Avengers in Galactic Storm

Avengers in Galactic Storm (yap. アベンジャーズ・イン・ギャラクティックストーム, azərb. Qısasçılar qalaktik qasırğada‎) — "DataEast" tərəfindən 1995-ci ildə hazırlanan və nəşr edilən və faytinq janrında olan ikiölçülü arkada oyunu. Oyunda birnəfərli və ikinəfərli hekayə modu və çoxnəfərli baş-başa modu var. Bu, köməkçi personajları olan ilk müasir faytinq oyunu idi. Bu personajlar oyunçular arasında "hücumçular" adlandırılırdı. Oyun "Marvel Comics" tərəfindən yaradılan "Qisasçılar" və "Krii" personajlarına əsaslanır. Oyunun süjeti və personajları "Qisasçılar"ın Şi'ar və Krii irqləri arasında baş verən qalaktikalararası bir müharibəyə müdaxilə etməsində bəhs edən "Operation: Galactic Storm" hekayə arkına əsaslanır. Bu, 2003-cü ildə bankrot olan "DataEast" şirkətinin son faytinq oyunlarından biri idi.

Avengers in Galactic Storm
"Avengers in Galactic Storm" rəsmi Yaponiya arkada flayeri
Hazırlayan	DateEast
Yayımlayan	DataEast
Buraxılış tarixi	1995 1996
Janrlar	Qarşı-qarşıya döyüş oyunu
Dizaynerlər	İvao Horita
Bəstəkarlar	Şoko Sakay
Texniki məlumat
Platformalar	Arkada oyunu
Oyun rejimləri	Birnəfərli oyun İkinəfərli oyun İkinəfərli ko-op
İdarəetmə	Klaviatura və siçan geympad
Displey	Rastr, 320 x 240 piksel, 4096 rəng
Arkada platforması	Data East MLC sistem vasitəsi
Prosessor	SH2
Səs	YMZ280B

26 fevral 1996-cı il tarixində "Pony Canyon" və "Scitron Label" şirkətləri "Avengers in Galactic Storm" və başqa bir "DataEast" oyunu olan "Skull Fang"in fon musiqilərini "Skull Fang / Avengers in Galactic Storm" adlı bir albomda çıxarmışdır. Albom Yaponiyaya ekskluziv idi.

"Avengers in Galactic Storm" əsasən kosmos-mövzuludur və həmin dövrdə çıxan ikiölçülü faytinq oyunlarına bənzər bir geympleyə malikdir. Oyunun geympleyinin təməli oyunçu personajın təknəfərli bir turnirdə rəqiblərinə (kompüter və ya başqa bir oyunçu) qarşı "üçdə iki" matç sistemiylə döyüşməsidir. Oyunun personaj siyahısında 8 oyunçu personaj (hər tərəfdə 4 oyunçu personaj) var. Bu personajların hər birinin özünə məxsus döyüş hərəkətlərin və üslubları var. "Avengers in Galactic Storm"un həmin dövrdə çıxan digər faytinq oyunlarından olan əsas fərqi, oyunda köməkçi personaj siyahısının olmasıdır. Oyunçular seçdiyi rejimə başlamazdan əvvəl həm oyunçu personaj, həm də köməkçi personaj seçə bilər.^[1] Oyunda, ekranın yuxarı hissəsində üç sayğac var – sağlamlıq, güc və köməkçi. Sağlamlıq sayğacı tamamilə boşalsa həmin personaj oyundan çıxır. Güc sayğacı tam dolsa həmin personaj xüsusi döyüş hərəkəti icra edə bilər. İki köməkçi sayğacından biri tam dolsa həmin personaj öz köməkçi personajını rəqibinə tez bir şəkildə hücum etməsi üçün çağıra bilər.

Oyunda iki rejim var – "Hekayə rejimi" (ing. Story Mode) və "qarşı-qarşıya rejim" (ing. VS Mode). "Hekayə rejimi"ni seçəndən sonra oyunçu iki "Oyun-ortası iştirakçı"sından (ing. Mid-Game Participant) birini seçməlidir. Bu, ya "Dost (Komanda yoldaşı)", ya da "Düşmən (Rəqib)"dir. Oyunçu rejim boyu rəqiblərlə tək döyüşə və yaxud ikinci bir oyunçu ilə komanda qura bilər. Bu rejimin əsas hədəfi "Operation: Galactic Storm" hekayə arkında müvafiq olaraq göstərilən personajları oyundan çıxarmaqdır. Hər oyunçunun iki canı olur. Rejim tamamlananda oyun oyunçulara əvvəl döyüşdükləri personajlarla yenidən, ancaq bu dəfə ixtiyari qaydada döyüşdürür. İki oyunçu birlikdə komanda quran zaman oyunçuların ikisinin də güc sayğacları doludusa, onlardan biri "ikiqat-güclü tandem hərəkəti"ni yarada bilər. "Qarşı-qarşıya rejim" çoxnəfərli ikiölçülü faytinq oyunlarına bənzəyir. Burada iki oyunçu bir-birlərinə qarşı döyüşürlər.

Əsas məqalə: Operation: Galactic Storm

• Qisasçılar:
  • Kapitan Amerika
  • Qara cəngavər
  • Kristal
  • Tanderstrayk
• Krii:
  • Təqibçi Korat
  • Doktor Minerva
  • Şatteraks
  • Supremor
  • Qalen Kor (qeyri-oyunçu boss)

• Qisasçılar:
  • Dəmir Adam
  • Tor
  • Vijn
  • Qarışqa-adam
• Krii:
  • Kapitan Atlas
  • Gözətçi
  • İttihamçı Ronan
  • Ultimus

"Computer and Video Games" oyunu "DataEast" şirkətinin əvvəlki qarşı-qarşıya faytinq oyunu olan "Fighter's History"dən daha yaxşı olduğunu demişdir. Onlar üçölçülü göstərilmiş qrafikaların "Killer Instinct" videooyunundakı kimi yaxşı, ancaq arxaplanı "tamamilə yastı" adlandırmışdılar. Jurnal oyunun "nə pis, nə də əla" olduğunu demişdir.^[2] "Next Generation" jurnalının bir rəyçisi "Qisasçılar" lisenziyasına, yenilikçi köməkçi personaj mexanikası və qrafikalarına baxmayaraq, "Qolflend"də "Street Fighter Alpha 2" kabinetində basabas olduğunu, ancaq "Avengers in Galactic Storm" kabinetində bir insanı belə görmədiyini demişdir. O, bütün cəlbedici "zəng və fitlər"inə baxmayaraq, oyunun bazardakı yeni və görkəmli faytinq oyunlarıyla rəqabət apara bilməməsinin səbəbinin oyunun sadəcə orta dərəcəli geympleyi və personaj animasiyaları olduğunu demişdir. O, oyuna 2/5 ulduz vermişdir.^[3]

• Avengers in Galactic Storm "Killer List of Videogames" saytında
• Avengers in Galactic Storm "Arcade History" saytında
• Avengers in Galactic Storm "Giant Bomb" saytında