Elman Muxtarov
Elman Coşqun oğlu Muxtarov (12 dekabr 1994; Goranboy, Azərbaycan) — Azərbaycanı təmsil edən güləşçi.
| Elman Muxtarov | |||||||||||||||||
|---|---|---|---|---|---|---|---|---|---|---|---|---|---|---|---|---|---|
| Şəxsi məlumatlar | |||||||||||||||||
| Tam adı | Elman Coşqun oğlu Muxtarov | ||||||||||||||||
| Vətəndaşlığı |
 Azərbaycan |
||||||||||||||||
| Doğum tarixi | |||||||||||||||||
| Doğum yeri | Goranboy, Azərbaycan | ||||||||||||||||
| İdman növü | Güləş | ||||||||||||||||
| Boyu | 165 sm. | ||||||||||||||||
|
Medallar
|
|||||||||||||||||
Həyatı[redaktə | mənbəni redaktə et]
Elman Muxtarov 1994-cü il dekabrın 12-də Goranboy şəhərində anadan olub. Məşqçisi Hicran Şərifovdur.
Elman Muxtarov 2023-cü ilin yanvarında Cinayət Məcəlləsinin 128-ci (qəsdən sağlamlığa yüngül xəsarət yetirmə) və 181-ci (quldurluq) maddələri üzrə həbs edildi.[1]
Karyerası[redaktə | mənbəni redaktə et]
Elman Muxtarov 2009-cu ildə Zrenyanin şəhərində (Serbiya) baş tutan gənclər arasında Avropa Çempionatının qalibi oldu.
Elman Muxtarov 2010-cu ildə Sinqapurda baş tutan Yeniyetmələrin I Yay Olimpiya Oyunlarında mübarizə apardı.[2] Elman Muxtarov qrup mərhələsinin birinci görüşdə Belarus nümayəndəsi Andrey Pihazu ilə üz-üzə gəldi.[2] Həmin görüşdə Elman Muxtarov rəqibinə qalib gəldi — 2:0 (3:0, 3:0).[2] Növbəti görüşdə isə onun rəqibi Kuba nümayəndəsi Yohan Rodriqez Banqela oldu.[2] Bu görüşdə də Elman Muxtarov rəqibinə qalib gəldi — 2:0 (2:0, 5:1).[2] Bununla da Elman Muxtarov qrup mərhələsini birinci pillədə başa vurdu və Sinqapur Olimpiadasının final görüşnə vəsiqə qazandı.[2] Həlledici görüşdə onun rəqibi Özbəkistan nümayəndəsi Nurbəy Haqqulov oldu.[2] Final görüşündə də qalib gələn tərəf Elman Muxtarov oldu — 2:0 (3:0, 4:0).[2] Bununla da Elman Muxtarov Yeniyetmələrin I Yay Olimpiya Oyunlarının qızıl medalına sahib oldu.[2]
2015-ci ilin 12-28 iyununda baş tutan I Avropa Oyunlarında da mübarizə aparan Elman Muxtarov, turnirin 1/2 final mərhələsində Rusiya nümayəndəsi Stepan Maryanyana məğlub olsa da, bürünc medal uğrunda görüşdə Ermənistan təmsilçisi Roman Amoyana qalib gəldi və I Avropa Oyunlarının bürünc medalına sahib oldu.
Azərbaycan Prezidenti İlham Əliyevin 29 iyun 2015-ci il tarixli 1299 nömrəli Sərəncamına əsasən I Avropa Oyunlarında qazandığı nailiyyətlərə və Azərbaycan idmanında xidmətlərinə görə Elman Coşqun oğlu Muxtarova "Tərəqqi" medalı ilə təltif edildi.[3]
İstinadlar[redaktə | mənbəni redaktə et]
- ↑ Qafqazinfo.az xəbər portalı. "Azərbaycanda tanınmış güləşçi həbs edildi". www.qafqazinfo.az ( (az.)). 24.01.2023. 2023-01-27 tarixində arxivləşdirilib. İstifadə tarixi: 24.01.2023.
- ↑ 1 2 3 4 5 6 7 8 9 Azerisport.com idman portalı. "Азербайджан начал Олимпиаду с двумя золотыми наградами (ОБНОВЛЕНО)". www.azerisport.com ( (rus.)). 01.11.2022. 2022-10-31 tarixində arxivləşdirilib. İstifadə tarixi: 01.11.2022.
- ↑ Normativ hüquqi sənədlərin vahid internet bazası. "I Avropa Oyunları qaliblərinin və Azərbaycan idmanında xidmətləri olan şəxslərin təltif edilməsi haqqında Azərbaycan Prezidenti İlham Əliyevin 29 iyun 2015-ci il tarixli 1299 nömrəli Sərəncamı". www.e-qanun.az ( (az.)). 29.06.2015. 2016-12-22 tarixində arxivləşdirilib. İstifadə tarixi: 24.08.2022.