Barri Uayt

Barri Vayt (ing. Barry White, 12 sentyabr 1944, Texas, ABŞ — 4 iyul 2003, Kaliforniya, ABŞ) — ritm-ənd-blyuz stilində məşhur olan amerikalı müğənni. 1974-cü ildə onun "Can’t Get Enough of Your Love, Babe", "Never, Never Gonna Give You Up" və "You’re The First, The Last, My Everything" adlı mahnıları Billboard Hot 100 jurnalının siyahısında yüksək yerləri tutduqdan sonra məşhurluq qazandı. Sonuncu mahnı həm də Britaniya çartlarına başçılıq edirdi.

Barri Vayt
ing. Barry White
Ümumi məlumatlar
Doğum adı	Barrens Yucin Karter (ing. Barrence Eugene Carter)
Doğum tarixi	12 sentyabr 1944
Doğum yeri	Qalveston, Texas, ABŞ
Vəfat tarixi	4 iyul 2003 (58 yaşında)
Vəfat yeri	Los-Anceles, Kaliforniya, ABŞ
Vəfat səbəbi	böyrək çatışmazlığı[d]
Musiqiçi məlumatları
Fəaliyyəti	müğənni, müğənni-mahnı yazarı, qrup rəhbəri[d], bəstəkar, dirijor, musiqi prodüseri, aktyor
Fəaliyyət illəri	1972 — 2001
Janrlar	Soul, fank, disko
Musiqi alətləri	Piano Sintezator
Səs tembri	Bas
Albom şirkətləri	Uni/MCA Records 20th Century Records Casablanca/PolyGram Records Mercury/PolyGram Records A&M/PolyGram Records Private Music/BMG Records Eagle Records
barrywhite.us
Vikianbarda əlaqəli mediafayllar

Barri Vayt Texas ştatının Qalveston şəhərində anadan olmuş və Kaliforniyada Los-Ancelesin kriminal rayonunda böyümüşdür. 17 yaşında o, 30000 ABŞ dolları dəyərində avtomobil təkəri oğurluğuna görə 4 ay həbs cəzası alır. Həbsdə ikən radioda Elvis Preslinin ifasında "It's Now or Never" mahnısını eşidir və oxumağa qərar verərək həyatını dəyişmək istəyir.^[1]

Musiqi karyerasına 60-cı illərdə prodüser və musiqi tərtibatçısı kimi başlamış, 70-ci illərdə isə müğənni kimi disko stilindəki mahnıları ilə uğur qazanmışdır.

Uzun illər hipertoniyadan əziyyət çəkən Barri Vayt 2003-cü ilin mayında böyrəklərinin öz funksiyasını itirməsi nəticəsində xəstəxanaya düşür və 4 iyul tarixində vəfat edir. Onun nəşi kremasiya edilərək külü ailəsi tərəfindən Kaliforniya sahillərinə səpilmişdir.