1. Düşüncəsi olan, ağıllı, şüurlu, anlaqlı, qanacaqlı, dərrakəli, mərifətli, fərasətli. Düşüncəli uşaq.
– …Sizin Qətibə ilə olan rəftarınız düşüncəli bir hökmdarın rəftarı deyildi.
Alnı düşüncəli, qolları sarqıq, Yetim baxışlarla boynunu burmuş.
// Zərf mənasında.
Maral bülbül nəğmələrini dinləyərək məhzun və düşüncəli bir halda … gedir.
Tahirin bu cür düşüncəli və ciddi danışmağı Lətifəni sevindirdi.
2. Düşünmə nəticəsində fikrə dalmış, fikirli, qayğılı.
[Mirzə Əliməmməd:] Otur, – dedi və qələmi qələmdana qoyaraq Səfəri düşüncəli nəzərlə süzdü.
Düşüncəli gözlərində bir təbəssüm duyuram mən; Bəllidir ki, bir müjdədir o, gələcək nəsillərdən.
Nərgiz bu gün sakit və düşüncəli idi.