Jagdpanther

Jagdpanther
Jagdpanther
Tipi	Tank qatili
Ölkə	Üçüncü Reyx;
İstismar tarixçəsi
İstifadə edilən döyüşlər	İkinci dünya müharibəsi
Xüsusiyyətləri
Ağırlığı	45,5 t
Zireh	80 mm (öndə); 100 mm (top qalxanı)
Mühərrik	Maybach HL230P30 (V-12 benzinli) su soyutmalı
Güc nisbəti	14 at gücü/ton
Mühərrik gücü	700 at gücü (kW)
Əsas silah	1x 8.8 cm Pak 43/3 ya da 43/4 L/71; 57 mərmi
Köməkçi silah	1x 7,92 x 57 mm MG 34; 600 mərmi
Uzunluğu	9,87 m;
Eni	3,42 m
Hündürlüyü	2,71 m
Ekipaj	5 (tank komandiri, sürücü, radio operator, silahçı, yükləyici operator)
	Vikianbarda əlaqəli mediafayllar

Jagdpanther (“Hunting Panther”) Nasist Almaniyası ordusu Wehrmacht tərəfindən İkinci Dünya müharibəsi dövründə istifadə edilmiş və Panther tank şassisi üzərində hərəkət edən tank ovçusu. Hərəkət mənzili 250 km, maksimum sürəti saatda 46 km, dayandırma sistemi iki təbəqəli bar olmuşdur.

Yaradılması

Bu ağır sinif tank qatili olan maşın 88 mm Pak 43 top və Panther tank şassisindən ibarət idi. 1942-ci ildə SdKfz 173 adı ilə sifariş edildi. İstehsalına 1944-cü ilin ilk aylarında başlandı və Hitler tərəfindən Jagdpanther (Azərbaycanca → “ovlanan panter”) adlandırıldı.

Maşın Tiger II tanklarının əsas silahı olan uzun lüləli 88 mm top və həmçinin mitralyoz kimi də istifadə olunan 7.92 mm MG 34 ilə silahlanmışdı. Tankın ön hissəsi əyri bir zirehlə örtülmüşdü. Jagdpanther tanklarının güc/çəki nisbəti həqiqətən çox yaxşı idi. Vasitənin istifadəsində olan top hər hansı bir müttəfiq tankını asanlıqla məhv edə bilərdi. Jagdpantherin aşağı silueti, nəqliyyat vasitəsinə asanlıqla gizlənmə şansı verir və onun müəyyənləşdirilib vurulmasını çətinləşdirirdi. Panther tankının şassisini istifadə etməyin ən vacib səbəbi bu mexaniki komponentin az problem yaratması idi.

İki modeli ayırd etmək çox asan idi. Onlardan birində topun ətrafındakı zireh qaynaqla bağlanmış, digərində isə boltlar istifadə edilmişdir. Pak 43/4 modeli boltlu modeldə top kimi istifadə edilmişdir. İlk Jagdpantherlərin silah lülələri bir parçadan ibarət idi və sürücünün iki görmə çuxuru var idi. Daha sonra bu dəliklər birə endirildi.

İstehsalı

1944-1945-ci illər arasında cəmi 392 ədəd Jagdpanther istehsal edildi. Bu nəqliyyat vasitələri Şərq Cəbhəsində ağır tank məhv qrupları olaraq istifadə edildilər. Onlardan bəziləri müharibənin son dövrlərində Bulge Əməliyyatı zamanı istifadə edilmişdir. 12 Jagdpanther tankı Alman 654-cü Ağır Tank əleyhinə Batalyonuna (schwere Panzerjäger-Abteilung) aid olması səbəbiylə Normandiya əməliyyatı əsnasında ingilis qoşunlarına qarşı döyüşlərdə istifadə edilmişdir.

88mm Kw.K.43 L / 71 topunun zireh dağıtma dəyərləri
Növü	Mərmi cəkisi	Lülə çıxış sürəti	100	500	1000	1500	2000
PzGr.39 / 43 (Zireh dəlici ballistik başlıqlı)	10.2 kg	1000 m/s	202 mm	185 mm	165 mm	148 mm	132 mm
PzGr.40 / 43 (qatı başlıqlı zireh dəlici)	7.3 kg	1130 m/s	237 mm	217 mm	193 mm	170 mm	152 mm
HI.Gr.39 (yüksək patlayıcılı)	10 kg	880 m/s	90 mm	90 mm	90 mm	bilinmir	bilinmir

Dövrümüzdə qalanlar

Yalnız bir Jagdpanther işlək vəziyyətdədir. Bu vasitə İngilislər tərəfindən qurulan (Sdkfz Association) dərnəyi tərəfindən tapılmış və 4 illik bərpa müddətindən sonra istifadəyə verilmişdir.

Daha 9 dənəsi xilas edilə bilinsə də, onlar sadəcə olaraq sərgilənə bilirlər. Bunlardan bəziləri Londondakı İmperator Müharibə Muzeyi (Imperial War Museum), Münsterdəki Almaniya Tank Muzeyi (Deutsches Panzermuseum), Fransanın Saumur bölgəsində yerləşən Zirehlilər Muzeyi (Musée des Blindés) və Aberdində yerləşən Birləşmiş Ştatlar Ordusunun Təchizat Muzeyində (United States Army Ordnance Museum) sərgilənir.