Alaycı quş (personaj)

Alaycı quş (ing. Mockingbird) — Marvel Comics tərəfindən 1971-ci ildə yaradılan xəyalı komiks personajı. Əsl adı Barbara Morsdur. 2014-cü ildə "SHIELD cəsusları" teleserialında ilk dəfə Andrianna Palikki tərəfindən canlandırılmışdır.

Alaycı quş
ing. Mockingbird
ing. Mockingbird
Nəşriyyat	Marvel Comics
Yayım tarixi	"Heyranedici hekayələr" #6 (iyun 1971)
Yaradıcı(lar)	Len Veyn Nil Adams
Xüsusiyyətlər
Əsl adı	Barbara "Bobbi" Mors Barton
Cinsiyyəti	qadın[d]
Saç rəngi	sarı
Növü	cəsus
Vətəndaşlıq	ABŞ
Komiks bioqrafiyası
Üzvlükləri	SHIELD Qisasçılar Qərb Sahil Qisasçıları Böyük Göllər Qisasçıları Cansızlıq Legionu Yeni Qisasçılar WCA Gizli Qisasçılar
Partnyorları	Şahingöz
Ləqəbləri	Mockingbird
Gücləri	bioloq zərdabdan qazandığı tez sağalma və çeviklik atletik və elastik bədən quruluşu
Silahları	iki birləşə bilən çubuq

Barbara Mors əslində bir bioloqdur. Hətta bu sahədə doktoranturası da var. ABŞ hökuməti Kapitan Amerika kimi superəsgərləri yenidən yaradacaq zərdab üzərində işləməyə başlayınca Alaycı quş də onlara qoşulur. Bu zaman o SHIELD-in diqqətini çəkir. Mors işə itmiş elm adamını tapmaqla tapşırılan agent Paul Allenlə əməkdaşlıq edərək başlayır. Amma əslində Paulun bir AIM cəsusu olduğunu öyrənər. Mors Paulu dayandırır, laboratoriyanı buraxıb özü işləməyə başlayır.

Əslində ilk zamanlarda Barbara Morsun heç bir xüsusi gücü yox idi. Liseydə oxuduğu zamanlarda gimnastika ilə məşğul olduğundan bədəni elastik və çevikdir. Amma daha sonra ölümlə burun-buruna gəldiyində ona vurulan Sonsuzluq zərdabı ilə ölümdən qurtulmuş və tez sağalmaq, sürət kimi bacarıqlar qazanmışdır.

Yaradıcıları Len Veyn və Nil Adamsdır. İlk dəfə 1971-ci ildə görünmüşdür. Alaycı quş təxəllüsü ilə ilk dəfə 1981-ci ildə çıxış edərək super qəhrəman olmuşdur.

Ən vacib və əhəmiyyətli əlaqələri Şahingöz ilə bağlıdır. Uzun illər onunla evli qalan Mors daha sonra ondan boşanaraq komikslərdə nadir hadisəyə imza atmışdır. Ka-Zar və Lans Hanter ilə də sevgi münasibətləri olmuşdur.

• Şahingöz ilə tanış olması — SHIELD üçün işləyərkən CTE adlı bir şirkətin istehsal etdiyi məhsullardan şübhələnir və tez-tez o zaman şirkətin mühafizə direktorluğunu edən Klint Barton ilə qarşılaşır. Alaycı quş firmanın saxtakar olduğunu Şahingözə göstərdikdən sonra ikisi də şirkətə qarşı birləşir və qalib gəlirlər. Məsələdən sonra Alaycı quş Şahingözə evlənməyi təklif edir və Şahingöz bunu qəbul edir.
• Fantom Rayder məsələsi — Şahingözün qərb yaxasına göndərilməsinin ardınca onu təqib edən Alaycı quş bu zaman Fantom Rayder adlı pis insanı öldürməyə məcbur olur. Bundan pis olan Mors bu hadisəni ərinə danışmalı olur, əri və Qərb Sahili Qisasçıları ilə münasibətləri pozulur. Ay Cənagvəri və Tiqra ilə bir komanda quraraq Fantomun bədheybətinin işini həll edir. Lakin bu zaman Görünüşü qaçırması üçün aldadılır. İşi yoluna qoysa da münasibətlər bərpa olunmur. Şahingöz ilə boşanmaları bu dövrə aiddir.
• Ölüm və qayıdış — Alaycı quş ilə Şahingöz barışmaq ərəfəsində ikən Mefisto dünyasından qaçaraq Yerə hücum edir. Döyüş zamanı Şahingözü onun üstünə gələn atəşdən qorumaq üçün özünü qabağa atır və ölür. Lakin sonra onun bir Skrul təqlidçisi olduğu məlum olur. Dəmir adam Skrul gəmisini ələ keçirib əsl Alaycı quşu xilas edir.
• Sonsuzluq zərdabı — Alaycı quş bir döyüş zamanı ölümcül yaralanır, hətta bir ara ürəyi dayanır. Amma Nik Furi ona Sonsuzluq zərdabını vuraraq həm həyatını xilas edir, həm də super güclər qazandırır.

Əsasən qara rəngdən istifadə edir. İki ədəd birləşə bilən çubuğu vardır. Müxtəlif kostyumlardan istifadə etsə də, ən çox ağ köynəkdən və sarı gözlüklərdən istifadə edir. Bəzən göz maskası da taxır.^[1]