араб, сущ.; -уни, -уна; -ар, -ари, -ара 1) са вуч ятӀани, шей. Бес угъриди затӀ тадани, Авай чка чиз хьайила? Е. Э. Вирт квахьайдаз. КӀваляй шумуд затӀ квахьайла, Тухвайдаз инад хьуй, яллагь. Е. Э. Къедекнн пер чуьнуьхайдаз. Ахварайни адан къайда: Чарадан затӀ нен гьавайда. С. С. Фекьийриз. 2) гьакъикъат (тирди). Ажеб хъсан затӀ я мектеб. С. С. Дидедиз. Заз и дуьньяда такур затӀ амач. 3. Р. Веси. 3) вичин асул мана амачиз, вичелай вилик квай гафунин мана артухардай шикилчи гаф. СуракьзатӀ авурла, Гьемзетаз Бедирнисе колхоздин бухгалтер Шамсидин вах тирди чир хьана. Я. Къафаров. Юристдин дафтардай. 4) урус эдебиятдин эсер, произведение.... чна чи басмадин асасдиз куьре нугъат къачунавайди, амай нугъатрал кхьей затӀар - шиирар, гьикаяяр, пьесаяр, романар кьабул тавуна тадач. Гь. Гь. Лезги чӀалан нугъатрикайни гьарфарикай са кьве гаф. Дугъри я, адахъ мана-метлебдин рекьяй усал затӀар ава. А. А. Лезгийрин литература. Михаил Булгакован гафар рикӀел аламани: виридалайни хъсан затӀар кухняда, столдин пипӀел кхьизвайди я. А. Къ. Дагъустан шаиррин уьлкве яз ама.
* са затӀни) туш
* затӀ-матӀ рах., сущ. Суван халкьдин затӀ-матӀ авани? А. А. Пад хьайи рагъ. Бес атана, жибиндин харжияр патал затӀ-матӀ тагайди вуж хьурай?! А. А. Пад хьайи рагъ.
* затӀни тийижиз хьун гл са куьникайни хабар авачиз хьун. Етим Эмин, затӀни течир аял хьиз, Алдатмишиз кӀанзавани ваз, гуьзел? Е. Э. Зав рахамир