İnqilab Nadirov

Bu məqalədəki məlumatların yoxlanıla bilməsi üçün əlavə mənbələrə ehtiyac var. Lütfən, məqaləyə etibarlı mənbələr əlavə edərək onu təkmilləşdirməyə kömək edin. Mənbəsiz məzmun problemlər yarada və silinə bilər. Problemlər həll edilməmiş şablonu məqalədən çıxarmayın. Daha ətraflı məlumat və ya məqalədəki problemlərlə bağlı müzakirə aparmaq üçün məqalənin müzakirə səhifəsinə diqqət yetirə bilərsiniz.

İnqilab Ədil oğlu Nadirov (Nadirli) (25 aprel 1940, Hüsülü, Ağcabədi rayonu – 16 dekabr 2023) — şair, dramaturq, publisist, Azərbaycan SSR Ali Sovetinin üç çağırış (1980–1991) deputatı, Azərbaycan Milli Məclisinin üzvü (1991–1995),^[1] Binəqədi Rayon İcra Hakimiyyətinin başcısı (1994–1999), iqtisad elmləri namizədi, ekoloji elmlər üzrə fəlsəfə doktoru, professor.

İnqilab Nadirov
Binəqədi Rayon İcra Hakimiyyətinin başçısı
15 may 1994 – 27 avqust 1999
Azərbaycan Kommunist Partiyası Kəlbəcər Rayon Partiya Komitəsinin birinci katibi
16 avqust 1976 – 1988
Şəxsi məlumatlar
Doğum tarixi	25 aprel 1940(1940-04-25)
Doğum yeri	Hüsülü, Ağcabədi rayonu, Azərbaycan SSR, SSRİ
Vəfat tarixi	16 dekabr 2023(2023-12-16) (83 yaşında)
Partiya	Sovet İttifaqı Kommunist Partiyası (1965–1991)
Təhsili	Gəncə Dövlət Pedaqoji İnstitutu (1956–1961)
Fəaliyyəti	siyasətçi
Təltifləri

İnqilab Nadirov 25 aprel 1940-cı il Azərbaycan Respublikası Ağcabədi rayonunun Hüsülü kəndində anadan olmuş və 1 sentyabr 1946-cı il Hüsülü kənd məktəbinin birinci sinfinə daxil olmuşdur. 1 sentyabr 1956-cı il tarixdə H. Zərdabi adına Kirovabad Dövlət Pedaqoji İnstitutunun fizika-riyaziyyat fakültəsinə qəbul olmuş və 1961-ci ildə həmin fakültəni müvəffəqiyyətlə bitirmişdir.

1962–1964-cü illərdə Sovet Ordusu sıralarında xidmət etmişdir.

1970–1976-cı illərdə Ağcabədi Rayon Partiya Komitəsinin ikinci katibi, Ali Partiya məktəbinin müəllimi olmuşdur.

1976-cı ildən Kəlbəcər Rayon Partiya Komitəsinin birinci katibi olmuşdur.

1988-ci ildə Bakı şəhəri Oktyabr Rayon Xalq Deputatları Soveti İcraiyyə Komitəsinin sədr müavini işləmişdir. 1989–1990-cı illərdə Azərbaycan Respublikası Mətbuat Komitəsinin Kitabxana kollektorunun direktoru işləmişdir.

Azərbaycan SSR Ali Sovetinin üç çağırış (1980–1991) deputatı seçilmişdir.

1991–1995-ci illərdə Azərbaycan Respublikası Milli Məclisinin üzvü olmuşdur.

1994–1999-cu illərdə Bakı şəhəri Binəqədi Rayon İcra Hakimiyyətinin başçısı vəzifəsində işləmişdir.