Salman Qaralar
 | Bu məqalənin ensiklopedik tələblərə cavab vermədiyinə dair şübhələr var. |
Salman Qaralar (Salman Vəli oğlu Balakişiyev; 1 noyabr 1959, Oktyabrkənd, Kəlbəcər rayonu) — Azərbaycan şairi, publisisti, ədəbiyyatşünası. Azərbaycan Yazıçılar Birliyinin (2023) üzvü.
| Salman Qaralar | |
|---|---|
 | |
| Doğum tarixi | 1 noyabr 1959 (65 yaş) |
| Doğum yeri | |
| Uşağı | 3 |
| Təhsili |
|
| Fəaliyyəti | şair, publisist, ədəbiyyatşünas, müəllim, direktor[d], rəhbər, pedaqoq |
| Fəaliyyət illəri | 1974-cü ildən |
| Əsərlərinin dili | Azərbaycan dili |
| Janrlar | məqalə, poeziya, publisistika, tədqiqat |
| Üzvlüyü |
|
| Mükafatları |
  |
 Vikianbarda əlaqəli mediafayllar | |
Həyatı
[redaktə | mənbəni redaktə et]Salman Balakişiyev 1 noyabr 1959-cu ildə Kəlbəcər rayonunun Daşbulaq (Kilsəli) kəndində anadan olmuşdur. 1977-ci ildə orta məktəbi, 1981-ci ildə isə Azərbaycan Dövlət Pedaqoji Universitetinin filologiya fakültəsini bitirmişdir. 1981–1984-cü illərdə Kəlbəcər rayonunun Qanlıkənd kənd, 1984–1988-ci illərdə isə Göygöl rayonunun Nadil kəndində müəllim işləmişdir. 1988–2007-ci illərdə Balçılı kənd 2 nömrəli tam orta məktəbin direktoru olmuşdur. 2007-ci ildən Göygöl RTŞ-nin müdir müavini işləmiş, Regional Təhsil İdarəsi yaradıldıqdan sonra müavin ştatı ləğv edildiyindən baş məsləhətçi kimi fəaliyyət göstərməyə başlamışdır.[1]
1990–2007-ci illərdə Məntəqə Seçki Komissiyasının sədri, 2007–2019-cu illərdə isə MSK-da YAP-ın səlahiyyətli nümayəndəsi, təhkimçi olmuşdur.[2]
1993-cü ilin mart ayından Yeni Azərbaycan Partiyasının üzvü, YAP Göygöl Rayon Təşkilatında Siyasi Şuranın üzvü, YAP Göygöl Rayon Təşkilatı üzrə Təhsil sektorunda ərazi partiya təşkilatının sədridir.[3]
2023-cü ildən Azərbaycan Yazıçılar Birliyinin üzvüdür.
Ailəlidir, üç övladı var.
Yaradıcılığı
[redaktə | mənbəni redaktə et]Salman Qaraların 1974-cü ildə ilk məqaləsi Kəlbəcərdə çıxan "Yenilik" qəzetində çap olunmuşdur. Sonrakı dövrlərdə də müxtəlif mətbuat orqanlarında, o cümlədən "Xalq qəzeti"ndə, "Azərbaycan müəllimi", "Bütöv Azərbaycan" qəzetində tədrisə, ədəbi-bədii hadisələrə, şəxsiyyətlərə aid məqalələri çap olunmuşdur.[4]
AzTV, İTV kimi televiziya, müxtəlif radio kanallarında çıxışları olmuş, şeirləri səsləndirilmişdir. Müxtəlif saytlarda məqalələri dərc olunmuşdur.[5]
Kitabları
[redaktə | mənbəni redaktə et]- "Repressiyaya məruz qalmış sənətkarların həyat və yaradıcılığının öyrədilməsi" (Metodiki tövsiyə), Bakı: 1992
- "Köksüz qayalar", Bakı: 2013
- "Şəhid torpaqlar", Bakı: 2019
- "Adım Ələsgərdi…", Bakı, "Elm və təhsil", 2024, 584 səh.
Məqalələri
[redaktə | mənbəni redaktə et]- Ayrılıqdan doğan ağrılar // V. Bayramov. "Yurd ağrısı", "Araz", Bakı: 2012. səh.62–63
- Aşıq Ələsgərin şeirlərində bəzi söz və ifadələrin düzgün yazılışı haqqında. AMEA Folklor İnstitutu. "Aşıq Ələsgər: sazın sehri və sözün şöhrəti". Beynəlxalq Elmi Konfransın materialları. Bakı şəhəri, 24–25 may 2021. Bakı, Elm və təhsil, 2021. səh. 401–412.
- Heydərbabadan Aveyə // M. Dilbazi Poeziya Məclisi. "Öz içimdən yanan bir ocağam mən". Bakı, "Elm və təhsil", 2022. səh. 196–207
- "Azərbaycan kəlağayısı min illərin yadigarı" "Elm və təhsil". Bakı, 2022. səh. 68–74
Təltifləri
[redaktə | mənbəni redaktə et]Azərbaycan Təhsil Nazirliyi tərəfindən 1999-cu ildə "İlin müəllimi" diplomu, 2001-ci ildə isə "Fəxri Fərman"la təltif olunmuşdur.
Azərbaycan Respublikası Prezidentinin 3 oktyabr 2011-ci il tarixli 1754 nömrəli sərəncamı ilə Azərbaycan təhsilinin inkişafında xidmətlərinə görə "Tərəqqi" medalı ilə təltif olunmuşdur.[6]
2019-cu ildə Təhsil Nazirliyinin 30.09.2019-cu il K-1471 nömrəli əmri ilə "1 dərəcəli Dövlət qulluqçusu" dərəcəsi almışdır.
4 noyabr 2023-cü ildə Azərbaycan ədəbiyyatına, xüsusilə Azərbaycan aşıq sənətinə göstərdiyi yüksək xidmətlərinə görə "Dədə Ələsgər Ocağı" İctimai Birliyinin ən ali mükafatı olan "Aşıq Ələsgər – 200" yubiley medalı ilə təltif edilmişdir.[7]
İstinadlar
[redaktə | mənbəni redaktə et]- ↑ M.Novruzov. Təhsilimizin uca insanları. Bakı. 2001. səh. 64-66.
- ↑ A.Ələkbərova. Milli təhsilimizin inkişafı yolunda. Bakı: Elm və təhsil. 2020. səh. 17-21.
- ↑ "ŞAİR SALMAN QARALAR". goyce.az (az.). 22.09.2023. İstifadə tarixi: 23 sentyabr 2023.
- ↑ Salman Qaraların söz dünyası. Sumqayıt.
- ↑ Nağdəli Keştəkli. Dədə Ələsgərin fəlsəfi dünyası. Bakı: Şərq-Qərb. 2021. səh. 20.
- ↑ "Azərbaycan Respublikasının təhsil işçilərinin təltif edilməsi haqqında Azərbaycan Respublikası Prezidentinin Sərəncamı". president.az (az.). Azərbaycan Prezidentinin Rəsmi internet səhifəsi. 03.10.2011. 18.09.2023 tarixində arxivləşdirilib. İstifadə tarixi: 18.09.2023.
- ↑ "Şair-publisist Salman Qaralar "Aşıq Ələsgər 200" yubiley medalı ilə təltif edilib". dunyaxeber.org (az.). 04.11.2023. 2023-11-07 tarixində arxivləşdirilib. İstifadə tarixi: 07.11.2023.
