Kamran Rzazadə

Bu məqaləni vikiləşdirmək lazımdır. Lütfən, məqaləni ümumvikipediya və redaktə qaydalarına uyğun şəkildə tərtib edin.

Bu məqalədəki məlumatların yoxlanıla bilməsi üçün əlavə mənbələrə ehtiyac var. Lütfən, məqaləyə etibarlı mənbələr əlavə edərək onu təkmilləşdirməyə kömək edin. Mənbəsiz məzmun problemlər yarada və silinə bilər. Problemlər həll edilməmiş şablonu məqalədən çıxarmayın. Daha ətraflı məlumat və ya məqalədəki problemlərlə bağlı müzakirə aparmaq üçün məqalənin müzakirə səhifəsinə diqqət yetirə bilərsiniz.

Rzazadə Kamran Qədimalı oğlu (20 oktyabr 1951, Novoivanovka, Gədəbəy rayonu) — Gədəbəy Rayon İcra Hakimiyyətinin başçısı (2005–2012-ci illər).

Kamran Rzazadə
Gədəbəy Rayon İcra Hakimiyyətinin başçısı
11 aprel 2005 – 2012
Əvvəlki	Nazim Veysov
Sonrakı	Ramiz Yediyarov
Şəxsi məlumatlar
Doğum tarixi	20 oktyabr 1951(1951-10-20) (73 yaş)
Doğum yeri	Novoivanovka, Gədəbəy rayonu, Azərbaycan SSR, SSRİ
Partiya	Yeni Azərbaycan Partiyası

20 oktyabr 1951-ci ildə Gədəbəy rayonunun Novoivanovka kəndində anadan olmuşdur. 1959-cu ildə Novoivanovka kənd orta məktəbinin birinci sinfinə daxil olub, 1969-cu ildə adı çəkilən məktəbi bitirmişdir.

1970-ci ildə Sovet Ordusu sıralarına həqiqi hərbi xidmətə çağırılmış, 1972-ci ildə doğulduğu Novoivanovka kəndinə qayıtmış və orada Puşkin adına sovxozda əmək fəaliyyətinə başlamışdır.

1972-ci ildə Şimali Osetiyada Orconikidze (hazırda Vladiqafqaz) şəhərində Qorsk Kənd Təsərrüfatı İnstitutunun Aqronomiya fakültəsinə daxil olmuş, 1978-ci ildə həmin institutu bitirərək, Alim-Aqronom ixtisasına yiyələnmişdir. 1988-ci ildə Bakı Ali partiya məktəbini politoloq ixtisası üzrə,2001-ci ildə isə Ali Diplomatiya Kollecinin hüquq fakültəsini hüquqşünas ixtisası üzrə bitirmişdir.

1978-ci ildə Puşkin adına sovxozda baş iqtisadçı, komsomolçu gənclər briqadasının briqadiri vəzifəsində işləmişdir. 1978-ci ildə Azərbaycan Komsomolunun Mərkəzi Komitəsinə Təşkilat işləri şöbəsinin təlimatçısı vəzifəsinə təyin olunmuşdur. 2 dəfə Sovet KP Ümümittifaq yişincağında Azərbaycan nümayəndəliyinin rəhbəri olmuşdur.1979-cu ilin aprel ayında Gədəbəy rayon Komsomol Komitəsinin birinci katibi vəzifəsinə seçilmişdir. 1981-ci ilin aprel ayında Gədəbəy rayon Xalq Nəzarəti Komitəsinin sədri seçilmişdir.

1987-ci ildə Gədəbəy rayonunun "Krasnı Oktyabr" toxumçuluq sovxozunun direktoru təyin edilmişdir. Göycədən gələn köçkünlərin yerləşdirilməsi və garşılanması qərargahının rəhbəri olmuşdur. 1989-cu ildə Gədəbəy rayon Aqrar Sənaye Birliyinin rəisi təyin edilmişdir. 1990-cı ildə Gədəbəy rayon XDS-nin sədr müavini seçilmişdir. 1991-ci ildə Milli ordunun Özünü müdafiə batalyonlarının yaradılmasında iştirak etmiş və Milli ordu yaradılanadək ilk dəfə Gədədbəy rayon özünümüdafiə komitəsinin sədri olmuşdur. 1993-cü ildə Azərbaycanın ərazi bütövlüyü uğrunda verdiyi mübarizədə ilk dəfə olaraq Azərbaycan ruslarını Moskvaya aparaq informasiya blokadasını yarmış və Baş kəndlə Gədəbəyi Rus qoşunlarının hücümundan qorunmasında müstəsna xidmət göstərmişdir. 1996-cı ildə Gədəbəy rayon Torpaq Şöbəsinin müdiri təyin edilmişdir.

1998-ci ildə Əmək və Əhalinin Sosial Müdafiəsi Nazirliyi nəzdində Dövlət Əmək Müfəttişliyinin Şəmkir bölgəsi üzrə Dövlət Əmək Müfəttişliyinin rəisi təyin edilmişdir.

2000-ci ilin fevral ayından aprel 2005-ci ilə qədər Gədəbəy rayon ƏSMM-nin direktoru vəzifəsində çalışmışdır.

Azərbaycan Respublikası Prezidentinin 11 aprel 2005-ci il tarixli Sərəncamı ilə Gədəbəy Rayon İcra Hakimiyyətinin başçısı təyin edilmiş, 2012-ci ildə Kamran Qədimalı oğlu Rzazadə Gədəbəy rayonu İcra hakimiyyətinin başçısı vəzifəsindən azad edilib.

1993-cü ildən YAP üzvüdür. YAP Gədəbəy rayon təşkilatının yaradıcısı olmuş və 2005-ci ilədək bu təşkilatın sədri olmuşdur. Ailəlidir 3 övladı var.