Elvira Mürsəlova

Elvira Mürsəlova (25 oktyabr 1982; Xəzər, Rusiya SFSR) — 1998–2002-ci illərdə Rusiyanı, 2008–2009-cu illərdə isə Azərbaycanı təmsil edən qadın güləşçi.

Elvira Mürsəlova
Şəxsi məlumatlar
Tam adı Elvira Mürsəlova
Vətəndaşlığı Rusiya Rusiya (1998—2002) →
Azərbaycan Azərbaycan (2008—2009)
Doğum tarixi (40 yaş)
Doğum yeri Xəzər, Rusiya SFSR
İdman növü Güləş
Karyera illəri 1994—2009
Məşqçisi Qurban Qurbanov
Boyu 164 sm. (5 ft 6 in)
Komandası Atasport İdman Klubu
Medallar
Avropa Çempionatı
Gümüş 2008 Tampere 59 Kq.

Həyatı[redaktə | mənbəni redaktə et]

Elvira Mürsəlova 1982-ci il oktyabrın 25-də Rusiyanın Xəzər şəhərində anadan olub.[1] Milliyyətcə ləzgidir. 1994-cü ildən güləşlə məşğul olur.[1] Şəxsi məşqçisi Qurban Qurbanovdur.[1]

Karyerası[redaktə | mənbəni redaktə et]

Elvira Mürsəlova 1998-ci ilin iyulunda Mançester şəhərində (Birləşmiş Krallıq) baş tutan yeniyetmələr arasında Dünya Çempionatının qalibi oldu.[2] 2002-ci ildə isə Elvira Mürsəlova Tirana şəhərində (Albaniya) baş tutan gənclər arasında Avropa Çempionatını bürünc medalla başa vurdu.[3]

2007-ci ildə Azərbaycan Güləş Federasiyası (AGF) Elvira Mürsəlovanı Azərbaycan yığmasının heyətinə dəvət elədi. Həmin illərdə Azərbaycanda qadın güləşçilərdən ibarət yığması yeni-yeni formalaşdırılırdı. Elvira Mürsəlova həmin dəvəti qəbul elədi və 2008-ci ildən Azərbaycan bayrağı altında beynəlxalq turnirlərdə mübarizə apardı.

2008-ci ildə Elvira Mürsəlova Avropa Çempionatlarında debüt elədi. Finlandiyanın Tampere şəhərində baş tutan turnirin 1/8 final mərhələsində Polşa nümayəndəsi Aqata Pyetrziya 2:1, 1/4 final mərhələsində Ukrayna nümayəndəsi Nataliya Sinişina 2:0, 1/2 final mərhələsində isə Belarus nümayəndəsi Tatyana Boxana 2:0 hesabları ilə qalib gələn Elvira Mürsəlova, final görüşündə İsveç nümayəndəsi İda-Teres Nerela məğlub oldu və Avropa Çempionatını gümüş medalla başa vurdu.[4] Həmin ilin iyununda isə Elvira Mürsəlova Qızıl Qran-Pri beynəlxalq turnirinin bürünc medalına sahib oldu.[5]

2008-ci ilin əsas turniri Yaponiyada baş tutan Dünya Çempionatı oldu. Turnirin 1/8 final mərhələsində Braziliya nümayəndəsi Joyce Silvaya 2:0, 1/4 final mərhələsində isə Ukrayna nümayəndəsi Alla Çerasovaya 2:0 hesabları ilə qalib gələn Elvira Mürsəlova, 1/2 final mərhələsində Yaponiya nümayəndəsi Ayao Şodaya məğlub oldu və mübarizəni bürünc medal uğrunda görüşdə davam elədi. Həmin görüşdə ABŞ nümayəndəsi Dianna Rixa 2:0 hesabı ilə qalib gələn Elvira Mürsəlova Dünya Çempionatının bürünc medalına sahib oldu.[6] Bununla da Elvira Mürsəlova Dünya Çempionatlarının medalına sahib olan birinci azərbaycanlı qadın güləşçi oldu.

2009-ci ilin iyulunda Qızıl Qran-Pri beynəlxalq turnirinin bürünc medalına sahib olan Elvira Mürsəlova, 26 yaşında idmanla vidalaşdı.[7]

Uğurları[redaktə | mənbəni redaktə et]

Sıra
İl
Yarış
Ev sahibi
Nəticə
Rusiya Rusiya
1
1998
 Yeniyetmələrin Dünya Çempionatı Böyük Britaniya Birləşmiş Krallıq
1.
2
2002
 Gənclərin Avropa Çempionatı Albaniya Albaniya
3.
Azərbaycan Azərbaycan
3
2008
 Avropa Çempionatı Finlandiya Finlandiya
2.
4
 Qızıl Qran-Pri Azərbaycan Azərbaycan
3.
5
 Dünya Çempionatı Yaponiya Yaponiya
3.
6
2009
 Qızıl Qran-Pri Azərbaycan Azərbaycan
3.

İstinadlar[redaktə | mənbəni redaktə et]

  1. ↑ 1 2 3 International Wrestling Database. "ELVIRA MURSALOVA". www.iat.uni-leipzig.de (ingilis). 2022-08-04. 2023-05-05 tarixində arxivləşdirilib. İstifadə tarixi: 02.08.2022.
  2. ↑ International Wrestling Database. "1998 // World Championship // Cadets // Female wrestling // 60 Kg. // Results". www.iat.uni-leipzig.de (ingilis). 2022-08-04. 2023-05-04 tarixində arxivləşdirilib. İstifadə tarixi: 02.08.2022.
  3. ↑ International Wrestling Database. "2002 // European Championship // Juniors // Female wrestling // 58 Kg. // Results". www.iat.uni-leipzig.de (ingilis). 2022-08-04. 2023-05-04 tarixində arxivləşdirilib. İstifadə tarixi: 02.08.2022.
  4. ↑ International Wrestling Database. "2008 // European Championship // Seniors // Female wrestling // 59 Kg. // Results". www.iat.uni-leipzig.de (ingilis). 2022-08-04. 2021-06-29 tarixində arxivləşdirilib. İstifadə tarixi: 02.08.2022.
  5. ↑ International Wrestling Database. "2008 // Golden Grand Prix // Seniors // Female wrestling // 59 Kg. // Results". www.iat.uni-leipzig.de (ingilis). 2022-08-04. 2023-05-04 tarixində arxivləşdirilib. İstifadə tarixi: 02.08.2022.
  6. ↑ International Wrestling Database. "2008 // World Championship // Seniors // Female wrestling // 59 Kg. // Results". www.iat.uni-leipzig.de (ingilis). 2022-08-04. 2023-05-04 tarixində arxivləşdirilib. İstifadə tarixi: 02.08.2022.
  7. ↑ International Wrestling Database. "2009 // Golden Grand Prix // Seniors // Female wrestling // 59 Kg. // Results". www.iat.uni-leipzig.de (ingilis). 2022-08-04. 2023-05-04 tarixində arxivləşdirilib. İstifadə tarixi: 02.08.2022.