сущ.; -и || -еди, -е.-еда; -ер, -ери, -ера тӀуьн патал некӀедикай, са бязи набататрикай хкуддай, це цӀран тийидай затӀ. ... ана неинки сар твадай, чӀемер хкуддай, гьакӀ багъларинни бахчайрин емишар кӀватӀ хъийидай, мурабаяр, чехирар гьазурдай майишатарни жеда. Гь. М. Им къван, имни терез. Вири жагъана: як аламай кӀарабни, чӀемин тӀям галай фан кӀусни... Руфун тух яз хъфена зун, гьа жуваз гьатай будкадин кӀаник архайиндиз ксана. А. Исм. Эхиримжи къув. Ада гьа куруниз цӀурурнавай чими чӀем ичӀирдай, чӀемедик кап ганвай баят фу какадардай. З. Р. Зи уьмуьрдин шикилар. БалкӀандин кьулухъ кӀвач гъуруш хьанвай накьвадай, чӀемедай хьиз фена, шахарин кьелечӀ чкадал ацалтайди агьухъди сух хьана... А. Къ. Нехирбанни лекь. - Синонимар: дуьдгъвер, гъери, ягълу,
* чӀемеда ава [гьатнава] зараф., гьал. гьал-агьвалат хъсанзава' манадин ибара. Ви рикӀелай алатнани, за ви хзандиз, мукьвабуруз авур кьван хъсанвилер? Вири гила чӀемеда гьатнава. Белки абур ви бубади авурди ятӀа? И. Н. Гьакимрин папар.
* чӀемни фу хьиз нар. сад-садав кьуна. Чун кьвед санал чӀемни фу хьиз яшамиш жгзва.... Б. С. Хизан.