Arzuxan Əlizadə

Bu məqalədəki məlumatların yoxlanıla bilməsi üçün əlavə mənbələrə ehtiyac var. Lütfən, məqaləyə etibarlı mənbələr əlavə edərək onu təkmilləşdirməyə kömək edin. Mənbəsiz məzmun problemlər yarada və silinə bilər. Problemlər həll edilməmiş şablonu məqalədən çıxarmayın. Daha ətraflı məlumat və ya məqalədəki problemlərlə bağlı müzakirə aparmaq üçün məqalənin müzakirə səhifəsinə diqqət yetirə bilərsiniz.

Arzuxan Əlizadə (18 mart 1965, Bakı) — Azərbaycanlı ictimai-siyasi xadim, Milli Məclisinin deputatı, Azərbaycan Milli İstiqlal Partiyasının V sədri, Azərbaycan Respublikası Mərkəzi Seçki Komissiyasının sabiq üzvü.

Arzuxan Əlizadə
VII çağırış Azərbaycan Respublikası Milli Məclisinin deputatı
Vəzifədədir
2024-cü ildən
Seçki dairəsi	2024 — 27 saylı Sabunçu ikinci seçki dairəsi
Azərbaycan Milli İstiqlal Partiyasının V sədri
Vəzifədədir
16 avqust 2020-ci ildən
Əvvəlki	Arzuxan Əlizadə (özü)
Azərbaycan Milli İstiqlal Partiyasının müvəqqəti sədri
27 oktyabr 2015 – 16 avqust 2020
Əvvəlki	Yusif Bağırzadə
Sonrakı	Arzuxan Əlizadə (özü)
Azərbaycan Respublikası Mərkəzi Seçki Komissiyasının üzvü
2005 – 2006
Təmsil etdiyi	Azərbaycan Milli İstiqlal Partiyası
Əvvəlki	Yusif Bağırzadə
Şəxsi məlumatlar
Doğum tarixi	18 mart 1965(1965-03-18) (59 yaş)
Doğum yeri	Bakı, Azərbaycan SSR, SSRİ
Partiya	Azərbaycan Milli İstiqlal Partiyası
Təhsili	Bakı Dövlət Universitetinin Hüquq fakültəsi (1986–1992)
Fəaliyyəti	siyasətçi

Arzuxan Baxşəli oğlu Əlizadə 18 mart 1965-ci ildə Bakı şəhərində anadan olub. 1981-ci ildə Bakı şəhəri 75 saylı orta məktəbi qızıl medalla bitirib.1981–1983 və 1985–1986-cı illərdə Bakı şəhəri, Razin qəsəbə sovetində hərbi inspektor vəzifəsində işləyib. 1983–1985-ci — ci illərdə Moskva yaxınlığında ordu sıralarında hərbi xidmətdə olub. 1986–1992-ci illərdə Bakı Dövlət Universitetinin hüquq fakültəsində hüquqşünas ixtisası üzrə ali təhsil alıb. 1992–1993-cü illərdə Bakı şəhəri Sabunçu rayon İcra hakimiyyətində hüquqşünas, həmçinin şöbə müdiri vəzifəsini icra edib. 1993–1996-cı illərdə təsisçisi olduğu istehsalat kommersiya müəssisəsinə rəhbərlik etməklə biznes fəaliyyəti ilə məşğul olub.

1996–2000-ci illərdə Müstəqil Vəkillər Kollegiyasının üzvü olaraq vəkillik fəaliyyəti göstərib. 2001–2006-cı illərdə Azərbaycan Beynəlxalq Universitetinin "Dövlət hüququ" kafedrasının Baş müəllimi olaraq pedoqoji fəaliyyətlə məşğul olub. Eyni zamanda 2001–2005-ci illərdə AMEA Fəlsəfə və Hüquq İnstitutunun dissertantı olaraq "Fövqəladə vəziyyət şəraitində vətəndaşların Konstitusiya ilə müəyyən olunmuş hüquq və azadlıqları" mövzusunda namizədlik üzərində işləmişdir. İnsan hüquq və azadlıqlarına dair bir sıra elmi məqalə və broşurların müəllifidir.

Evlidir. Üç övladı, iki nəvəsi var.

1987-ci ildə Milli Azadlıq Hərəkatına qoşulmuşdur. 1989–1991-ci illərdə Azərbaycan Xalq Cəbhəsinin (AXC) üzvü, AXC Sabunçu rayon şöbəsində dayaq dəstəsinin sədri olmuşdur.

1995-ci ildə Azərbaycan Milli İstiqlal Partiyasına (AMİP) üzv olmuşdur. 1998-ci ildə AMİP Mərkəzi Aparatında sektor müdiri,1999-cu ildə təşkilat şöbəsinin müdiri vəzifəsinə təyin olunmuş.

1998-ci ildə AMİP Mərkəzi Şurasının, 2001-ci ildə AMİP Siyasi Şurasının üzvü seçilmişdir.

2005-ci ilin martında AMİP baş katibi seçilmiş, bir qədər sonra MSK üzvü kimi fəaliyyətə başlaması ilə əlaqədar olaraq tutduğu vəzifədən istefa vermişdir. 2010-cu ildə yenidən Partiyanın baş katibi seçilmiş, 2015-ci ilin oktyabr ayında eyni zamanda Partiyanın sədr əvəzi olaraq fəaliyyət göstərmişdir. Azərbaycan Milli İstiqlal Partiyasının 15 avqust 2020-ci il tarixli XI Qurultayında AMİP sədri seçilmişdir.^[1]

2003-cü ildə Azərbaycan Milli İstiqlal Partiyasının namizədi olaraq Mərkəzi Seçki Komissiyasının əvəzedici üzvü seçilmiş^[2], 2005–2006-cı illərdə eyni partiyadan Mərkəzi Seçki Komissiyasının üzvü seçilmişdir.

2004, 2009 və 2014-cü il bələdiyyə seçkilərində ardıcıl üç dəfə Bakıxanov bələdiyyəsinin üzvü seçilmiş, bələdiyyənin hüquq məsələləri daimi komissiyasının sədri olmuşdur.2024-cü il növbədənkənar parlament seçkilərində 27 saylı Sabunçu ikinci seçki dairəsindən seçkiyə qatılıb. Qələbə qazanaraq Azərbaycan Respublikasının Milli Məclisinin VII çağırış deputatı seçilib.

Milli Məclisin İnsan hüquqları komitəsinin sədr müavini (sədr:Sadiq Qurbanov) Regional məsələlər komitəsinin üzvüdür.

2024-cü il oktyabrın 8-də Azərbaycan — Kamerun parlamentlərarası əlaqələr üzrə işçi qrupunun rəhbəri seçilib.^[3]

Arzuxan Əlizadə özünün azərbaycançılıq, türkçülük, milliyətçilik, dövlətçilik ideologiyasını daşıdığını bildirmişdir.^[4]