туьрк, прил сад хьтин лишанар, хесетар квай. Гьуьруьдиз ухшар я Зуьгьре. Е. Э. Суна за ваз лугьун са чӀал. - ЯтӀа, зи фарфалаг, и муаллимдин хьтин шляпӀани гъваш, галстукни, гьадандаз ухшар мичӀи пенжекни. Т. А. Мехъер куьтягь тахьанмаз. Инаг гурцӀулдиз акур ятахризни къазмайриз ухшар чка тушир. А. Исм. Эхиримжи къув. Синоним: ухшамиш. Антоним: ухшарсуз.
* ухшар(ар) атун гл., низ никай-квекай нин-куьн сад хьтин лишанар, хесетар кваз акун. - Ухшар атанай эхир заз. Савзихан тушни? - Абасан чин акваз-акваз ачух хьана. М. В. Гьарасатдин майдандалл. Сад- кьведаз цифедин кӀунтӀарай жанавуррин ухшарарни атана. А. Фет. Кьерен къванер.
* ухшар кваз (кумаз) хьун гл., ник-квек нин-куьн сад хьтин лишанар, хесетар аваз хьун (давам жезваз хьун). Ингье гьаят. Атай-фейидан балкӀанар кутӀундай уьнуьг галай шалмандилай башкъа ина куьгьне са куьникни вичин сифтегьан ухшар кумачир. М. Гь. Им къван, имни терез. Ада, \[курцӀулди. -А. Г.\] кицӀихъай ни чӀугваз, вичин дидедин ухшарар кватӀа, ахтармишиз эгечӀна. А. Исм. Эхиримжи къув.
* ухшар хьун гл., вуж-вуч низ-квез сад хьтин лишанар, хесетар кваз хьун. Надир-шагьдин кьушун магълуб яз катзавай кьушундиз ухшар хьанвай. З. Р. Гьажи Давуд. Ихьтин чӀавариз Чигалидинбурун гьаят концерт къалурзавай чкадиз ухшар жедай. Б. Гь. Заз эвера. Чи къифле аскеррин низамлу дестедиз ухшар тушир. А. Къ. Аскервал башламишай югъ. Синонимар: ухшамиш хьун, ухшар хьун, ухшардиз атун.
* ухшардиз атун гл., вуж-вуч низ-квез сад хьтин лишанар, хесетар квай гьалдиз атун. Абур Насрулагьаз мукьва жезва: гагь гьайванрин, гагь чан алачир рагарин ухшардиз къвезвай эйбежер затӀар. А. Исм. Алукьдай ахвар. Синонимар: ухшамиш хьун, ухшар хьун.