Antoni Martial

Anthony Joran Martial (5 dekabr 1995^[2][3], Massi^[d]) — İngiltərənin Mançester Yunayted klubunda və Fransa milli yığmasında hücumçu mövqeyində çıxış edən fransız futbolçudur. O, Avropada 21 yaş altı ən yaxşı gənc futbolçuya təqdim olunan 2015 "Golden Boy" mükafatının sahibidir.^[5]

Anthony Martial
fr. Anthony Martial
Ümumi məlumatlar
Tam adı	Anthony Joran Martial[1]
Doğum tarixi	5 dekabr 1995(1995-12-05)[2][3] (28 yaş)
Doğum yeri	Massi, Fransa
Vətəndaşlığı	Fransa
Boyu	1,84[4]
Çəkisi	76 kq
Mövqeyi	Hücumçu
Əsas ayağı	Sağ
Klub haqqında məlumat
Klub	Mançester Yunayted
Nömrəsi	9
Karyerası
Gənclik karyerası 2001—2009 CO Les Ulis 2009—2012 Lion Klub karyerası[* 1] 2012—2013 Lion 3 (0) 2013—2015 Monako 49 (11) 2015—2024 Mançester Yunayted 188 (60) 2021 Sevilya 9(0) Milli yığma[* 2] 2010—2011 Fransa U-16 17 (9) 2011—2012 Fransa U-17 13 (9) 2012—2013 Fransa U-18 4 (3) 2013 Fransa U-19 5 (0) 2013—2015 Fransa U-21 12 (4) 2015—2021 Fransa 30 (2)
↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı, 10 iyun 2024 tarixində redaktə olunub. ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı, 17 aprel 2023 tarixində redaktə olunub.
Vikianbarda əlaqəli mediafayllar

Fransanın Les Ulis klubunun aşağı yaş qruplarında çıxış etdikdən sonra, peşəkar futbolçu karyerasına Olimpik Lion klubunda başlamış və 2013-cü ildə 6 milyon avro qarşılığında Monako klubuna transfer olmuşdur. Burada iki il çıxış etdikdən sonra isə 2015-ci ildə 36 milyon funt-sterlinq (bonuslarla birlikdə 57.6 milyon funt-sterlinq) qarşılığında İngiltərənin Mançester Yunayted klubuna transfer olmuşdur.^[6] Martial Mançester Yunayted forması ilə çıxdığı ilk görüşdə qol vurmağı bacarmış və Premyer Liqada çıxış etdiyi ilk ayda "Ayın futbolçusu" mükafatına layiq görülmüşdür.

Antoni Martial Fransa milli yığması ilə ilk oyununa 2015-ci ildə çıxmış və milli komandanın heyətində UEFA Avro 2016 turnirində iştirak etmişdir.

2024-cü ilin iyun ayında Antoninin klubdan ayrılacağı bilindi.

Martial Fransanın fərqli yaş kateqoriyalarında çıxış etdi və bu dövrdə 58 oyunda 25 qol vurmağı bacardı. 26 avqust 2015-ci il tarixində isə Portuqaliya və Serbiya komandalarına qarşı baş tutacaq yoldaşlıq görüşlərində iştirak etmək üçün milli yığmaya dəvət aldı.^[7] Milli yığma forması ilə 4 sentyabr 2015-ci ildə Lissabon şəhərinin Estadio Xose Alvalade stadionunda çıxdığı ilk görüşdə Kərim Benzemanın yerinə sonradan daxil oldu və Fransa bu görüşdə 1-0 hesabı ilə qələbə qazandı. 11 oktyabr 2015-ci il tarixində isə 2-1 qalib gəldikləri Danimarka qarşılaşmasında millinin heyətində ilk dəfə start heyətdə meydana daxil oldu və bir məhsuldar ötürmə ilə yadda qaldı.^[8]

Martial əslən Qvadelupa adalarındandır.^[9] Onun böyük qardaşı Yohan da peşəkar futbolçudur. O, Fransanın Troyes klubunda müdafiəçi mövqeyində çıxış edir. Onun digər böyük qardaşı olan Dorian isə Les Ulis klubunun aşağı yaş qruplarında çıxış edir. Məşqçiləri Martialı xasiyyət cəhətdən daim sakit biri kimi təsəvvür edirlər. Dini baxımdan xristianlığın katolik məzhəbinə etiqad etdiyi bilinir.^[10]

Son yeniləmə:21 sentyabr 2017

Son yeniləmə:10 oktyabr 2016

Son yeniləmə:10 oktyabr 2016

No.	Tarix	Yer	Rəqib	Hesab	Nəticə	Turnir
1	1 sentyabr 2016	San Nikola stadionu, Bari, İtaliya	İtaliya	1–0	3–1	Yoldaşlıq

Mançester Yunayted

• FA kuboku: 2015-16,2023-24
• Liqa kuboku: 2016-17,2022-23
• UEFA Avropa Liqası: 2016-17^[11]
• İngiltərə Super kuboku: 2016

Fransa

• UEFA Avro 2016: İkinci yer

• UEFA U-19 Avropa Çempionatı: Turnirin heyəti (2013)
• Premyer Liqada "Ayın futbolçusu": Sentyabr 2015^[12]
• Golden Boy: 2015
• Mançester Yunayteddə "Sezonun ən yaxşı qolu": 2015-16 (Liverpula qarşı, 12 sentyabr 2015)^[13]
• Premyer Liqa Goal Cup: 2015-16^[14]

• Mançester Yunayted
• Monako
• Fransa milli yığması

Vikianbarda Antoni Martial ilə əlaqəli mediafayllar var.

• France profile Arxivləşdirilib 2015-07-11 at the Wayback Machine FFF-də
• Antoni Martial karyera statistikaları Soccerbase-də