фарс, прил.; 1) сад хьтин. Вун са камил муршид я хьи, Гьич са кас жеч вав барабар. Е. Э. Мубарак Исмаил. Чи кьведацни рикӀ дуьз барабар ятӀа, Вун атана зи патавди къваз, гуьзел. Е. Э. Гуьзел; КӀватӀайтӀа гьайванар вири Адав барабар авайд туш. С. С. Чи чӀехи алим Гьажибег Гьажибегова лагьай гафар зи рикӀел хквезва: "Лезгийрин поэзияда лирикадин эсерар яратмишнавай Эминав барабар кас авач...". М. М. Лезгинкадал къарагъарна дуьнья. Дуьньядив барабар арифдар ва камаллу кас тир Давуд фронтдин цӀаяра телеф хьана, К. К. Зун гьеле сагъ я. 2) дуьз. Дустуниз дуст масад авун мегер барабар жедани? Е. Э. Гъазанфераз... 3) са ери авай. # ~ ихтиярар. Лезгийри лугьузва: чунни халкь я, чазни, вирибуруз хьиз, барабар ихтиярар це! 3. Р. Веси.
* барабар хьун гл. барабар тир лишан хас атун. Чун вири барабар я. Р.