гл.; -ухуда, -ухвана; -вах, -ухурай, -ухун, -ухумир; тухун тавун, тухун тахвун, тухун хъийимир 1) са вуж-вуч ятӀани са чкадай маса чкадиз гваз ва я галаз фин. Къуьл тухуз вердиш хьайи кьиф... Е. Э. Нехирбан. Къуьл тухвайди сад хьайла, Гьейридилай шикаят мийир... Е. Э. Дуст Ягьиядиз. \[Рукъужат\] - Элдер стха! Твах жуван вах женотделдиз. Гь. Гь. Адетдин къармахра. 2) ни вуж дишегьли паб яз къачун. - Гада, лагь кван, вуна зун низ тухузва, ваз тухузвани, масадаз? - Вун заз тухузвайтӀа, зун икьван пашман жедайни? За вун масадаз тухузва, -лагьана гадади. Ф. Гьуьлуьн руш. Четин тушни, вун тухвайтӀа чарада. Е. Э. Аман яр. За абурун хъиляй и гьамамрал парталар чуьхуьз кӀвалахзавай Седеф лугьудай паб хкана кӀвализ. Садани тухун тавуна амай са дишегьли тир. М. Б. Туьквезбан къе вахчузвалда Небидиз,. Ам Эминан стхадиз къе тухузва. М. Б. Эминан сурал. 3) ни вуч чуьнуьхун. Кимерал са ни ятӀани хипер чуьнуьхна лагьайла, и чубанри ва хузаинди, "жер кар туш, бес дуьз угъри ятӀа, чи хипер тухурайтӀу" лугьуз фурсар ийиз хьана. Э. Бабиров. Йифен чинерар. 4) са вуч ятӀани (собрание, конференция, вечер; къанал, рехъ) арадиз гъун. Чаз са ктабдай читателрин конференция тухуз кӀанзава. Заз тухудай къайда чидач. Гила зун хъифена, тади ква. А. А. Умуд. Багъдин юкьвай атана тухвана къанал. Ш-Э. М. Пишкеш. Къанавар тухвана кӀанда. З. Э. Муькъвел гелер. Къанал тухуз, тесниф ийиз дастанар, Инкъилабдин даяхар я инсанар. И. Гь. Инкъилабдин даяхар. 5) ни вуж сад масадал гьуьжетда ва я къугъуна гъалиб хьун. Имуч-муча къугъуна ада зун тухвана. Р.
* вил рекьи тухун, жува жув тухун, зегьле тухун, гафаралди тухун, кицӀ вацӀу тухудач, яб тухун.