Rauf Cabbarov
Rauf Cabbarov (tam adı: Rauf Əbdülqədir oğlu Cabbarov; d. 8 iyul 1935, Bakı, Azərbaycan SSR, SSRİ — ö. 11 may, 2010, Bakı, Azərbaycan) — Azərbaycan boksçusu və boks məşqçisi. SSRİ idman ustası və Azərbaycan Respublikasının Əməkdar məşqçisi.[2] Onun yetirmələri Rövşən Hüseynov 1993-cü ildə gənclər və böyüklər arasında Avropa çempionu, 1994-cü ildə Dünya Kubokunun qızıl mükafatçısı olmuş, Əli İsmayılov 2 dəfə Avropa və 2 dəfə dünya çempionatı və kuboku yarışlarının bürünc medalını qazanmışdır.[2]
| Rauf Cabbarov | |
|---|---|
| Rauf Əbdülqədir oğlu Cabbarov | |
 | |
| Doğum tarixi | |
| Doğum yeri | Bakı, Azərbaycan SSR, SSRİ |
| Vəfat tarixi | (74 yaşında) |
| Vəfat yeri | Bilgəh, Bakı, Azərbaycan[1] |
| Vəfat səbəbi | Ürək tutması |
| Vətəndaşlığı |
 SSRİ Azərbaycan |
| Uşağı | 2 qız |
| Atası | Əbdülqədir Cabbarov |
| Dini | İslam |
| Fəaliyyəti | Boks məşqçisi |
| Fəaliyyət illəri | 1969-2004 |
| Mükafatları |
 |
Həyatı
[redaktə | mənbəni redaktə et]1935-ci ilin iyulun 8-də Bakı şəhərində anadan olub.[2] İlk olaraq Bakının Vidadi küçəsində, daha sonra Bayıl qəsəbəsinin Qurban Abbasov 34 küçəsində yaşamışdır.[3] Boksla 10 il məşğul olmuş, respublika və ümumitiffaq miqyaslı yarışlarda qalib və mükafatçı kimi fərqlənmişdir.[2] Əmək fəaliyyətinə 1957-ci ildə L. Şmidt adına zavodda çilingər vəzifəsində başlamışdır.[2] 1960-cı ildən lampa zavodunda operator, 1963-cü ildə Taksi-Motor Parkında - yağlayıcı, 1969-cu ildən isə "Dinamo" idman cəmiyyətində və Bakı Uşaq-Gənclər idman məktəbində boks üzrə məşqçi-müəllim kimi fəaliyyət göstərmişdir.[4] Uzun illər Azərbaycan yığma komandasının baş məşqçisi olmuş, onlarla yüksək dərəcəli boksçular hazırlamışdır. Onun yetirmələri Rövşən Hüseynov 1993-cü ildə gənclər və böyüklər arasında Avropa çempionu, 1994-cü ildə Dünya Kubokunun qızıl mükafatçısı olmuş, Əli İsmayılov Avropa və dünya çempionatı və kuboku yarışlarının bürünc medalını qazanmışdır.[2]
2004-cü ildən sonra iki dəfə ürək infarktı keçirən Cabbarovun uzun müddət səhhəti ilə bağlı problemləri olub.[5] 2010-cu il mayın 11-də Zabrat qəsəbəsində dəfn olunub.
Təltif və mükafatları
[redaktə | mənbəni redaktə et]O, SSRİ idman ustası və Azərbaycan Respublikasının Əməkdar məşqçisi idi.[2]
Qalereya
[redaktə | mənbəni redaktə et]-
Rauf Cabbarov -
Rauf Cabbarov gənc yaşlarında -
Rauf Cabbarov -
1974-cü ildə Rauf Cabbarov Bakının Dinamo İdman Cəmiyyətində öz tələbələri ilə
İstinadlar
[redaktə | mənbəni redaktə et]- ↑ "Əməkdar məşqçi vəfat etdi". arxiv.az. İstifadə tarixi: 24 September 2015.[ölü keçid]
- ↑ 1 2 3 4 5 6 7 Azərbaycan Milli Ensiklopediyası. 2004. səh. 100. (#accessdate_missing_url)
- ↑ "BÖYÜK TARİXİ OLAN KİÇİK KÜÇƏ". regionplus.az. 20 February 2018 tarixində arxivləşdirilib. İstifadə tarixi: 24 September 2015.
- ↑ "MİLLİ KOMANDANIN BAŞ MƏŞQÇİSİ VƏFAT ETDİ". supersport.az. İstifadə tarixi: 24 September 2015.
- ↑ "Əməkdar məşqçi vəfat etdi". news.milli.az. news.milli.az. 13 mart 2017 tarixində arxivləşdirilib. İstifadə tarixi: 13 mart 2017.
- ↑ "Milli Olimpiya Komitəsinin III Baş Məclisində MOK prezidenti İlham Əliyevin məruzəsi". azsport.az. azsport.az. Archived from the original on 2022-03-28. İstifadə tarixi: 13 mart 2017.