прил. михьи тушир, тамамдиз михьи тавунвай, маса затӀар акахьнавай. Ужуз харчи кьуьл къачудалди, багьаз михьи къуьл къачун хийирлу я. Р.
* харчи авун гл., ни вуч 1) михьи гьалда авайди михьи тушир гьалдиз гъун. Къуьлуьк мух акадарна, къуьл харчи авун. Р.
* харчи гаф сущ. яб акалзавайдан хатурда акьадай, ахлакьсуз гаф, ихтилат. Адан сивик пад квачирди заз чидай ва ада гьеле гьа квачир пад ишлемиш тавунмаз за жаваб гун лазим тир, тахьайтӀа са харчи гаф акъатун мумкин я. А. Къ. Нехирбанни лекь.
* харчи гъуьр сущ. къуьлуьнни мухан гъуьр акахьнавайди.
* харчи сив сущ. экъуьгъунар ийидай, чиркин гафаралди рахадайди.
* харчи хьун гл., вуч михьи тушир гьалдиз атун. Дагъларин сагьибдини «Эгер дарманар вегьейтӀа, яйлахар михьиз харчи хьана чӀур жеда» лугьуз кичӀерар гузва. Б. Гь. Заз эвера. Гагь хуьре, гагь уьлкведа физвай вакъиайриз жаваб яз шиирар туькӀуьриз, гагь газетдин, гагь идарадин тавакъу кьилиз акъудиз майдин, аскердин, дишегьлийрин, жегьилрин, атлуйрин межлисриз тебрикдин чӀалар туькӀуьриз, 30 - йисара адан шиирар харчи хьана. Им гьакъикъат я. А. А. Арифдар Сулейман.