Kanqe

Kanqe (kor. 강계시) — Koreya Xalq Demokratik Respublikasının (Şimali Koreya) şimalında yerləşən şəhər, Çaqando vilayətinin inzibati mərkəzi. Şəhər yerləşdiyi yerə görə tarixən strateji əhəmiyyətə malikdir.

Şəhər
Kanqe
강계시
40°58′ şm. e. 126°36′ ş. u.HGYO
Ölkə	Şimali Koreya
Region	Kvanso
Rayon	Çaqando
Tarixi və coğrafiyası
Sahəsi	263.667 km²
Saat qurşağı	UTC+8:30
Əhalisi
Əhalisi	251,971[1] nəfər (2008)
Rəqəmsal identifikatorlar
Telefon kodu	+850 67хххххх
Xəritəni göstər/gizlə Kanqe
Vikianbarda əlaqəli mediafayllar

Koreya müharibəsi zamanı, Pxenyan şəhərindən qovulduqdan sonra Kim İr Sen və hökuməti müvəqqəti olaraq Kanqe şəhərinə köçmüşdür.^[2][3]

Şəhər, Çanca çayı daxil olmaqla dörd çayın birləşdiyi yerdə yerləşir.

Şəhər 34 məhəlləyə və 2 kəndə bölünmüşdür:

Çanca-don Çunson-don Hanqro-don Huncu-don Kanso-don Koyon 1-don Koyon 2-don Konvi-don Konin-don Mansu-don Nammun-don Namsan-don Namçon-don Naeryon-don Oeryon-don Puçan-don Pukmun-don Rodonca-don

Ryu-don Sinmun-don Sosan-don Sokço-don Soxyon-don Suçim-don Tayun-don Toksan-don Tonbu-don Tonmun-don Yucin-don Uncon-don Yahak-ton Yoncu-don Yonpun-don Yonsok-ton Sinhun-ri Tuhun-ri

• Orta illik hava temperaturu — 7,3 °C
• Havanın nisbi rütubətliyi — 72,6%
• Orta külək sürəti — 0,5 m/s

NASA-ya əsasən Kanqe şəhərində orta gündəlik hava temperaturu[4]
Yan	Fev	Mar	Apr	May	İyn	İyl	Avq	Sen	Okt	Noy	Dek	İl
−12,6 °C	−7,5 °C	0,4 °C	9,2 °C	15,5 °C	20,2 °C	23,2 °C	22,7 °C	16,2 °C	8,6 °C	−0,4 °C	−9,2 °C	7,3 °C

Kanqe şəhəri digər şəhərlərə quru yolu, dəmiryolu və hava yolu ilə bağlı olan bir nəqliyyat mərkəzidir. Şəhər Kanqe və Manpo dəmiryolu xəttlərinin qovşağında yerləşir. Bundan əlavə olaraq, avtomobil yolları şəhəri paytaxt Pxenyana və KXDR-ın digər şəhərlərinə birləşdirir. Şəhər, hərbi və mülki məqsədli hava limanının yaxınlığında yerləşir.

Şəhərdə Kanqe Təhsil Universiteti, Kanqe Texnologiya Universiteti və Kanqe Tibb Universiteti yerləşir.

Turistlərin marağına daxildir — İnpun pavilyonu, Ryonva dağı.

1945-ci ildən bəri şəhərdə istehsal sənayesi sürətlə inkişaf etmişdir. Şəhər mis, sink, kömür və qrafit istehsal edən mədən sənayesinə malikdir. Kanqe şəhəri Çaqando vilayətinin və Şimali Koreyanın əsas ağac emalı zavodlarından birinə ev sahibliyi edir.

Kanqe ağac emalı zavodu Kanqe şəhərində yerləşən kiçik bir dövlət zavodudur. Əməliyyatların əvvəllərindən əl işi ilə yalnız iki növ mebel hazırlanırdı (yemək masaları və sterilizə çubuqlar). Zavod vaxt keçdikcə istehsalat yüzlərlə müasir avadanlıqları hazırlayaraq, ağac emalı istehsalını əhatə edən müasirləşdirilmiş mebel istehsalçısına çevrilmişdir.

Zavod, ağac emalı prosesinin mühüm bir hissəsi olan qurutma işini müsirləşdirmə proqramına cəhd etmişdir. Zavod texniki yeniliklər edərək fabrik istehsalını artırmış və işçi qüvvəsini azaltmışdır.

• 
  Zavodda istehsal olunmuş mebellər
• 
  Kanqe ağac emalı zavodu, KXDR

• Dormels, Rainer. North Korea's Cities: Industrial facilities, internal structures and typification. Jimoondang, 2014. ISBN 978-89-6297-167-5

• Vikianbarda Kanqe ilə əlaqəli mediafayllar var.
• Kanqe şəhərinin profili Arxivləşdirilib 2016-03-09 at the Wayback Machine