Əli Rəhimov

Əli Rəhimov
Əli Rəhimov
	Əli Fətulla oğlu Rəhimov
Şəxsi məlumatlar
Doğum tarixi	1 iyun 1995
Doğum yeri	Köçəkli, Masallı rayonu, Azərbaycan;
Vəfat tarixi	1 avqust 2014 (19 yaşında)
Vəfat yeri	Azərbaycan;
Dəfn yeri	Köçəkli;
Vətəndaşlığı	Azərbaycan;
Hərbi fəaliyyəti
Təltifləri

Əli Fətulla oğlu Rəhimov (1 iyun 1995, Köçəkli, Masallı rayonu – 1 avqust 2014, Azərbaycan) — Azərbaycan Silahlı Qüvvələrinin əsgəri. 2014-cü ilin 1–3 avqust tarixləri arasında Azərbaycan-Ermənistan təmas xəttində baş verən döyüşlər zamanı şəhid olub, ölümündən sonra "Hərbi xidmətdə fərqlənməyə görə" III dərəcəli medalı ilə təltif edilib.

Həyatı[redaktə | mənbəni redaktə et]

Əli Rəhimov 1 iyun 1995-cı ildə Masallı rayonunun Köçəkli kəndində anadan olub.

Əsgər Əli Rəhimov 2014-cü ilin 1–3 avqust tarixləri arasında Azərbaycan-Ermənistan təmas xəttində baş verən döyüşlər zamanı şəhid olub. Avqustun 2-si isə Əli Rəhimov doğulduğu Masallı rayonunun Köçəkli kəndində son mənzilə yola salındı. Dəfn mərasiminə minlərlə rayon sakini ilə yanaşı, şəhidin qulluq etdiyi hərbi hissənin əsgərləri və zabitləri də qatıldı. Dəfn mərasiminin sonunda yaylım atəşi açıldı və əsgər Rəhimov uğrunda şəhid olduğu torpağa tapşırıldı.

Əli Rəhimov ölümündən sonra göstərdiyi qəhrəmanlığa görə Azərbaycan Respublikası Müdafiə Naziri general-polkovnik Zakir Həsənovun sərəncamı ilə "Hərbi xidmətdə fərqlənməyə görə" III dərəcəli medalı ilə təltif edildi.