Ayşvariya Ray

Ayşvariya Ray (1 noyabr 1973^[1], Manqalur) — Hind aktrisası və model. 1994-cü ildə "Dünya gözəli" müsabiqəsinin qalibi.

Ayşvariya Ray Baççan
tulu ಐಶ್ವರ್ಯ ರೈ
Doğum adı	Aishwarya Rai ऐश्वर्या राय
Doğum tarixi	1 noyabr 1973(1973-11-01)[1] (50 yaş)
Doğum yeri	Manqalur, Hindistan
Vətəndaşlığı	Hindistan[2]
Həyat yoldaşı	Abhişek Baççan (2007–)
Fəaliyyəti	kino aktrisası, model[d], gözəllik müsabiqəsi iştirakçısı, aktrisa
Fəaliyyət illəri	1997-ci ildən
Təhsili	Mumbay Universiteti
Boyu	170 sm
Mükafatları
IMDb	ID0706787
Vikianbarda əlaqəli mediafayllar

Ayşvariya Ray 1 noyabr 1973-cü ildə Manqalurda (Hindistan) ticarət donanması zabiti və yazıçı ailəsində anadan olmuşdur. Uşaqlıqda klassik musiqini və rəqsi öyrənmişdir. Kolleci bitirdikdən sonra universitetə qəbul olur və memarlığı öyrəndikdən sonra modelyer olur. 1994-cü ildə "Dünya gözəli" müsabiqəsinin qalibi olmuşdur. Model təhsilini almağına baxmayaraq o, həkim olmağa çalışırdı. Lakin arzusu həyata keçmədi. Ailəsi hind ziyalılarının elitasına daxil olduğundan o, ənənələrə riayət edib və ciddi nəzarətdə tərbiyə almışdır.

"Dünya gözəli" titulunu aldıqdan sonra Bollivudda onu diqqət mərkəzində saxladılar. Kinoda ilk rolu 1997-ci ildə "İruvar" filmində olmuşdur. "Yalançı aşiq" filminə görə isə ən yaxşı debutant kimi mükafat almışdır. 2000-ci ildə "Əbədi səninlə" filmində ən yaxşı qadın roluna görə və 2001-ci ildə "Mükafata sevgi" filmində ən yaxşı aktrisa kimi mükafatlar almışdır.

2002-ci ildə onun və hind kinosunun ən uğurlu filmi "Devdas" Kann kinofestivalında nümayiş olunmuşdur. Tərəf müqavili Şahrux Xan olan bu film Hindistanda deyil, bütün dünyada çox böyük uğurla nümayiş edildi və Ayşvariya Rayın bir aktrisa kimi püxtələşdiyini sübut etdi. Ayşvariya özü isə 2003-cü ildə Kann kinofestivalın jüri üzvü seçilmişdir.

2004-cü ilə ilk ingilisdili filmdə — "Gəlin və mövhumat" da çəkildikdən sonra Hollivud artıq onunla maraqlanmağa başladı. O, ilk Hind ulduzudur ki, onun mum fiquru məşhur Madam Tyusso muzeyini bəzəyir.

Bir neçə il Salman Xan ilə nişanlı qalan Ayşvariya, onun qısqanc xasiyyətinə davam gətirməyərək ayrılır və bir müddət Londonda yaşamalı olur. Aktyor Vivek Oberoy ilə bir müddət görüşən Ayşvariya 2007-ci ilin aprelində Hindistanın məşhur kino aktyoru Amitabh Baççanın oğlu Abhişek Baççan ilə nişanlanır və apreldə evlənirlər.

Ayşvariya Ray sərbəst dörd dildə danışır: hind, ingilis, tamil və urdu. Loreal, Coca-Cola və DeBeers brilyantlarının simasıdır. Filmə görə qonorarı 15 milyon dollara çatır. Son çəkildiyi filmlər: "Ədviyyələr şahzadəsi", "Baltii və Babli", "Loknau gözəli", "Quru", "Codha xə Akbar", "Xaos", "Atanın izi ilə", "Çəhrayı pantera −2". Hazırda aktrisa kino yaradıcılığını davam etdirir.

1. ↑ ^{1 2} The International Who's Who of Women 2006. Routledge, 2005. ISBN 978-1-85743-325-8
2. ↑ ^{1 2} https://www.hindustantimes.com/topic/aishwarya-rai.

Vikianbarda Ayşvariya Ray ilə əlaqəli mediafayllar var.

• Ayşvariya Ray
• Ayşvariya Ray — bioqrafiya Arxivləşdirilib 2012-08-21 at the Wayback Machine rusca
• Айшвария Рай — индианка, покорившая Голливуд
• Ayşvariya Ray — necə ulduz olmaq olar
• aishwarya-spice.com/ Arxivləşdirilib 2011-02-02 at the Wayback Machine