сущ.; -веди, -веда; -вер, -вери, -вера са вуч ятӀани кайила, адакай жезвай порошок хьтин затӀ. Къула авай руьхъвер инихъ-анихъ авуна, са легъв туькӀуьрда. Ф. Тапан кьин кьур жанавур. Дашмиш ая кӀулаваз Фитерни руьхъ бустандиз Ш. Къ. Перт кьуьзуьбур, ТӀанурда ви фу, руьхъверик танурдин ЦикӀен жеда хъуьтуьн яргъи йифериз. И. Гь. Рубаияр. ПапӀрусдин руьхъ жезвай кӀвенквелай аста-аста гумадин хтарар къарагъзава. М. В. Гьарасатдин майдандал. Нажмудинахъ кӀвалени хейлин къайгъуяр авай. Ада кӀарасар хадай, харадиз ядай, кӀвализ хкидай, пичера цӀай хъийидай, руьхъ акъудай. ЛГ, 2002, 15. V. * вилериз руьхъ кӀвахун. чина рехъведин ранг хьун
* руьхъведин кӀунтӀар кьаз ахъаюн гл., ни кьилиз акъат тийидай кӀвалахрикай фикирар авун. Ахпа кӀвализ хтана ада гена руьхъведин кӀунтӀар кьаз ахъайна. З. Э. Муькъвел гелер. Ам эхир, нянрихъ мичӀи жедайла. багъдиз хтана. Къулан патав ацукьна, ада руьхъведин кӀунтӀар кьаз ахъайзавай. Амма абурал сакӀани кӀукӀ жезвачир. З. Э. КУТВ-диз фена.