араб, сущ.; -уни, -уна; -ар, -ари, -ара 1) тӀебиатдихъ галаз уьмуьр идара жезвай гьакъикъат. Дугъриданни, виридалайни къуватлуди, виридалайни камаллуди, виридалайни гужлуди, маса къачуз тежедайди, гаф акат тийидайди, инсафсузди, дегишиз тежедайди - ВАХТ я. Р. Гь. Чун чаз килигайла. 2) йикъаралди, варцаралди, сятералди, декьикьайрацди алцумзавай яргъивал. Вахт я чагъдин, КӀани гуьзел яр. Е. Э. Ярдин тариф. Алцурарна ам са юкъуз чарада, тухудай вахтар хьайи кас шедачни? Е. Э. Заз сабур гуз. Рагъ сят 10-далай 12-далди гун хьсан я. Сифте сефер 4 минутдилай гзаф тушиз рагъ гана кӀанда. Яваш- яваш рагъ гудай вахт 30-40 минутдив агакьдалди артухариз жеда. 3. К. ТӀебиат чирун. 3) граммат. глаголдин категорийрикай сад. Хабар гунин наклоненидиз жуьреба-жуьре вахтарин формаяр ава: гилан вахт, къвѐзмай вахт, алатай вахт, фад алатай вахт ва масабур. М. М. Гаджиев. Лезги чӀалан грамматика. Глаголди къалурзавай гьерекат, кар, рахазвай моментдив гекъигайла, пуд вахтуниз талукь жеда: гилан, алатай ва къвезмай, яни а гьерекат гьа рахазвай моментда, я гьадалай вилик, я гьадалай гуьгъуьнай кьиле фин мумкин я. Р. И. Гьайдаров, С. М. Мирзеханов, Гь. Р. Рамалданов. Лезги чӀал. Синонимар: бере, вяде, девир, замана, макъам, чӀав.
* вахт-вахтунда нар. гьар лазим тир чӀавуз. Вахт-вахтунда гъидай ада вилик чай, Мукьвал-мукьвал хабар кьадай зи Кеф-гьал. Ш. Т. Ракьун рехъ.... мажибар вахт-вахтунда агакьзавач лугьуз наразивилер авай. ЛГ, 1999, 1.ӀV. Вахт-вахтунда мажибар ва маса пулар агакь тавуни санлай общество тартибдикай хкудзава. ЛГ, 2000, 1.VӀ. Исятда куьне са лашунив кьве къуьр яна: абуру квез сесерни кӀватӀдайвал хьана, пулни чатни кими тушиз вахт-вахтунда гудайвал. Ф. Б. Филиал.
* парталар хьайи вахт, са вахтара (вахтунда).