сущ.; -ди, -да; -ар, -ри, -ра вилеринни пелен арада авай чӀарарин цӀар. Гьуьсейнован чин... гьвеч'ш ва хци вилер, яргъи рацӀамрин кӀаникай атӀумна, килигзавай. А. А. Умуд. Ам, гагь гъил юзуриз, гагь кьил галтадиз, гагь вичин чубарукдин лувар хьтин рацӀамар хкажиз, еке чӀулав вилери цӀарцар гуз, рахазвай. З. Э. Муькъвел гелер. Рехи рцӀамрикай туьхвенвай вилери са легьзеда нур гана ва абурал мад циф ахкьалтна. М. Гь. Им къван, имни терез. Са йикъапа ви рцӀамдин къекъуьнди Ирид кьушун акӀадардай, къехуьнди Ахварикай магьрумдай сагъ шегьерар, Амма гила?.. Ийизва гьа хъуьруьн ни? И. Гь. Рубаияр. – Гьа-ан, гъавурда акьуна! - гьалчӀай рц ) амрикай килигзавай урукулар хьтин вилер рахазвайдан чиниз сухзава кьуьзуьда. Б. Гь. "ТӀварун стхаяр. Адан пелен юкь гьасятда агаж хьана. Рехи рацамар тик акъвазна, винеллай пӀузни винелди хъифена, сивни ахъа хъхьайла, сиве амай кьве сас кьадарсуз экъис хьанай. М. В. Гьарасатдин майдандал. ☼ 1955 - словарда рцӀам кхьин дуьз яз гьисабзавай ( кил. М. М. Гь. Лезги чӀалан орфографиядин словарь. Махачкала, 1055, ч. 113). Аквадай гьаларай, кхьинра и гаф кьве жуьреда гьалтун 1964 - йисалай орфографиядин словарра рацӀам кьабулун хьана.