араб, прил. 1) еке къимет авай. Фагьум тийиз ужуз, масан, Дуллух, къимет гун хьсан туш. С. С. Герек туш. Намусдикай рахаз жеда дагъвияр, Намус патал эцигда чан, лугьуда. Адан рекье экъична гьа ивияр, Намус я чаз гьакьван масан, лугьуда. Ш-Э. М. Намус. Суьгьбет ачух мугьманарин, Ихтилатда ширин-ширин, Иесидиз лугьуз аферин, Къиметар масан, самовар. М. А. Самовар. Зи манияр шад хабар хьиз мугьман жезва рикӀеризни, Вири чӀалар, дидед чӀал хьиз, хизандизни масан я зи. Ас. М. Зи намусни эдеб... 2 ) надир, кьериз-цӀаруз гъалтдай. Шадвилер чаз масан я хьи. Е. Э. Духтурханадай чар. Адалат чаз хьана масан. Е. Э. 1877 - йисан бунтариз. 3 ) куьч. азиз, играми. Гьакимариз хьана хаин Куьре тирвал, масан наиб. Е. Э. Наиб Гьасаназ. - Заз вун зи чандилайни масан я. Вун такурла заз рагъ алай югъ михьиз чӀулав жеда. Зи сагъ беденда гьатда тӀал. Ачух дуьнья жеда сап. РикӀрикӀел элуькьиз жеда къалмакъал. Аман Рамзият, масан Рамзият! З. Э. Рамзият. Синоним: играми. 4) ( чӀехи гьарфуналди -М.) итимдин ва я дишегьлидин хас тӀвар: Масан - а, -а. Кьил акъуддай ксарин ахтармишунрай малум жезвайвал, алай вахтунда юкъван мектебра кӀелзавай рушарин арада ихьтин лезги тӀварар-идионимар дуьшуьш жезва: Лезгият, Лезгина, Масан... Мелей, Ярана, Лазия, Гияра. Хайи идионимар хкязава. "Самур" газ., 2002, 21. VӀ. И лирлияр лагьай рушан тӀвар Масан тир, вични масан. Х. Х. Масан баде. Синонимар: къиметлу, багьа. Антоним: ужуз.