DÜZQANADLILAR

Düzqanadlılar (lat. Orthoptera) — heyvanlar aləminin buğumayaqlılar tipinin həşəratlar sinfinə aid heyvan dəstəsi. == Xarici quruluşu == Tam çevrilməyən cücülər arasında düzqanadlıların xüsusi yeri var. Bunlar çox iri və ya orta ölçülü olurlar. Başı sallanan və ya hətta çarpaz alınlı olub, az hallarda irəli yönəlmişdir, proqnatikdir. Ağız orqanları gəmiricidir. Gözləri iri, adətən ovaldır, üç gözcüyü olur. Bığcıqları uzanmış, əksər hallarda sapşəkilli və ya qılşəkilli, eləcə də qılıncşəkilli və ya sancaqşəkilli, nadir hallarda başqa formada olur. Bəzən gödək, 10-30 buğumlu, bəzi hallarda bədəndən uzun və ya bir qədər qısa olur (şalakimilər, sisəykimilər). Döşü iridir, orta və arxadöş kip birləşmişdir.

Qısabığcıqlı düzqanadlılar (lat. Caelifera) — düzqanadlılar dəstəsinə aid heyvan yarımdəstəsi. Qısabığcıqlı düzqanadlılarda eşitmə orqanı qarıncığın birinci buğumunda yerləşir. Yumurtalar torpağa xüsusi küpələrdə qoyulur. Küpələrin ətrafına köpüklü ifrazatdan divarlar qurur.