İsmayıl Zülfüqarlı

İsmayıl Zülfüqarlı (16 aprel 2001, Gərənə, Bərdə rayonu) — Azərbaycan Premyer Liqası təmsilçilərindən olan Neftçi PFK klubunda yarımmüdafiəçi kimi çıxış edən peşəkar Azərbaycanlı futbolçudur.

İsmayıl Zülfüqarlı
Ümumi məlumatlar
Tam adı	İsmayıl Ömər oğlu Zülfüqarlı
Doğum tarixi	16 aprel 2001 (23 yaş)
Doğum yeri	Bərdə, Azərbaycan
Vətəndaşlığı	Azərbaycan
Boyu	171
Çəkisi	67 kq
Mövqeyi	Yarımmüdafiəçi
Klub haqqında məlumat
Klub	Neftçi Bakı
Nömrəsi	21
Karyerası
Gənclik karyerası 2011—2016 Neftçi Bakı Klub karyerası[* 1] 2018—2019 Neftçi-2 28 (3) 2019—h.h Neftçi Bakı 27 (2) Milli yığma[* 2] 2015—2016 Azərbaycan U-17 2 (1) 2017—h.h Azərbaycan U-19 3 (0)
↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı, 11 may 2022 tarixində redaktə olunub. ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı, 21 iyun 2020 tarixində redaktə olunub.
Vikianbarda əlaqəli mediafayllar

16 aprel 2001-ci ildə Bərdə rayonunun Gərənə kəndində anadan olub. 2018-ci ildən etibarən Azərbaycan Dövlət Bədən Tərbiyəsi və İdman Akademiyasının məşqçi-futbol ixtisası üzrə tələbəsidir.

"Neftçi" Futbol Akademiyasının yetirməsidir. 11 yaşından akademiyanın üzvüdür. U-11 yaş qrupundan başlayaraq, bütün yaş qrupları üzrə komandalarda, daha sonra əvəzedici heyətdə çıxış edib. 2019-cu ilin iyun ayında əsas heyətə keçib. Klubla 2023/2024-cü il mövsümünün sonuna kimi müqavilə imzalayıb.^[1][2]

21 iyun 2020 tarixində yenilənib

Klub	Mövsüm	Liqa			Ölkə Kuboku		Kontinental1		Digər2		Ümumi
		Diviziya	Oyun	Qol	Oyun	Qol	Oyun	Qol	Oyun	Qol	Oyun	Qol
Neftçi PFK	2018–19	Birinci Divizion	22	2	0	0	0	0	0	0	22	2
Neftçi PFK	2019–20	Birinci Divizion	6	1	0	0	0	0	0	0	6	1
Neftçi PFK	2019–20	Premyer Liqa	3	0	0	0	0	0	0	0	3	0
Neftçi PFK	2019–20	UEFA Avropa Liqası 2019/2020	2	1	0	0	0	0	0	0	2	1
Ümumi karyera			33	4	0	0	0	0	0	0	33	4

¹UEFA Avropa Liqası görüşləri daxildir.

²Azərbaycan Superkuboku görüşləri daxildir.

Avropa Liqası I təsnifat mərhələsində "Neftçi" komandasının Moldova təmsilçisi "Sperantsa"ya qarşı keçirdiyi hər iki qarşılaşmada iştirak edib. 18 iyul 2019-cu ildə Bakıda keçirilmiş və 6:0 hesabı ilə Azərbaycan təmsilçinin xeyrinə başa çatmış cavab qarşılaşmasının 78-ci dəqiqəsində bakılıların 6-cı qolunu vuraraq, Avrokuboklarda ilk qolunu vurmaqla yanaşı, Azərbaycan futbolunun tarixində Avrokuboklarda qol vurmuş ən gənc (18 yaş) futbolçusu olaraq tarixə düşüb.^[3]

Azərbaycan milli komandaları
Milli	Oyun	Qol
U-17	2	1
U-19	3	0
Ümumi	5	1

2017-ci ildə U-17 millisinə dəvət alan İsmayıl 5 yoldaşlıq görüşündə qüvvəsini sınayıb. Bunlar Gürcüstanla 2 qarşılaşma, habelə BƏƏ, Sudan və Makedoniya ilə görüşlər olub. Gənc futbolçu o cümlədən, U-17 Avropa çempionatı seçmə mərhələsində Bolqarıstan və Ukrayna yığmalarına qarşı görüşlərdə iştirak edib.

2019-cu ildə U-19 millisinin heyətinə cəlb olunaraq İspaniya və Belarus millilərinə qarşı yoldaşlıq görüşündə meydanda olub.

Neftçi

• Azərbaycan Premyer Liqası
  • Gümüş (1): 2019–20
• Azərbaycan Birinci Liqası
  • Bürünc (1): 2018–19

• UEFA Avropa Liqası 2019/20 mövsümündə turnirin I təsnifat mərhələsi çərçivəsində "Neftçi" — "Sperantsa" oyununda qol vurmaqla, 18 yaşlı Zülfüqarlı, avrokuboklar tarixində ən gənc qol vuran azərbaycanlı futbolçu kimi tarixə düşüb.^[4]

• Neftchi Baku profile Arxivləşdirilib 2020-11-29 at the Wayback Machine at PFL
• AFFA U-19 İsmayıl Zülfüqarlı
• İ.Zülfüqarlı on Soccerway