Cəlil Məmmədquluzadənin ev-muzeyi (Naxçıvan)

Cəlil Məmmədquluzadənin ev-muzeyi
Cəlil Məmmədquluzadənin ev-muzeyi
Əsası qoyulub	31 dekabr, 1998
Mövzu	Azərbaycan ədəbiyyatı
Ölkə	Azərbaycan;
Yerləşir	Azərbaycan, Naxçıvan şəhəri, İ. Məmmədov küçəsi
Direktor	Aytən Ələkbərova

Cəlil Məmmədquluzadənin Ev Muzeyi – Böyük publisist və ədib Cəlil Məmmədquluzadənin doğulduğu, uşaqlıq və gənclik illərini keçirdiyi evdə yaradılmış ev muzeyi.

Tarixi

Muzey Cəlil Məmmədquluzadənin Naxçıvan şəhəri, İdris Məmmədov küçəsində yerləşən evində, Azərbaycan Respublikasının üçüncü prezidenti Heydər Əliyevin 1998-ci il, 31 dekabr tarixli sərəncamı ilə yaradılmışdır. Muzeyin açılışı 13 oktyabr, 1999-cu ildə baş tutmuş və açılış mərasimində şəxsən iştirak edən H. Əliyev nitq söyləmişdir.

Ekspozisiya

Muzeydə böyük ədibin həyat və yaradıcılığına dair ekspozisiya nümayiş etdirilməkdədir. Cəlil Məmmədquluzadəyə və onun ailəsində məxsus şəxsi məişət əşyaları, o cümlədən yazıçının naxçıvanlı müasirlərinə aid tarixi sənədlər, onun mütaliə etdiyi klassiklərin əsərləri və şəxsi kitabxanası muzeyin eksponatları arasındadır.^[1]

Cəlil Məmmədquluzadənin ev-muzeyinin binası

Cəlil Məmmədquluzadənin ev-muzeyinin binası şərq memarlıq üslubunda tikilmiş XIX əsrə aid olan yaşayış evidir. Bina XIX əsrin ortalarında çiy kərpicdən tikilmiş və sonralar bişmiş kərpiclə üzlənilmişdir. Onun ümumi sahəsi 100 m², divarların qalınlığı isə 78 sm-dir. Bina iki mərtəbəlidir. İkinci mərtəbədə 2 otaq, 1 vestübül və 1 açıq balkon yerləşir. Otaqlara giriş və eyvana çıxış mərkəzdəki vestübüldəndir. Birinci mərtəbə açıq balkonun altında yerləşir və 2 otaq, 1 vestübüldən ibarətdir. Birinci mərtəbəyə və həyətə balkondan açılmış kərpic pilləkənlər vasitəsilə enilir. Hər iki mərtəbədəki otaqlarda məişət əşyaları qoymaq üçün çoxlu sayda taxçalar var. Bina ikinci mərtəbədə, girişdən sağdakı otağın divarında yerləşdirilmiş buxarı vasitəsilə isidilirmiş.^[2]

İstinadlar

↑ "Cəlil Məmmədquluzadənin ev-muzeyinə yeni eksponatlar təqdim olunub". 2017-09-05 tarixində orijinalından arxivləşdirilib. İstifadə tarixi: 2017-11-03. (#redundant_parameters); (#redundant_parameters); (#redundant_parameters)
↑ [National Academy of Sciences of Azerbaijan. Nakhchivan Branch. The Encyclopaedia of Nakhchivan Monuments / Vasif Talibov. — Nakhchivan, 2008. — 521 s.]

Xarici keçidlər

[1] "Cəlil Məmmədquluzadənin ev-muzeyinə yeni eksponatlar təqdim olunub". 2017-09-05 tarixində orijinalından arxivləşdirilib. İstifadə tarixi: 2017-11-03. (#redundant_parameters); (#redundant_parameters); (#redundant_parameters)

[2] [National Academy of Sciences of Azerbaijan. Nakhchivan Branch. The Encyclopaedia of Nakhchivan Monuments / Vasif Talibov. — Nakhchivan, 2008. — 521 s.]

[1]

[2]

Cəlil Məmmədquluzadə
Əsərləri	Danabaş kəndinin əhvalatları • Dəli yığıncağı • Anamın kitabı • Danabaş kəndinin müəllimi • Ölülər
Haqqında yazılan kitablar	Cəlil Məmmədquluzadə ensiklopediyası
Haqqında çəkilən filmlər	Cəlil Məmmədquluzadə (film, 1966)
Əsərləri əsasında çəkilən filmlər	Poçt qutusu (1967) • Quzu (1967) • Qəm pəncərəsi (1986) • Pirverdinin xoruzu (1987) • Qurbanəli bəy (1989) • O dünyadan salam (1991) • Lal (1992) • Anamın kitabı (1994) • Lal (2003) • Oyun (2003) • Sirkə (2003)
Xatirəsi	Cəlil Məmmədquluzadənin ev-muzeyi (Bakı) • Cəlil Məmmədquluzadənin ev-muzeyi (Naxçıvan) • Cəlil Məmmədquluzadənin Ev-Muzeyi (Tbilisi) • Cəlil Məmmədquluzadə adına Naxçıvan Dövlət Musiqili Dram Teatrı • Cəlil Məmmədquluzadənin büstü (Sumqayıt) • Cəlilabad • Cəlilkənd • Cəlil Məmmədquluzadə metrostansiyası • Cəlil Məmmədquluzadə küçəsi (Naxçıvan)