Nəsimi rayon 5 saylı tam orta məktəb

Bakı şəhəri Nəsimi rayon Samir Hacıyev adına 5 saylı tam orta məktəb — Azərbaycan Respublikasının Bakı şəhərində yerləşən ümumi təhsil müəssisəsi.

Bakı şəhəri Nəsimi rayon Samir Hacıyev adına 5 saylı tam orta məktəb
Beynalxalq adı	Samir Hajiyev full secondary school No. 5, Nasimi district, Baku city
Əvvəlki adı	C.Hacıyev adına Bakı şəhər 5 saylı məktəb
Əsası qoyulub	1 sentyabr 1970 (54 il əvvəl) (1970-09-01)
Direktor	Nərminə Gündüzlü
Şəhər	Bakı Bakı
Ölkə	Azərbaycan
Ünvan	Bakı şəhəri Nəsimi rayonu, Hüseyn Seyidzadə küçəsi 68A
Sayt	bakimektebleri.edu.az/5/

Bakı şəhəri 5 nömrəli orta məktəbin əsası 1 sentyabr 1970-ci ildə qoyulmuşdur. 25 sentyabr 1994-cü il Xalq Deputatları Sovetinin Rəyasət Heyyəti tərəfindən verilmiş qərara əsasən, şəhid Samir Hacıyevin adı Bakı şəhəri 5 nömrəli tam orta məktəbə verilib. Azərbaycan Respublikası Prezidentinin 24 oktyabr 2013-cü il tarixli Sərəncamı ilə təsdiq edilmiş “Azərbaycan Respublikasında təhsilin inkişafı üzrə Dövlət Strategiyası”nda irəli sürülən təhsil müəssisələri şəbəkəsinin rasionallaşdırılması tələbinə uyğun olaraq, Bakı şəhəri 5 və 292 nömrəli tam orta məktəbləri birləşdirilməklə yenidən təşkil edilmiş və onlar müvafiq olaraq 5 nömrəli tam orta məktəb adlandırılmışdır. Məktəbin məzunu olmuş Birinci Qarabağ müharibəsi şəhidi Samir Hacıyevin adını daşıyan, bütün avadanlıqlarla təchiz olunmuş bu məktəbdə 2022-2023-cü tədris ilində 2102 şagird təhsil alır və onların təhsili ilə 135 müəllim məşğul olur. Məktəb “Məktəbin innovasiya fəaliyyəti təhsilin keyfiyyətinin əsas şərtidir! “ devizi altında ibtidai (1-4 siniflər), ümumi-orta (5-9 siniflər) və tam orta ( 10-11 siniflər) təhsil səviyyələrini əhatə etməklə 1 növbəli, 5 günlük iş rejimi ilə fəaliyyət göstərir. Məktəbdə xarici dil kimi şagirdlərə ingilis və rus dilləri və 2-ci sinifdən başlayaraq şahmat fənni tədris olunur. Məktəbdə tədris Azərbaycan və rus dillərində aparılır. Pedoqoji kollektivin 99% ali təhsilli müəllimlərdən ibarət olub, onlar içərisində “Əməkdar müəllim”, “Elmlər namizədi”, “Fəlsəfə doktoru”,”Tərəqqi medalı”na layiq görülmüş, “Qabaqcıl təhsil işçisi”ləri, “İlin ən yaxşı müəllimi” müsabiqələrinin qalibləri yer tutur. Ötən tədris ilində ümumi orta təhsil kursu üzrə şagirdlərin buraxılş imtahanlarının nəticələri də ürəkaçan olmuş və nəticələrə görə Bakı şəhəri üzrə reytinq cədvəlində 68-ci yerdə məskunlaşmışdır. 5 №-li tam orta məktəbdə təhsilin keyfiyyətinin yüksəldilməsi istiqamətində aparılan məqsədyönlü işlərdən biri də fənlərin tədrisi vəziyyətinin müasir tələblərə cavab verən inteqrativ, İKT əsaslı təlim metodlarına uzlaşdırılmasından ibarətdir. 5 №-li tam orta məktəb ötən tədris ilində məktəbin bir çox müəllimləri yuxarıda qeyd olunanları həyata keçirmək üçün Azərbaycan Respublikası Elm və Təhsil Nazirliyi, bir çox beynəlxalq və yerli təşkilatlar tərəfindən təşkil olunmuş treninq və kursların iştirakçıları olmuş və müxtəlif innovativ layihələrlə bağlı sertifikatlara layiq görülmüşlər. Məktəb demokratik prinsiplər əsaslanan, şagirdlərdə liderlik qabiliyyətini inkişaf etdirən “ Uşaq parlamenti”, “Şagird elmi akademiyası” və bir sıra nazirliklər və cəmiyyətlər fəaliyyət göstərir. 5 №-li orta məktəb şagirdlərin şəxsiyyət kimi formalaşmasında mühüm rol oynayan sinifdənxaric və məktəbdənkənar tədbirlərin keçirilməsinə də geniş yer verir. Yüksək peşəkarlıq səviyyəsində keçən bu tədbirlərin nəticəsidir ki, son 3 ildə xeyli sayda ictimai birliklər, fondlar, yerli və beynəlxalq qeyri-hökümət təşkilatları məktəb haqqında müsbət mülahizə və rəylər irəli sürmüşdür. Məktəbin zəngin kitabxanası mövcuddur. Kitabxanın ümumi fondu 51275 ədəddir. Bakı şəhəri Nəsimi rayon Samir Hacıyev adına 5№-li tam orta məktəb şagirdlərin bədii ədəbiyyata marağını artırmaq məqsədilə kitabxananın illik iş planına uyğun olaraq mütəmadi şair və yazıçılarla görüşlər keçirir, şagirdlərin iştirakı ilə səhnələşdirilmiş tamaşalar, kütləvi kitabxanalara ekskursiyalar təşkil edir. Məktəb təhsil sahəsində yeniliklərin reallaşması istiqamətində durmadan çalışır və bu sahədə işini davam etdirir.

1. Nərminə Gündüzlü – Məktəb direktoru
2. Məlahət Hüseynova – Təlim-tərbiyə işləri üzrə direktor müavini
3. Məlahət Kərimova – Təlim-tərbiyə işləri üzrə direktor müavini
4. Zakir İmanov – Təlim-tərbiyə işləri üzrə direktor müavini
5. Zafta Şirinova – Məktəbdənkənar və sinifdənxaric tərbiyə işi üzrə təşkilatçı
6. Sevinc Alıyeva – Uşaq birliyi rəhbəri
7. Kəmalə Məmmədova – Kitabxana müdiri
8. Afət Məmmədova – Kitabxanaçı
9. Günay Gülalova – Psixoloq
10. Günel Göyüşova – Psixoloq
11. Gülmirə Bağırova – Direktorun təsərrüfat işləri üzrə müavini

● Azərbaycan Respublikasının Prezidenti İlham Əliyevin 5 İyul 2010-cu il tarixli 997 saylı sərəncamı ilə Bakı şəhəri Nəsimi rayon Samir Hacıyev adına 5 nömrəli tam otra məktəb 2009-2010-cu tədris ilində keçirilmiş "50 ƏN YAXŞI ÜMUMTƏHSİL MƏKTƏBİ" müsabiqəsinin qalibi olmuşdur.

● Azərbaycan Respublikası Prezidenti təqaüdünə layiq görülən məktəb məzunları:

1. Eldanə Əliyeva - 2012
2. Leyla Ağayeva - 2013
3. Nicat İsmayılov - 2014

● 2 may 2012-ci il tarixdə Şimali Kipr Türk Respublikasının Doğu Akdəniz Üniversiteti ilə Bakı şəhəri Nəsimi rayon Samir Hacıyev adına 5 nömrəli tam orta məktəb arasında əməkdaşlıq haqqında müqavilə imzalanmışdır.

● Pedaqoji heyətin uğurları:

1. Nərminə Gündüzlü – ingilis dili müəllimi, direktor. “Qabaqcıl təhsil işçisi” dir. Azərbaycan Respublikası Prezidenti tərəfindən bir çox fəxri diplomlara layiq görülmüşdür.
2. Gülnarə Abdullayeva – ingilis dili müəllimi, “Qabaqcıl təhsil işçisi” , “Əməkdar müəllim”, “İlin ən yaxşı müəllimi” (2009)
3. Amaliya Mirzəyeva – ingilis dili müəllimi, “Qabaqcıl təhsil işçisi”
4. Fatma Mirzəyeva – ibtidai sinif müəllimi, “İlin ən yaxşı müəllimi” ( 2010)
5. Məlahət Əliyeva – təsviri incəsənət müəllimi, “İlin ən yaxşı müəllimi” (2011-2012)
6. Günel Musəvi – “İlin ən yaxşı müəllimi” (2009-2010)
7. İradə Nuriyeva – azərbaycan dili və ədəbiyyat müəllimi, filologiya üzrə fəlsəfə doktoru
8. Sədaqət Əsədova – azərbaycan dili və ədəbiyyatı müəllimi, filiologiya üzrə fəlsəfə doktoru
9. Süleyman Əkbərov – fiziki tərbiyə müəllimi, Bakı şəhər Gənclər və İdman Baş İdarəsinin fəxri diplomunun mükafatçısı
10. Zöhrə Qarayeva – informatika müəllimi, "Yubiley döş nişanı" mükafatçısı

● Kitab müəllifləri:

1. Nərminə Gündüzlü – “Fəal təlimdə pedoqoji texnologiyaların və interaktiv metodların tətbiqi” metodik tövsiyə, “Vəfalı toppuş” hekayələr toplusu və dərs vəsaiti
2. Güllər Məmmədova – “Fizika, Riyaziyyat və İnformatika tədrisi”, “Keyfiyyətli kadr hazırlığında müəllimin rolu”
3. Fatma Mirzəyeva – “XIX əsr Azərbaycan ədəbiyyatı tarixi”, “İnşa yazılar”, “İbtidai siniflərdə vaxtın hesablanmasının öyrədilməsi”, “Azərbaycan dili və ədəbiyyatın tədrisində yeni metodların tətbiqi”
4. Gülnarə Abdullayeva – ”Müasir interaktiv təlim metod və üsullarının tətbiqi”, “Ümumtəhsil məktəblərinin 5 -9 cu sinif üçün ingilis, fransız və alman dillərindən tədris metodları”
5. Məlahət Əliyeva – "3-cü sinif Təsviri incəsənət dərsliyi (2007-ci il)"
6. Leyla Məmmədova – “Ətraf mühitin qorunması problemləri”
7. Günel Musəvi – "İbtidai siniflər üçün Riyaziyyatdan çətinliyi artırılmış çalışmalar"

● Məktəb şagirdlərinin uğurları:

1. Zəhra Məmmədova – “Özbəkistan-Azərbaycan uşaqlarının gözü ilə” və "Niderland kralının doğum günü" adlı rəsm müsabiqələrinin qalibi
2. Vüqar Manafov – Soçi şəhərində keçirilən dünya məktəblilərinin şahmat çempionatının və Beynəlxalq Gənclər Şahmat Olimpiadasının qalibi
3. Əminə Abdullayeva – "Öz dünyanı boya" adlı rəsm müsabiqəsinin qalibi
4. İsmayıl Allahverdiyev – Azərbaycan Respublikası Mədəniyyət Nazirliyinin III dərəcəli fəxri diplomunun mükafatçısı, Fizika üzrə Respublika Olimpiyadasının qalibi
5. Mədinə Kazımova – Karate üzrə dünya çempionu, Skopyada keçirilən Şokotan Karate üzrə 11-ci Avropa Çempionatının qalibi
6. Ayan Allahverdiyeva – Riqa şəhərində 14 yaşlı qızlar arasında keçirilən Beynəlxalq Avropa Çempionatının qalibi
7. Aylin Bayramova – Azərbaycan İdman Rəqsləri Federasiyasının idman rəqsləri üzrə keçirilən “Let’s dance” turnirində “L-2” qrupunun qalibi
8. Məryəm Qurbanova – Qazaxstan Respublikasının keçirdiyi Avrasiya kubokunda Kata üzrə onlayn yarışın qalibi
9. Mətin Təhməzli – İnformatika üzrə Respublika Olimpiyadasının qalibi
10. Fərid Əliyev – Coğrafiya və Fizika üzrə Respublika Olimpiyadasının qalibi
11. Tural Məmmədli – Fizika üzrə Respublika Olimpiyadasının qalibi
12. Nailə Qasımova – Biologiya üzrə Respublika Olimpiyadasının qalibi
13. Zəhra Səmədzadə – Azərbaycan dili üzrə Respublika Olimpiyadasının qalibi
14. Erkin Əfəndi – Coğrafiya üzrə Respublika Olimpiyadasının qalibi
15. Emin Zamanov – Azərbaycandakı Amerika Səfirliyi tərəfindən təşkil olunmuş "21-ci əsr məktəbini necə təsəvvür edirsən" mövzusunda təqdimatın qalibi

1. Samir Hacıyev – Birinci Qarabağ Müharibəsi şəhidi
2. İbrahim Sadıqlı – İkinci Qarabağ Müharibəsi şəhidi
3. Röyalə Nəcəfova (Röya Ayxan) – Azərbaycan müğənnisi, Azərbaycan Respublikasının xalq artisti

1. https://navigator.az/az/firm/1139
2. https://bakimektebleri.edu.az/5/