араб:
* терг авун гл 1) тахьай гьалдиз гъун. Динни иман яр паталди терг авур Салгьан я зун къе... Е. Э. Хьана. Халисат терг ийидай план туькӀуьрна. З. Э Муькъвел гелер. 2) куьч. тун, кьулухъ авун. Айиб ая, ви гьуьрмет за хайитӀа, Вун терг уна маса касдиз фейитӀа... Е. Э. Серминазахъ галаз суьгьбет. Синонимар: гьич авун, пуч авун.
* терг хьун гл., вуж-вуч са вуч ятӀани авачир, тахьай гьалдиз гъун. Гьа икӀ, акваз-акваз, хайи чӀалар терг жезва, X. Шайдабегова. Дидед чӀал чируниз артух фикир. Халкь терг тахьана амукьун патал, Герек я рахун чун лезги чалал... О. Гьуьсейнов. ЧӀал хуьх, лезгияр, Чил хуьх, лезгияр!... гимияр ремонтдай база герек тадаракралди таъминардай къурулушар терг жезвай... ЛГ, 2003, 27. XӀ. Синоним: пуч хьун.