араб, сущ.; -ди, -да; -ар, -ри, -ра 1) жуван патай масадаз хъсанвилер квай гьисс. И гафар ван хьайила, пачагьдиз регьим атана, вич адалатлу пачагь тирди къалурун патал ада етим гада рекьиз тунач. Ф. Акьул ва бахт. Мейит кучуддайла, вирибурун рикӀера регьим гьатда. З. Р. Веси. - Я сад Аллагь, шукур хьуй ви чӀехивилиз. Вуч гаф ава ви регьимди гайивилиз. И. Гь. 2) ( чӀехи гьарфуналди - Р) эркекдин хас тӀвар: Регьим. ... чакай сад фена эвел округдин неченик Чахчабег, къази Регьим ва Нежефбег акурдалай Кьулухъ, Дербендиз чӀехи генерал Деникинан патавни фин. Ж. Эфендиев. Азадвилин рекье. Синонимар: мергьемат, хъсанвал. шафакъат.
* регьим авун гл., ни низ хъсанвал квай кар авун. Ви бубадин хесет ваз залайни хъсан чизвайди я. Хъел акатайла, ам баладизни регьим ийидай кас туш гьа! З. Р. Гьажи Давуд.