Euronews xəbər kanalı

EuroNews — çoxdilli xəbər kanalı.

Euronews
Ölkə	Fransa, Lion
Yayım ərazisi	Avropa ölkələri
Dil	İngilis, fransız, alman, italyan, portuqal, ispan, rus, ərəb, türk, fars, ukrayna, yunan, macar
Baş qərargah	Lion[1] Brüssel
Yaranma tarixi	1 yanvar 1993
Şüar	Most-watched news channel in Europe (Avropada ən çox izlənilən xəbər kanalı)
Sayt	euronews.com
Vikianbarda əlaqəli mediafayllar

Kanal yayıma 1 yanvar 1993-cü il tarixində Lionda başlamışdır. Xəbərləri Avropa perspektivindən dünyaya baxışlı xəbərlər çoxluğu təşkil edir və doqquz dildə yayımlanır. Euronews dünya səviyyəsində 151 ölkədə 330 milyon evə informasiya çatdırır. Tamaşaçı sayı baxımından Euronews, Avropa qitəsinin ən yüksək tamaşaçı nisbətinə sahib xəbər kanalıdır. Kanalda Avropa və dünyadan xəbərlər 30 dəqiqəlik aralarla efirə gedir.

Kanalda AB ilə əlaqədar yayımlanan xəbərlər Avropa Komissiyası başda olmaqla milli yayım təşkilatları ilə əməkdaşlıq içərisindədir. Kanal Avropa Birliyindən hər il 5.000.000 € fond alır. 4 iyun 2008-ci il tarixində Euronews rəsmi internet saytını, emblemini və kanal qrafiklərini yeniləmişdir. Qurulduğu gündən bu yana isə dörd fərqli loqo istifadə etmişdir.

Kanal ingilis, fransız, alman, italyan, portuqal, ispan, rus, ərəb, türk və fars dillərində yayımlanmaqdadır.

I Körfəz Müharibəsinin başladığı dövrdə döyüşün tərəflərindən biri olan ABŞ mənşəli yayım quruluşu CNN-nin Avropa və dünyadakı tək beynəlxalq informasiya mənbəyi olaraq vəziyyəti çətinləşdirməsi üzərinə Avropa Yayım İttifaqı 1992-ci ildə, Avropa dövlətlərinin baxışından məlumat təqdim edəcək olan Euronews kanalını qurmağa qərar verdi. 1 yanvar 1993 cü il tarixində Lion mərkəzli olaraq ilk yayımını həyata keçirən kanal, 1996-ci ildə Londonda qurulan əlavə yayım mərkəzi ilə genişlənməyə başlamışdır. Kanalın qurucu 11 yayım quruluşu bunlardır:

• Kipr CYBC
• İsveç ArmNews.Eu
• Yunanıstan ERT
• Fransa France Télévisions
• İtaliya RAI
• Belçika RTBF
• Portuqaliya RTP
• İrlandiya RTÉ
• İspaniya RTVE
• Monako TMC
• Finlandiya YLE
• Bosniya və Herseqovina BHRT

Daha sonralar isə kanalın yayım şəbəkəsini genişləndirmək məqsədilə bu kanallarla müqavilələr bağlanmışdır:

• Rusiya RTR
• Türkiyə TRT
• Çexiya ČT
• Malta PBS
• Sloveniya RTVSLO
• Ukrayna NTU
• İsveçrə SRG-SSR
• Rumıniya TVR
• İsveç SVT – MTG

Kanalın ən böyük hissədarları bunlardır: France Televisions (25.37%), RAI (22.84%), RTR (16.94%) və TRT (15.70%)

Euronews xəbərlərində qeyri-adi bir təqdimat tərzi istifadə edir. Kanalda müxbir və ya server istifadə edilmədən xəbərlər izləyənlərə təqdim edilməkdədir. Bu xəbər tərzi 2004-ci ildə Gallup Europe tərəfindən "yavaş", "monoton" və "darıxdırıcı" olaraq xarakterizə edilmişdir. Son zamanlarda isə xüsusilə canlı verilişlərdə server və müxbir istifadə edilməkdədir.

Kanalın əsas xəbər qaynaqları Avropa Yayım Birliyinə bağlı APTN və Reutersdir. Eyni zamanda fransız AFP, italyan ANSA, portuqaliyalı LUSA, alman DPA, türk AA, ispan EFE və rus İTAR TASS agentlikləri də kanalın xəbər qaynaqlarındandır.

• news | Avropa, Asiya (xüsusilə Ərəb dünyası) və digər beynəlxalq xəbərlər.
• press | Hər səhər Avropanın müxtəlif qəzetlərinin başlıqlarına ön baxış.
• business | Maliyyə xəbərləri.
• markets | Dünya səhm bazarları, valyuta, əmtəə və neft qiymətləri xəbərləri.
• Wall Street live | Nyu-York Fond Birjasından açılış və bağlanış dəyərləri xəbərləri.
• headlines | Əsas xəbərlərə və biznes dünyası xəbərlərinə qısa bir baxış.
• Europe | Avropa ölkələrini maraqlandıran mövzular.
• sport | Əhəmiyyətli idman yarışlarından xəbərlər.
• eurofoot | Avropa futbol matçlarının nəticələri.
• no comment | Şərhsiz qısa videolar.
• meteo Europe / world / airport | Hava haqqında proqnozlar.
• interview | Əhəmiyyətli şəxslərlə reportajlar.
• reporter | Avropa vətəndaşlarının həyatlarına qısa bir baxış.
• agora | Mövzuda sözü keçən şəxslərin müzakirələri.
• sawa | Aralıq dənizi və ətrafındakı Avropa vətəndaşlarının həyatına qısa bir baxış.
• metropolitans | Bir şəhərdə şəhərləşmə problemlərinin həlli üçün görülən yenilikçi və təsirli işlər.
• questions for Europe, ya da qısaca f.a.q. | AB məsələləri haqqında ümumi məlumatlar.
• le mag | Musiqi, moda, səyahət və mədəniyyət haqqında məlumatlandırma.
• cinema | Yayımlanan son filmlər və tənqidlər.
• you | AB vətəndaşlarının gündəlik hadisələr haqqındakı düşüncələri.
• space | Avropa Kosmos Agentliyi ilə birlikdə hazırlanan kosmos texnologiyası məlumatları.
• talent | Qeyri-adi qabiliyyətləri olan adi insanlar.
• science və hi-tech | Elm və texnologiya işləri haqqında son nailiyyətlər.
• futuris | Gələcəyin texnologiyaları və nəzəriyyələr.
• Rendez-vous | Avropadakı mövcud mədəni tədbirlər.
• parlament | Avropa Parlamenti ilə əlaqədar xəbərlər.
• perspectives | Fərqli Avropa televiziya kanallarının aktual hadisələr haqqındakı yayımları.
• comment Visions | Mütəfəkkir, islahatçılar və fikir liderləri ilə danışıqlar.
• flashback | Son yeddi gündə reallaşan ən mühüm hadisələrin xülasəsi.

• Euronews rəsmi Facebook səhifəsi
• Euronews rəsmi Twitter hesabı
• Euronews rəsmi YouTube kanalı
• Euronews rəsmi Dailymotion kanalı
• Euronews resmî podcast bağlantısı

1. ↑ Contact euronews.

Vikianbarda Euronews ilə əlaqəli mediafayllar var.