прил. кьадар тир кьакьанвал хас тушир, авачир. # ~ итим, ~ руш, ~ кӀвалер, ~ къав, ~ тар, кӀвачерал ~ балкӀан. АскӀан кӀвалерин кьибле патахъ элкъвенвай лацу айвандал гъили расай яцӀу хъархъу кьуларин чарпайдал кьуьзуь Дадаш азарлу яз къатканвай. А. Ф. Бубадин веси. < АскӀан, чупур гадая ам... И. Гь.
* аскӀан авун гл., кьакьанвал авачир гьалдиз гъун. УстӀарди акваз-акваз кӀвалер аскӀан авуна. Р.
* аскӀан кӀвалер сущ. са мертебадин кӀвалер. Эхиримжи вахтара аскӀан кӀвалер эхцигзамач. Р. Синоним: чилин кӀвалер. Антоним: кьакьан кӀвалер.
* аскӀан хьун гл., кьакьанвал авачир гьалдиз атун. - Вучиз аскӀан жезва яшлу жердавай... А. С.