араб, сущ.; -ди, -да; -ар, -ри, -ра 1) экв гузвай затӀунилай къвезвай экуьнин шуькӀуь зул.... гевгьер жибиндай акъудзамаз, и кӀвал экуь хьана, нурдив ацӀана. Ф. Гьуьлуьн руш. Ракъинин нур йигин жезва. А. С. Хцихъ галаз ихтилат. Цав циферикай михьи хьана. Ракьини вичин нурар гьарниз чукӀурна. А. Б. Кьуьгъуьрни къиб. Вуна дакӀар ахъайна - нур аватна. И. Гь. Рубаияр. 2) кьуватлу экв. Килиг, гьикьван гуьзелдиз Нур гьатнава живедин. Ш-Э. М. Кьуьд. Ацукьнавайбур сифтедай хъвайи чехирди ачухарнавай, абурун чина Хъвер, вилера нур ва гьар сада вич и берекатлу суфрадихъ галайбурун къакъуд тежедай хьтин са чӀук яз гьиссзава А. Къ. Нехирбанни лекь. Синонимар: ишигъ, цӀарцӀар, экв. 3) куьч. лап багьади, играми инсан. 4) ( чӀехи гьарфуналди: Н) эркекдин хас тӀвар - Нур а, а.
* нур гун гл., куь 1) къати экв гун. Гаф сивемаз фонарри гьар са патахь нур гана. А. Ал. Экв халу. 2) цӀарцӀар гун. И арада рагъ гьатнавай Селиматан чини акӀ нур гузвай хьи, ам Ахцегьрин яру-цӀару ичиниз ухшар жезвай... З. Э. Арифдиз ишара. Ванна гьамиша нур гуз амукьдайвал, ам вахт-вахтунда са шумуд стӀал нашатырный спирт квай къаришмадай жезмай кьван векъи пекиналди михьда. Хийирлу меслятар || ЛГ, 2000, 20.1 V. 3) гуьрчегдиз хьун. И тариф за ваз лугьуда, къаш-къаматди нур гуда. Е. Э. Ви рутба гьуьндуьр авурай. Акъудайла багълари цуьк, Акъвазда нур гуз Ахцегьар. Х. Т. Ахцегьар. Дишегьли, кӀвале столдал алай электрикдин лампа хьиз, нур гуз хьана кӀанда. З. Э. Арифдиз ишара. Синоним: цӀарцӀар гун.