Azərbaycanda otüstü xokkey

Azərbaycanda otüstü xokkey 1960-cı illərin sonlarında inkişaf etməyə başladı.

Sovet dövrü[redaktə | mənbəni redaktə et]

30-50-ci illərin ortalarında Sovet İttifaqında otüstü xokkeyi inkişaf etdirmək üçün ilk uğursuz cəhdlər Azərbaycan SSR-idən yan keçir.

1970-ci ildə Bakının SKIF komandası kişilər arasında ilk SSRİ otüstü xokkey çempionatında iştirak edir. Zonal mərhələdə bakılılar yalnız İrəvan Dövlət Bədən Tərbiyəsi Universitetini qabaqlayaraq qrupda 3-cü yeri tutdular. 1971-ci ildə azərbaycanlı xokkeyçilər bütün görüşləri uduzaraq bir qol vurmadan sonuncu olurlar. 1973-cü ildə bakılıları Sumqayıtdan gələn “Spartak” əvəzləyir. Ancaq onlarda zonada sonuncu olurlar.^[1]

XX əsrin 70-ci illərin ortalarından etibarən Azərbaycan otüstü xokkeyinin yüksəlişi başlayır. 1976-cı ildə Bakının “Burevestnik” klubu ilk dəfə SSRİ çempionatının yüksək liqasında iştirak etmək hüququ əldə edir. Debüt ilində 8 komanda arasında 6-cı yeri tutur. 1979-cu ildə onlar SSRİ çempionatının bürünc medallarını qazanırlar. 1980-ci ildə isə eyni uğuru Bakının “Azineftexim” təkrarlayır.^[1]

1979-cu ildə Azərbaycan SSR bu idman növünün ilk təqdim olunduğu SSRİ Xalqları Yay Spartakiadasının xokkey turnirinin bürünc medalçısı olur.^[2]

1977-ci ildə Sumqayıtdan UGİM SSRİ Gənclər Birinciliyinin qalibi olur.

1979-cu ildə Bakının “SKIF” komandası ilk dəfə SSRİ qadın otüstü xokkey çempionatında iştirak edir. Daha sonra Bakının “Svyazist” komandası bu yarışmaya qatılır və 82-ci il mövsümündə bürünc medal qazanır.

Müstəqillik dövrü[redaktə | mənbəni redaktə et]

Azərbaycan müstəqillik əldə etdikdən sonra otüstü xokkey respublikanın ən uğurlu komanda idman növlərindən biri olaraq qaldı.^[3]

2005-ci ildə Azərbaycanın kişilərdən ibarət komandası Avropa çempionatının dördüncü divizionunun gümüş medalını, 2011-ci ildə isə üçüncü divizionu qazandı.

Qadınlardan ibarət komanda daha uğurlu çıxış etdi. 2005-ci ildə Avropa çempionatının ikinci divizionunu qazandı. Ən yüksək nailiyyəti 2007 Avropa çempionatında 5-ci yer olur. 2009-cu ildə azərbaycanlı xokkeyçilər altıncı yerdə qərarlaşdılar. 2013-cü ildə ikinci divizionda bürünc medal qazanırlar. Azərbaycannın qadınlardan ibarət komandası Yay Olimpiya Oyunlarına bir neçə dəfə çıxmağa yaxın idilər. 2008-ci ildə qadınlar arasında lisenziyalı olimpiya turniri Bakıda keçirilirdi.^[4]

2015-ci ildə Azərbaycan Otüstü Xokkey Federasiyası ciddi maliyyə problemləri ilə üzləşir və bu isə beynəlxalq turnirlərdə iştirakdan məhrum edilməyə, cərimələrə səbəb olur.^[5] 12 noyabr 2016-cı ildə federasiya Beynəlxalq Otüstü Xokkey Federasiyasından müvəqqəti olaraq xaric edilir.^[6] Bu Azərbaycanda otüstü xokkeyinin məhvinə səbəb olur.^[3]

2018-ci ilə kimi respublikanın paytaxtı Binəqədi rayonundakı 8 nömrəli Olimpiya Ehtiyatları İdman Məktəbində işləyən otüstü xokkeyinin son bölməsi bağlanır. Təcrübəli azsaylı azərbaycanlı məşqçilərdən biri də vaxtaşırı Belçikada təlimlər keçirən Ceyhun Mirzəyevdir. Qalan mütəxəssislər və oyunçular peşələrini dəyişməyə məcbur olmuşlar.^[3]

İstinadlar[redaktə | mənbəni redaktə et]