Karlos Alberto Torres

'Karlos Alberto "Kapita" Torres, (port. Carlos Alberto Torres, və ya sadəcə Karlos Alberto, Üçüncü Captain və ya Karlos Alberto, Professor'; 17 iyul 1944[1][2], Rio-de-Janeyro[1] – 25 oktyabr 2016[3][4], Rio-de-Janeyro[1]) keçmiş braziliyalı futbolçu, mərkəz müdafiəçisi, Azərbaycan milli komandasının sabiq baş məşqçisi.

Karlos Alberto "Kapita" Torres
port. Carlos Alberto "Capita" Torres
port. Carlos Alberto Torres
Ümumi məlumatlar
Doğum tarixi
Doğum yeri Rio-de-Janeyro, Braziliya
Vəfat tarixi (72 yaşında)
Vəfat yeri
Vətəndaşlığı Braziliya Braziliya
Boyu 180 sm
Çəkisi 77 kq
Mövqeyi müdafiəçi
Karyerası
Klub karyerası[* 1]
1963—1964 Braziliya Fluminense 98 (9)
1965—1974 Braziliya Santos 440 (36)
1974—1977 Braziliya Fluminense 53 (4)
1977 Braziliya Flamenqo 28 (3)
1977—1980 ABŞ Nyu-York Kosmos 80 (6)
1981 ABŞ Kaliforniya Sörf 19 (2)
1982 ABŞ Nyu-York Kosmos 20 (0)
Milli yığma[* 2]
1964—1977 Braziliya Braziliya 53 (8)
Məşqçisi olduğu klublar
1983 Braziliya Flamenqo
1985—1986 Braziliya Korintians Paulista
1986—1987 Braziliya Nautiko Kapibaribe
1993—1994 Braziliya Botafoqo
1994—1995 Braziliya Fluminense
1997—1998 Braziliya Botafoqo
2000—2001 Oman Oman
2002—2003 Braziliya Botafoqo
2005 Braziliya Paysandu Belen
2004—2005 Azərbaycan Azərbaycan
Təltif və medalları
Təltif və medalları
  1. ↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.
  2. ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı.
Vikianbarın loqosu Vikianbarda əlaqəli mediafayllar

Karyerası

[redaktə | mənbəni redaktə et]

Karyerasına 1963-cü ildə Fluminense klubunda başlamışdır. Ondan sonra Santos və Flamenqoda oynamış, daha sonra ABŞ-də çıxış etmişdir. Karyerasının ən yaxşı illərini 1965-1974 cü ilərdə Santosda keçirmişdir. Klub karyerası ərzində 743 oyuna 64 qola imza atmışdır. Futbolçu kimi 1 dəfə Braziliya, 3 dəfə Rio, 4 dəfə San-Paulu ştatı çempionu və 3 dəfə ABŞ çempionu olmuşdur. 1964-cü ildən Braziliya millisində oynamağa başlayan Torres 1970-ci ildə Braziliya milli futbol komandasının heyətində dünya çempionu olmuşdur. Həmin çempionatda komandasının kapitanı idi. XX əsr simvolik futbol yığmasının heyətinə daxildir. Bəzi mütəxəssislərin fikrincə Karlos Alberto 1970-ci il dünya çempionatının final oyununda futbol tarixində ən yaxşı qola imza atmışdır. 1964-1977 ci illərdə Braziliya millisində 53 oyunda 8 qol vurmuşdur. Futbol kralı Pele ilə illərlə həm "Santos" klubunda, həm də Braziliya millisində oynayaraq böyük uğurlar qazanmışdır. 1982-ci ildə futbolçu karyerasını bitirmişdir.

Məşqçilik karyerasında əsasən Braziliya klublarının baş məşqçisi olan Torres debüt ili 1983-cü ildə Flamenqo, 1995-ci ildə Fluminense ilə Braziliya çempionu olmuşdur. 2000-ci ildə Oman millisinin baş məşqçisi olmuşdur. 2004-2005 ci illərdə Azərbaycan milli futbol komandasının baş məşqçisi və ilk əcnəbi məşqçisi olmuşdur. Debüt oyununda səfərdə İsrail millisinə komandamız 0:6 hesabı ilə uduzmuşdur. 4 iyun 2005-ci ildə Bakıda Azərbaycan millisinin Polşa millisinə 0:3 hesablı məğlubiyyətindən sonra hakimlə sərt mübahisə etmiş və postundan ayrılmışdır. Bundan sonra məşqçilik karyerasına son qoymuş, futbol şərhçisi, menecer, seleksiyaçı, federasiyada çalışmışdır.

Ümumilikdə Karlos Alberto rəhbərliyi altında komandamız 18 oyunda yığmamızı meydana çıxarmışdır. 2 oyunda - Qazaxıstanla səfər və Özbəkistanla ev matçlarında yoxlama görüşlərində qələbə qazanmışdır. Ümumilikdə Torresin rəhbərliyi ilə yığmamız 18 oyunda 2 qələbə, 6 heç-heçə, 10 məğlubiyyət almışdır. Yığmamız 12 qol vurub, 36-nı buraxmışdır. Oyunların siyahısı bunlardan ibarət idi:

  • 18 fevral 2004. Ramat – Qann. YO. İsrail – Azərbaycan 6:0
  • 31 mart 2004. Kişinyov. YO. Moldova – Azərbaycan 2:1
  • 28 aprel 2004. Almatı. YO. Qazaxıstan – Azərbaycan 2:3
  • 28 may 2004. Bakı. YO. Azərbaycan – Özbəkistan 3:1
  • 6 iyun 2004. Riqa. YO. Latviya – Azərbaycan 2:2
  • 18 avqust 2004. Əmman. YO. İordaniya – Azərbaycan 1:1
  • 4 sentyabr 2004. Bakı. DÇ. Azərbaycan – Uels 1:1
  • 8 sentyabr 2004. Vyana. DÇ. Avstriya – Azərbaycan 2:0
  • 9 oktyabr 2004. Bakı. DÇ. Azərbaycan – Şim. İrlandiya 0:0
  • 13 oktyabr 2004. Bakı. DÇ. Azərbaycan – İngiltərə 0:1
  • 17 noyabr 2004. Bakı. YO. Azərbaycan – Bolqarıstan 0:0
  • 21 yanvar 2005. YO. Trinidad və Tobaqo – Azərbaycan 1:0
  • 23 yanvar 2005. YO. Trinidad və Tobaqo – Azərbaycan 2:0
  • 9 fevral 2005. Bakı. YO. Azərbaycan – Moldova 0:0
  • 26 mart 2005. Varşava. DÇ. Polşa – Azərbaycan 8:0
  • 30 mart 2005. Nyukasl. DÇ. İngiltərə – Azərbaycan 2:0
  • 29 may 2005. Tehran. YO. İran – Azərbaycan 2:1
  • 4 iyun 2005. Bakı. DÇ. Azərbaycan – Polşa 0:3

Vəfatı

[redaktə | mənbəni redaktə et]

Uzun illər ürək xəstəliyindən əziyyət çəkən mütəxəssis 25 oktyabr 2016-cı ildə Rio-de-Janeyroda 72 yaşında qəfildən ürək çatışmazlığından vəfat etmişdir.[5]

İstinadlar

[redaktə | mənbəni redaktə et]
  1. ↑ 1 2 3 4 https://www.washingtonpost.com/sports/carlos-alberto-torres-captain-of-brazils-world-cup-winning-team-dies-at-72/2016/10/25/bdb9ce22-9ad3-11e6-9980-50913d68eacb_story.html.
  2. ↑ Carlos Alberto † // Transfermarkt (çd.). 2000.
  3. ↑ https://www.nytimes.com/2016/10/27/sports/soccer/carlos-alberto-torres-72-scorer-of-memorable-goal-for-brazil-dies.html?mcubz=3.
  4. ↑ https://www.lemonde.fr/sport/article/2016/10/25/mort-du-footballeur-carlos-alberto-capitaine-du-bresil-champion-du-monde-en-1970_5020306_3242.html.
  5. ↑ "əfsanəvi Karlos Alberto Torres vəfat etdi". 2023-07-24 tarixində arxivləşdirilib. İstifadə tarixi: 2016-10-25.

Həmçinin bax

[redaktə | mənbəni redaktə et]


 Futbolçu ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin.