|| КУЬН тӀв-эв. 1) нихъ галаз рахазватӀа, гьабур. Рекьирвал я Куьн вад къалай... Е. Э. Фитнекар къарийриз. Куьн кьакъатна хьана рикӀ сал. Е. Э. Къарийриз. Квез авуна Сулеймана Чир хьухь и туьгьмет, судуяр. С. С. Судуяр. Гьакьван рази хьанва чун, Виш манат це квезни къачу. С. С. Кьве кӀвачел къекъведай лам. Кьве хъицикь тваз са бапӀахда, Куьн кар ала квел, фекьияр. С. С. Фекьийириз. Гор галукьзамаз жез начагъ. Жедач квехъ такьат, фекьияр. С. С. Фекьияр. Гьуьрметлу жемят! Куьн гьамиша азаддиз яшамиш хьайи уьзденрин невеяр я. Гь. Къ. Четин бахт. Гьаятарни ацӀанвай зи суьруьдив, Им са вахтни хьанач хьи куь атайди. С. Им са вахтни хьанач хьи куь атайди. Шарвилиди лагьана: Архайин хьухь, дустар, куьн. За жуван шив жагъурна Тамамарда къастар куь. 3. Р., Б. С. Шарвили. 2) жувалай чӀехидахъ галаз рахадайла, гьуьрметдин лишан яз ишлемишдай гаф. Юкьван буйдин зиринг руш рак ачухна, салам гана, колхоздин председателдин вилик акъвазна: - Рагъман халу, куьне заз эвернайни? И. К. Заза.