урус, лит., сущ.; -ди. -да; -ар, -ри, -ра литературадин эсерда таъсирлувал гужлу хьун патал са затӀунин тӀварцӀихъ гилигдай определение-гаф. Эпитет прилагательнидалди, существительнидалди, наречидалди ва деепричастидалди лугьуда. Прилагательнийралди ва талукьвилин падежда существительнийралди лагьанвай эпитетри затӀунин лишанар къалурда, абурун характеристика гуда; наречийралдини деепричастийралди лагьанвай эпитетри глаголдин метлеб ачухарда, адак эсерлувал кутада. Н. А. Литературадин хрестоматия.