гл.; лугьуда, лагьана, лугьузва; лагь, лугьун, лугьурай; лугьун тавун, талгьун, хълагьун, лугьун хъийимир || хълагьмир. 1) гафаралди фикир агакьарун. Пуд паб гъунугъ хъсан кар я лагьайтӀа, Течир гъейри кесибдиз хабар жеди. Е. Э. Айшади... лугьудай: "Фу нез башламишдайла, Аллагъ Тааладин тӀвар рикӀел гъваш. Эвел кьиляй бисмиллагь лугьуз рикӀелай алатайтӀа, фу тӀуьна куьтягь хьайила, лагь: "Бисмиллагьи аввалагъу ва ахирагьу" ( эвелдайни эхирдайни Аллагъдин тӀвар рикӀел алаз" ). Диндикай суьгьбетар || "Самур" журн., 1994, N 3. Сада лагьай гаф муькуьдан Физва туьтуьнай... Б. С. Хизан. "рикӀ михьи инсан я, - лагьана абуру чпи чпиз, - Идавай таб ийиз жедач". ГьакӀ язни тир. М. Садикь. Дуст. Вучиз гафни талгьуз меци, Мад гьиссери кӀвалзава? Г. Асланханова. Чаравили вегьена чиг. Са куьмекни гудач, тарцин чӀуру хел атӀутӀ лагьайла, гьамни ийидач, - лугьудай ада. Н. М. Жандар Магьамай. Урусри исятда Ирандихъ галаз дуствалзава, -хълагьна сада. З. Р. Гьажи Давуд. - Валлагь, заз хълагьдай гаф амач... X. Кьасумов. Будуцриз рехъ гайила. Ихтилат мажибдикай фейила, хълагьин. Москвада троллейбусдач кӀвалахзавайданни чи водителрин дуллухдин арада еке фаркь ава. ЛГ, 2003, 13. ХӀ. Милли мектебра дидедин чӀал ва литература чирзавай гьалди гзаф инсанрик къалабулух кутазва: алимри, муаллимри, диде-бубайри чпин фикирар лугьузва, хайи чӀал хуьн истемишзава. ЛГ, 2005, 21. VӀӀ. 2) кӀелун, манийралди тамамарун. Абдула азербайжан чӀалалди Вакьифан, Видадидин, Низамидин, маса чӀехи шаиррин дастанар хуралай лугьудай. Б. С. Халкьдин ашукь, руьгьдин шаир. Руша гьар бенд лагьайла, чӀулав либас алай дишегьлияр, угьуяр акъатиз, мет-кьил гатаз, Шехьзава. Гь. Къ. Магьини дилбер. Тамилади икьван чӀавалди лагьай, гилани лугьузвай са касни тикрарзавач. Адан хатӀ, мани лугьунин тегьер, вич кьиле тухунин къайда, анжах са вичиз хасбур я. М. Ж. Тамила Хидировадин концерт. 3) шагьидвал авун. И дуьшуьшди гзаф крарин патахъай лугьузва. Р. 4) гафар, несигьатар. Лугьунар чна адаз авуна, амма ван хьанач. Р.
* лагь-лугьун(ар ) сущ. кьейи чкада ийидай ишел. Синоним: лугьунар.
* лагь-лугьун(ар) авун гл., ни нихъ-квехъ ишелар авун. Синоним: лугьунар авун.
* лагьана гьа ! межд. са ни ятӀани лагьай гафарал наразивал, а гафарихъ галаз рази туширди къалурдай ибара. - Колхозда багълар гзаф кутурла, за багъ вахкана, ник къачуда Колхоздинни колхозчидин мулкуна са магьсулар хьана виже кьведач. - Лагьана гьа! А. А. Лезгияр.
* лагьанач лугьумир! межд. 'лагьайвал ая, игьтиятлу хьухь' манадин ибара. Анихъай атай табельщик Басарова, гъил хкажна, гьарайна: килиг гьа, лагьанач лугьумир, за куь югъ атӀуда! КӀвалах акъвазармир! З. Э. КУТВ-диз фена. Лагьанач лугьумир гьа! - хьлагьна бадеди. - Муькъвелай фирлани хкверла, мукъаят хьухь. А. Къ. Нехирбанни лекь.
* лугьуз жеч арал, 'ихтилат физвай кӀвалах кьилел атайтӀа' манадин ибара. Айгьана, лугьуз жеч, полици атайтӀа, а мугьманар за инай акъудда. З. Э. КУТВ-диз фена. Синонимар: нагагь, эгер.
* лугьун хьи арал. авур ихтилатдилай алава яз, авур ихтилатдиз къуват яз. Лугьун хьи, чкадин властрин, гьукуматдин ва общественный идарайрин тешкилатрин папгай чаз гъич са манийвални авач. Ш. Шерифалиев. Къабил бубадихъ галаз гуьруьш. Лугьун хьи, кьетӀен къайгъударвилелди музейра икӀ вичин вири тарих хуьзвай кьанажагълу халкьдихъ чӀехи гележегни жеридахъ зун кӀевелай инанмиш я. ЛГ, 2004, 15. VӀӀ.