Fibromialgiya
Fibromialgiya (lat.fibro- fibroz toxuma, Yun. myo-əzələ , Yun. algos- ağrı) - xüsusi ilə kürək , boyun , bazu və qalça nahiyyəsində yayılmış sümük-oynaq ağrısı , yorğunluq ilə büruzə verən xəstəlikdir.Hər yaşda və hər iki cinsdə müşahidə edilməklə bərabər, daha çox qadınlarda , 30-60 yaş arasında görülür.
== Təsnifatı ==
Xəstəliklərin Beynəlxalq Təsnifatının 10-cu baxışında fibromialgiya "skelet-əzələ və birləşdirici toxuma xəstəlikləri" altında gedir və qeyd olunur ki ,fibromialgiya sindromu funksional somatik sindrom kimi baxılmalıdır.
== Etiologiyası ==
Dəqiq səbəbi bilinməməklə bərabər, güman edilir ki fibromialgiyanın inkişafında psixoloji, genetik,neyrobioloji ve ekoloji faktorların rolu vardır.
== Əlamət və simptomları ==
3 aydan çox davam edən yayılmış bədən ağrısı.Ağrı əsas əlamət olub ,ən çox boyun, bel , qol və ayaqlarda , döş qəfəsində müşahidə olunur. Ağrı stress, pis yuxu , soyuq və nəm hava şəraitində arta bilir.
Yuxu pozulması, dincəlmək-rahatlıq hissi yaratmayan yuxu
Səhər saatlarında yorğunluq
Koqnitiv disfunksiya , o cümlədən diqqət toplamada çətinlik, qısa və uzunmüddətli yaddaşda problemlər
Həyəcan və depressiya
Baş ağrıları
Qollar, ayaqlar və üzdə uyuşma
Sidik kisəsi və bağırsaq funksiyasının funksional pozulması
== Müalicə ==
Dərman maddəsi olaraq antidepressantlar, qıcolma əleyhinə dərmanlar ,ağrıkəsicilər istifadə olunur.Qeyri -dərman müalicəsinə fizioterapiya,müalicəvi bədən tərbiyəsi , psixoterapiya istifadə olunur.