Pi Cey Harvi

Pi Cey Harvi (ing. PJ Harvey (Polly Jean Harvey); 9 oktyabr 1969[1][2][…]) — İngiltərə müğənnisi, multi-instrumentalist. "Britaniya imperiyası" ordeni kavaleri, bir "Ayvor Novello" və iki "Merkuri" mükafatı laureatı. O, alternativ rok janrında gördüyü işlərinə görə tanınmaqdadır.

Pi Cey Harvi
ing. PJ Harvey
Ümumi məlumatlar
Ləqəbi PJ Harvey
Doğum tarixi 9 oktyabr 1969(1969-10-09)[1][2][…] (55 yaş)
Musiqiçi məlumatları
Fəaliyyəti müğənni-mahnı yazarı, bəstəkar, musiqiçi, müğənni, gitaraçı, saksofonçu[d], səsyazma sənətçisi[d]
Fəaliyyət illəri 1991-ci ildən
Janrlar rok, alternativ rok, folk-rok[3]
Musiqi alətləri gitara[3], saksofon[3]
Səs tembri soprano
Albom şirkətləri Island Records
Mükafatları "Britaniya imperiyası" ordeni üzvü
pjharvey.net
Vikianbarın loqosu Vikianbarda əlaqəli mediafayllar

"Rolling Stone" onu 1992-ci ildə "İlin ən yaxşı yeni sənətçisi" və 1995-ci ildə isə "İlin sənətçisi" adına layiq görüb. 2001-ci ildə Pi Cey Harvi "Stories from the City, Stories from the Sea" albomuna görə prestijli musiqi mükafatlarından olan "Merkuri"ni qazanıb. O, bu uğuru 2011-ci ildə yayımladığı "Let England Shake" ilə təkrar edib. Sözügedən mükafatı iki dəfə qazanan yeganə sənətçidir.

Həyatı

[redaktə | mənbəni redaktə et]

Polli Cin Harvi 9 oktyabr 1969-cu ildə İngiltərənin Bridport bölgəsində, Yovil (Yeovil) yaxınlığında Rey və Evanın ailəsində ikinci uşaq olaraq doğulub.[4] Özündən üç yaş böyük Sol (Saul) adlı qardaşı var. O, Dorset qraflığındakı kiçik kənd ərazisi olan Korskembedə böyüyüb.[5] Onun atası Somersetdə yerləşən "Ham Hill" adlı daş karxanasında işləyib. Anası heykəltaraş idi. Ata və anası eyni zamanda heyvandarlıqla da məşğul idi.[6] Musiqiyə də maraq göstərirdilər. Onlar musiqi təbliğatçıları idilər, lokal konsertlərin təşkilində rollar var idi.

Harvinin valideynləri "ən yaxşı musiqiçilərin albomlarından təşkil olunmuş vinil kolleksiyasına sahib idilər". Onun valideynlərinin dinlədikləri sənətçilər arasında Howlin' Wolf, Bob Dilan, The Rolling Stones, Pink Floyd, Janis Joplin, Marianne Faithfulln, Peggy Lee, Ella Mae Fitzgerald, John Lee Hooker, Nina Simone və eləcə də Captain Beefheart yer alırdı. Lakin valideynləri musiqi alətlərində ifa etməyi bacarmırdılar. Onun anası xüsusilə Bob Dilana fanatlıq edirdi. Pi Cey onların səsyazmalarını dinləyərək böyüyüb. Onun mahnı yazarlığında Dilanın təsiri özünü göstərir.

Harvi musiqi ilə məşğul olmağa hələ ibtidai sinifdə oxuduğu illərdə meyil edib, ilk çala bildiyi alət flüt olub. Bunu ibtidai sinifdə öyrənmişdi. "Çox tez qavradığını və əlinə götürdüyü hər instrumenti çala bildiyini" deyir. Eyni zamanda on səkkiz yaşına kimi saksofon dərsləri də alıb. Bununla səkkiz ilə yaxın məşğul olub. O, "Boulogne" adlı səkkiz nəfərin üzv olduğu instrumental qrupda saksofon çalıb.[7] Harvinin valideynləri "The Rolling Stones" qrupunun üzvü İan Stüart (1938–1985) ilə dost idilər, onunla lap çoxdan tanış olublar.[8]

Daha sonra akustik gitarasını satan dostundan gitara əldə edir. Gitaranı əlinə götürər-götürməz oxumağa başlayır. "Beaminster School"da musiqi müəllimi, folk musiqiçisi Stiv Naytlinin (Steve Knightley) rəhbərliyi altında gitara dərsləri alır.[9] O, ilk qrupunu orta məktəbdə ikən yaradır. Qrupu "Stoned Weaklings" adlanırdı. Cult, The Cure və B-52 kimi qrupların mahnılarına kaverlər edirdilər. Harvi həmçinin "The Polekats" adlı folk duetinə üzv olmuşdu.

Pi Cey Harvi məktəb illərinin ardınca sənətə olan ehtirasını Yeovil Kollecində vizual sənətlər fakultəsində davam etdirir.

Fəaliyyəti

[redaktə | mənbəni redaktə et]

Automatic Dlamini: 1988–1991

[redaktə | mənbəni redaktə et]

Harvi 1988-ci ilin iyulunda Con Parişin (John Parish) 1983-cü ildə Bristolda yaratdığı musiqi qrupu olan "Automatic Dlamini"yə qoşulur. O, bununla bərabər qrupun ilk albomu olan "The D Is for Drum" çərçivəsində Avrupa turuna çıxır. O, konsertlər zamanı saksofon ilə gitara çalır və eyni zamanda bekvokal edirdi.

1991-ci ilin yanvarında onun bu qrupla işi yekunlaşır. O, öz qrupunu yaratmaq fikrinə düşərək bu qrupu tərk edir. Əvvəlki qrupun keçmiş üzvləri Rob Ellis və Ian Oliver ilə bir araya gələrək öz qrupunu yaradır. Amma heç şübhəsiz ki, Con Pariş onun həyatında qalmağa dəvam edir. O vaxtdan bəri o, Harvinin bir çox işində ona dəstək olub. Onun başqa-başqa səsyazmalarının prodüserliyini edib. Habelə ikisi 1996-cı ildə və 2009-cu ildə kollaborasiya albomu çıxarıblar. Birincisi "Dance Hall At Louse", ikincisi isə "A Woman A Man Walked By" adlanır. Parişin 80-ci illərin sonlarındakı sevgilisi olan fotoqraf Maria Mochnacz da Harvi ilə yaxın dostluq münasibəti qurub. O, Harvinin bir çox albom üzlüyünü dizayn edib. Eyni zamanda da kliplər çəkib.[10]

Diskoqrafiya

[redaktə | mənbəni redaktə et]
border=none Əsas məqalə: PJ Harvey diskoqrafiyası
  • Dry (1992)
  • Rid of Me (1993)
  • To Bring You My Love (1995)
  • Is This Desire? (1998)
  • Stories from the City, Stories from the Sea (2000)
  • Uh Huh Her (2004)
  • White Chalk (2007)
  • Let England Shake (2011)
  • The Hope Six Demolition Project (2016)
  • I Inside the Old Year Dying (2023)

İstinadlar

[redaktə | mənbəni redaktə et]
  1. ↑ 1 2 PJ Harvey // Internet Broadway Database (ing.). 2000.
  2. ↑ 1 2 Weisbard E. M. PJ Harvey // Encyclopædia Britannica (ing.).
  3. ↑ 1 2 3 Montreux Jazz Festival Database.
  4. ↑ Mills, Robin; Harvey, Eva. "Cover Story: Robin Hills Meets Eva Harvey in Corscombe". The Marshwood Vale Magazine. No. June 2010. 2010. səh. 3. İstifadə tarixi: 5 September 2011.[daimi ölü keçid]
  5. ↑ "Biography". pollyharvey.co.uk. 3 March 2016 tarixində orijinalından arxivləşdirilib. İstifadə tarixi: 16 November 2007.
  6. ↑ "PJ Harvey Biography". musicianguide.com. 2024-07-13 tarixində arxivləşdirilib. İstifadə tarixi: 2024-11-30.
  7. ↑ "Beaminster's Polly Harvey up for Brit Award". Dorset Echo (ingilis). 14 January 2005. 1 May 2019 tarixində arxivləşdirilib. İstifadə tarixi: 1 May 2019.
  8. ↑ Thorpe, Vanessa. "PJ Harvey: a singular talent, she dances to her own tune". The Guardian (ingilis). 2 April 2016. ISSN 0261-3077. 7 May 2019 tarixində arxivləşdirilib. İstifadə tarixi: 16 May 2017.
  9. ↑ Trim, Liam. "Christian Bale, Emilia Fox and 45 other famous people who went to school in Dorset". Dorset Live. 29 January 2022. 4 July 2022 tarixində arxivləşdirilib. İstifadə tarixi: 30 November 2024.
  10. ↑ Team, uDiscover. "PJ Harvey". uDiscover Music (ingilis). 2020-04-08. 2024-02-27 tarixində arxivləşdirilib. İstifadə tarixi: 2024-11-30.

Xarici keçidlər

[redaktə | mənbəni redaktə et]