi 2009-cu ilin yanvarında Kanal 33-də "Het Trik Barça" proqramında şəxsi həyatı ilə bağlı belə açıqlama vermişdi: "Mənim sevgilim var və o Argentinada yaşayır. Mən rahatam və xoşbəxtəm".^[412] O, "Barselona"-"Espanyol" derbisindən sonra Sitgesdə karnavalda Antonella Rokkuzzo ilə birgə olduğu məlum oldu.^[413] Rokkuzzonun da ana vətəni Rosario idi.^[414] 2 iyun 2012-ci ildə Messi FİFA Dünya Kuboku 2014-ün seçmə mərhələsi çərçivəsində Ekvadorla qarşılaşmada məhsuldar ötürmə etdi və qol vurdu. Argentinanın heyətində 23-cü qolu vurduqdan sonra topu formasının altına qoyaraq sevgilisinin 12 həftəlik hamilə olduğuna işarə etdi. Sevgilisi Twitter hesabında uşağın sentyabr ayında dünyaya gələcəyini paylaşmışdı.^[415] Messi oğlunun oktyabrda anadan olacağını və adını Tyaqo qoymaq istədiklərini bildirdi,

lakin doğum gözləniləndən daha gec baş verdi. 2 noyabr 2012-ci ildə Messi ilk dəfə ata oldu. Gözlənildiyi kimi uşağın adını Tyaqo qoydular. "Barselona" klubunun rəsmi saytı "Leo Messi atadır" başlıqlı xəbər paylaşdı. Bununla yanaşı, argentinalı hücumçu Facebook səhifəsində bunları yazdı: "Bu gün mən dünyanın ən xoşbəxt insanıyam, mənim oğlum dünyaya gəlib və bu hədiyyə üçün Allaha təşəkkür edirəm".^[23][416] O, həmçinin sol baldırına oğlunun adını və barmaq izini həkk etdirdi.^[417]

Oğlunun ilk ad gününü keçirmək üçün Messi və Tyaqo UNICEF-in sosial kampaniyasının iştirakçısı oldular.^[418] Sosial-mediya kampaniyasında iştirak edən və imzalayan hər kəs Messinin imzalı forması və ya butsunu əldə etmək şansı qazandı.^[418]

Messinin futbol aləmində iki yaxın qohumu var: Paraqvayın "Klub Olimpiya" komandasının cinah hücumçusu Maksi Biançuçi və Paraqvayın "İndepentiente" klubunun yarımmüdafiəçisi Emanuel Biançuççi.^[419][420]

2013-cü ildə Messi Vatikanda Argentina klubu "San Lorenzo de Almaqro"nun azarkeşi olan Papa Françislə görüşdü. Messi görüşü bu sözlərlə ifadə etdi:"Şübhəsiz, bu, mənim həyatım ən önəmli günlərindən biridir. Biz meydançada və kənarında fərqlənməliyik"^[421]

Messi ailəsi İspaniyadan köçdükdən bəri Rosario ilə əlaqələrini qorumuşdur və onlarla maraqlanmaq üçün uzun məsafələr qət etmişdir. O, çoxu "87-ci ilin maşınları"nın üzvləri olan azsaylı yaxın dostları ilə gündəlik telefonla əlaqə saxlayır. Bir dəfə o milli komandanın heyətində Buenos Ayresdə təlim-məşq toplanışında olduqları zaman məşqdən sonra ailəsi ilə nahar etmək üçün maşınla Rosarioya üç saatlıq yol qət etmişdi. Messi gecəni ailəsi ilə keçirdi və növbəti gün məşq üçün Buenos Ayresə qayıtdı. Messi həmçinin Rosariodakı köhnə evini saxlamışdı. O, anasının uzun müddət yaşadığı xudmani mənzillə də maraqlanır.^[23]

2007-ci ildə Messi ehtiyacı olan uşaqların təhsilinə və sağlamlığına dəstək olmaq məqsədilə Leo Messi Fondunun əsasını qoydu.^[422][423] Messinin öz uşaqlığında sağlamlığından çəkdiyi əziyyətlərə görə Leo Messi Fondu öz hesabına argentinalı uşaqların İspaniyada müayinədən keçməsini təşkil etdi.^[424] Messinin fonduna əlavə yardım Herbalife tərəfindən təmin edilir.^[425]

11 mart 2010 tarixində Messinin UNICEF-in xoşməramlı səfiri olduğu elan edildi.^[426] Messinin UNICEF səfiri kimi fəaliyyəti uşaqların hüquqlarının qorunmasına yönəlir. Messinin bu fəaliyyəti həmçinin UNICEF-lə yaxşı əlaqələri olan "Barselona" tərəfindən də dəstəklənir.^[427]

O və Newell's arasında uzun müddət davam edən ictimai çəkişməsi də başa çatdı. Messi klubun gənclər akademiyası üçün stadion, həmçinin yeni idman zalının tikilməsi üçün maddi dəstək oldu. Öz növbəsində, Newell's Messi ilə əlaqələri genişləndirdi və onun oğluna klubun üzvlük kartını verməyi planlaşdırdı.^[23]

2013-cü ilin mart ayında Messi onun doğma vətəni olan Rosarioda uşaq xəstəxanasının təmiri üçün 600000 € bağışladı. Bu məbləğ Viktor J Vilela Uşaqlar Xəstəxanasında onkologiya bölməsinin təmiri, həmçinin həkimlərin təlimlər üçün Barselonaya səfəri üçün xərcləndi.^[428]

2010-cu ilin martında Frans Futbol Messini son 12 ayda qazandığı maaşı, bonusları və meydandan kənar qazancı daxil olmaqla €33 milyon ($45 milyon) ilə Devid Bekhem və Kriştiano Ronaldodan sonra üçüncü ən varlı futbolçu kimi dəyərləndirdi.^[429][430] 2014-cü ilin mayında Forbes son 12 ayda $65 milyon gəlir əldə edən Messini Kriştiano Ronaldodan sonra gəliri ən çox olan ikinci futbolçu kimi qiymətləndirdi.^[431]

2012-ci ilin dekabr ayında "Barselona" Messi ilə 5 illik müqavilə imzaladığını, 2018-ci ilədək klubda qalacağını və maaşının 16 milyon €-a (21.2 milyon $) qədər artırıldığını elan etdi. Bununla Messi ən yüksək maaşlı futbolçu oldu. İspaniyada 56% olan gəlir vergisini ödəməyi də "Barselona" öz üzərinə götürdü; "Barselona" Messiyə 20 milyon €-dan (26.5 milyon $) bir qədər artıq əlavə pul da ödəyəcək.^[432] Onu öz heyətinə cəlb etmək istəyən klub "Barselona"ya 250 milyon € ödəməli olacaq.^[433]

2012-ci ilin sentyabr tarixində Messi Türk Hava Yollarının qlobal marka siması oldu.^[434] Messi hava yolları üçün NBA ulduzu Kobe Bryant ilə kommersiya reklam çarxlarına çəkildi. Son reklamda cütlük gənc oğlanın diqqətini cəlb etməyə çalışırdı.^[435] Messi appeared in a 2012 television advert for Japanese face wash Scalp-D.^[436] dekabr 2013-cü il tarixində Messi alman futbol əfsanəsi Frans Bekenbauerin başçılıq etdiyi "Qalaksi XI" komandasının kapitanı kimi 10 futbolçu ilə birgə Cənubi Koreya kompaniyası Samsungun reklamında da çəkilib.^[437]

2014-cü ilin fevralında Messi tennis ulduzu Rojer Federer ilə birlikdə Gillette markasının reklamında çəkildi. Onun kompaniyanın beynəlxalq futbol kampaniyasının qlobal siması olduğu elan edildi. Gilletle həmçinin Leo Messi Fondunun misiyasını dəstəkləmək üçün onunla əməkdaşlıq edir.^[438]

Messinin atası Jorc Horasio Messi 2007–2009-cu illərdə 4 milyon € məbləğində vergidən yayındığı iddiası ilə istintaqa cəlb olunmuşdu. Messi və atasının vergini ödəməkdən yayınmaq üçün Böyük Britaniya, İsveçrə, Beliz və Uruqvayda saxta şirkətlər qurduğu iddia edilirdi.^[439][440]

Atası 2013-cü ilin avqustunda ödənməmiş 5 milyon € məbləğində vergini faizi ilə ödədi. Prokuror Jorgenin vergi məsələsində məsuliyyət daşıdığına razılaşdı və ittihamların ləğv olunmasını məsləhət gördü, lakin Barselona məhkəməsi sübut edilmiş kifayət qədər dəlil olduğu üçün 2014-cü ilin payızında yenidən məhkəmə qarşısına çıxmalı olduğunu bildirdi.^{[441][442][443]}

Messi Pro Evolution Soccer 2009 və Pro Evolution Soccer 2011 videooyunlarının üz qabığında yer aldı. Həmçinin o, bu oyunlar üçün reklam kampaniyasında də iştirak etdi.^[444][445] Messi və Fernando Torresin şəkli Pro Evolution Soccer 2010 oyununun üz qabığında birgə həkk olundu.^{[446][447][448][449]} 2011-ci ilin noyabrında Messi PES-in rəqibi olan FIFA videooyunlar seriyasının yeni siması olmağı qəbul etdi. Onun debütü 2012-ci ildə FIFA Street oyununun siması olmaqla reallaşdı. Messi həmçinin FIFA 13 və FIFA 14-ün də siması oldu.^[450] Bunlardan əlavə alman idman geyimi kompaniyası Adidas Messiyə sponsorluq edir və Messi onun televiziya reklamlarında çəkilir.^[451] iyun 2010-cu ildə Messi Leo Messi Fonduyla əməkdaşlıq edən Herbalife ilə üç illik müqavilə imzaladı.^[452]

Messinin adı iki dəfə, 2011^[453] və 2012-ci illərdə^[454] Time jurnalının dünyanın ən nüfuzlu 100 adamı siyahısına əlavə edilib.

2011-ci ilin aprel ayında Messinin Facebook səhifəsini yaratmasından bir neçə saat sonra altı milyondan çox izləyici səhifəyə qoşuldu^[455] və 2013-cü ildə Messi Kriştiano Ronaldodan sonra 50 milyon izləyici həddini keçən ikinci futbolçu oldu.^[456]

SportsPro qəzetinin dünyanın ən tezsatıla bilən oyunçuları siyahısında Messi Neymardan sonra ikinci yerdə dəyərləndirilib.^[457]

Yapon zərgər Qinza Takana 25 kq ağırlığında Messinin sol ayağının qızıl maketini hazırladı. Bu, 2013-cü ilin martında Senday zəlzələsi və sunamidən əziyyət çəkənlərə yardım məqsədilə Yaponiyada satışa qoyuldu. Onun dəyəri 5.25 milyon $ idi.^[458]

• La Liqa: Qalib (7): 2004–05, 2005–06, 2008–09, 2009–10, 2010–11, 2012–13, 2014–15; İkincilik (3): 2006–07, 2011–12, 2013–14;
• Kopa del Rey: Qalib (3): 2008–09, 2011–12, 2014–15; İkincilik (2): 2010–11, 2013–14;
• İspaniya Superkuboku: Qalib (6): 2005, 2006, 2009, 2010, 2011, 2013

2016; Finalçı (1): 2012;

• UEFA Çempionlar Liqası: Qalib (4): 2005–06, 2008–09, 2010–11, 2014–15;
• UEFA Super Kuboku: Qalib (3): 2009, 2011,2015; Finalçı (1): 2006;
• FIFA Klublararası Dünya Kuboku: Qalib (3): 2009, 2011, 2015.

• Yay Olimpiya Oyunları: Qalib (1): 2008;
• FIFA 20 yaşadək futbolçuların Dünya Kuboku: Qalib (1): 2005;
• FIFA Dünya Kuboku;İkincilik (1): 2014
• Kopa Amerika: Qalib (1): 2007;
• Cənubi Amerika Gənclər Çempionatı: Üçüncülük (1): 2005.

• FIFA Qızıl top (7): 2010, 2011, 2012, 2015, 2019, 2021-ci illərdə alıb.
• Qızıl top (1): 2009. Bu mükafat2009-cu ildə ləğv olunub.
• FIFA Dünyada İlin Oyunçusu (1): 2009. 2009-cu ildə ləğv olunub.
• Dünya İlin Futbol Oyunçusu (3): 2009, 2011, 2012.
• Dünya Futbolunun Ən Yaxşı On Birliyi: 2013.
• Onze d'Or (3): 2009, 2011, 2012. 2010-cu ildə qalib olmayıb.
• Avropa Qızıl Buts (3): 2010, 2012, 2013.
• UEFA Avropada Ən Yaxşı Oyunçu Mükafatı (1):2010–11. 2011-ci ildə təsis olunub.
• UEFA İlin Klub Futbolçusu (1): 2009. 2010-da ləğv olunub.
• FİFA Klublararası Dünya Kuboku Qızıl Top (2): 2009, 2011.
• UEFA Çempionlar Liqası Finalının Oyunçusu (1): 2011.
• UEFA Çempionlar Liqasının Bombardiri (4): 2009, 2010, 2011, 2012.
• L'Équipe Çempionlar Çempionu : 2011.
• FIFA 20 yaşadək futbolçuların Dünya Kubokunun oyunçusu (1): 2005.
• FIFA 20 yaşadək futbolçuların Dünya Kuboku bombardiri (1): 2005.
• LFP Ən Yaxşı Oyunçu (5): 2009, 2010, 2011, 2012, 2013.
• La Liqa İlin Oyunçusu (3): 2009, 2010, 2011.
• La Liqa İlin Legioner Oyunçusu (3): 2007, 2009, 2010. 2010-cu ildə ləğv olunub.
• Piçiçi Mükafatı (3): 2010, 2012, 2013.
• LFP Ən Yaxşı Hücumçu (5): 2009, 2010, 2011, 2012, 2013.
• UEFA Çempionlar Liqası İlin Hücumçusu (1): 2009. 2010-cu ildə ləğv edilib.
• La Liqa İlin İber Amerikan Futbolçusu (5): 2007, 2009, 2010, 2011, 2012.
• FIFPro Dünyada İlin Gənc Oyunçusu (3): 2006, 2007, 2008.
• World Soccer qəzeti, İlin Gənc Oyunçusu (3):2006, 2007, 2008.
• Bravo Mükafatı (1):2007.
• Qızıl Oğlan mükafatı (1): 2005.
• Marca Leyenda Mükafatı (1):2009.
• Trofeo Alfredo Di Stéfano (3): 2008–09, 2009–10, 2010–11
• ESPU Ən Yaxşı Beynəlxalq İdmançı Mükafatı (1):2012.
• El País Avropa Futbolunun Kralı mükafatı (4): 2009, 2010, 2011, 2012.^[459]
• IFFHS Dünyanın Ən Məhsuldar Futbolçusu (2): 2011, 2012.^[460]
• IFFHS Dünyanın Yüksək Liqalarında Ən Məhsuldar Oyunçu (1): 2012.^[461]
• FIFPro Dünya On Birliyi (7): 2007, 2008, 2009, 2010, 2011, 2012, 2013, 2015.^[462]
• UEFA İlin Komandası (5): 2008, 2009, 2010, 2011, 2012.
• Avropa İdman Qəzetləri İlin Komandası (7):2006, 2008, 2009, 2011, 2012, 2013
• Kopa Amerika Turnirin Gənc Futbolçusu (1): 2007.
• Kopa Amerika Ən Çox Məhsuldar Ötürmə Verən (1): 2011.
• Kopa del Rey ən məhsuldar futbolçu (2): 2010–11, 2013–14.
• Argentinada İlin İdmançısı Mükafatı (1): 2011.
• Argentinada İlin Futbolçusu (8): 2005, 2007, 2008, 2009, 2010, 2011, 2012, 2013.
• FİFA Dünya Kuboku 2014 Ən Yaxşı Oyunçu

Son yeniləmə: 5 iyun 2014

• FİFA Qızıl top mükafatını ən çox qazanan: 7^[463]
• İl ərzində ən çox qol vurmaqla Ginnesin Rekordlar Kitabına düşüb: 91 qol^[464]
• İl ərzində rəsmi oyunlarda ən çox qol vuran: 25 qol (Vivian Vudvardla birgə)
• Ölkə çempionatı oyunlarında ən uzun qol vurma seriyasına malik: 21 oyun (33 qol)^[465]
• Ölkə çempionatlarında bütün komandalara qol vuran ilk oyunçu^[466]

• Ən çox Avropa Qızıl Buts mükafatını qazanan: 6^[467]
• Bir mövsümdə klubun heyətində ən çox qol vuran:73 qol^[468]
• İl ərzində klubun heyətində ən çox qol vuran: 79 qol^[469]
• Avrokuboklarda ən çox bombardir olan 4 dəfə (Gerd Müllerlə birlikdə)^[470]
• Avrokuboklarda ən çox ardıcıl bombarder olan: 4 dəfə^[470]
• UEFA Çempionlar Liqasında ən çox het-trik edən:4 het-trik^[230]
• UEFA Çempionlar Liqasında bir oyunda ən çox qol vuran: 5 qol^[471]
• UEFA Çempionlar Liqasında 1/8, 1/4, 1/2 və final oyunlarında ən çox qol vuran: 31 qol
• Avrokuboklarda 21 müxtəlif şəhərdə qol vuran yeganə oyunçu.

• Milli komandada bir ildə ən çox qol vuran: 12 qol (Qabriel Batistuta ilə birgə)^[472]

• Bir klubdun heyətində ən çox qol vuran: 354 qol
• La Liqa tarixində səfər oyunlarında ən çox qol vuran:107 qol^[473]
• La Liqada bir mövsümdə ən çox qol vuran: 50 qol^[474]
• La Liqada ən uzun qol vurma seriyasına malik: 21 oyun, 33 qol^[465]
• Bir mövsümdə La Liqada ən çox het-trik edən: 8 het-trik^[475]
• La Liqada 200 qol həddini keçən ən gənc oyunçu: 25 yaş^[476]
• 5 ardıcıl La Liqa mövsümündə 25 qol həddini keçən ilk oyunçu (Kriştiano Ronaldo ilə birgə)
• El Klassikolarda ən çox qol vuran: 23 qol
• El Klassikolarda ən çox het-trik edən: 2 het-trik
• İspaniya Superkubokunda ən çox qol vuran: 12 qol

• Rəsmi oyunlarda ən çox qol vuran: 416 qol
• La Liqada ən çox vuran: 266 qol
• UEFA Çempionlar Liqasında ən çox qol vuran: 75 qol
• Avrokuboklarda ən çox qol vuran: 68 qol
• Beynəlxalq turnirlərdə ən çox qol vuran: 72 qol
• Rəsmi oyunlarda ən çox het-trik edən:30 het-trik
• La Liqada ən çox het-trik edən: 25 het-trik

Qeydlər

1. ↑ Məhsuldar ötürmələrin statistiaksı 1990-cı ildə başlayıb.

• Rəsmi vebsaytı
• Barselona FK saytında səhifəsi
• BDFutbol səhifəsi
• La Liqa səhifəsi Arxivləşdirilib 2013-06-02 at the Wayback Machine
• Soccerbase saytında Messinin karyera statistikası Arxivləşdirilib 2005-09-04 at the Wayback Machine
• ESPN səhifəsi
• Nationall-football-teams saytında səhifəsi
• UEFA-nın saytında səhifəsi
• FİFA-nın saytında səhifəsi Arxivləşdirilib 2014-08-03 at the Wayback Machine