Əsgər Abdullayev (futbolçu)

Abdullayev Əsgər Məmməd oğlu (27 mart 1960^[1], Bakı) — SSRİ və Azərbaycan futbolçusu, SSRİ idman ustası (1990). Müdafiəçi mövqeyində çıxış etmişdir.

Əsgər Abdullayev
Ümumi məlumatlar
Tam adı	Əsgər Məmməd oğlu Abdullayev
Ləqəbi	Serb сəlladı
Doğum tarixi	27 mart 1960(1960-03-27)[1] (64 yaş)
Doğum yeri	Bakı, Azərbaycan SSR, SSRİ
Vətəndaşlığı	Azərbaycan  SSRİ
Boyu	171 sm
Çəkisi	75 kq
Mövqeyi	müdafiəçi
Klub haqqında məlumat
Klub	karyerasını bitirib
Karyerası
Gənclik karyerası Metallurq (Rustavi) Klub karyerası[* 1] 1979—1991 Neftçi (Bakı) 319 (1) 1992—1994 Neftçi (Bakı) 49 (0) Məşqçisi olduğu klublar 1998—2001 Şəfa Bakı assistent 2000—2002 Azərbaycan (21 yaşlılar) 2000 Azərbaycan i. e. 2002 Azərbaycan assistent 2002—2004 Azərbaycan 2004—2005 Azərbaycan assistent 2005—2006 Bakı 2006—2009 Olimpik-Şüvəlan 2011–2012 Turan Tovuz 2013–2014 Araz Naxçıvan 2015–2016 Neftçi (Bakı) 2016–2018 Turan Tovuz
↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.

Bütün futbol karyerasını Neftçi klubunda keçirib, lakin böyük qələbələr qazana bilməyib. "Neftçi"də 319, SSRİ Kubokunda 10, 1988-ci ildə "Neftçi"nin finala çıxdığı Federasiya Kubokunda 14 matç keçirmiş və SSRİ çempionatında 1 qol vurmuşdur. Azərbaycan çempionatında iki mövsüm keçirmişdir: 1992 və 1993/94.

Məşqçilik karyerasına Vaqif Sadıqovun köməkçisi olaraq işlədiyi Şəfa klubunda başlamışdır. Sonra Avropa Gənclər Çempionatının seçmə qrupunda 5-ci yeri tutan Azərbaycan gənclər komandasını çalışdırmışdır^[2]. Həm də müvəqqəti olaraq Azərbaycan milli komandasına rəhbərlik etmişdir^[3]. 2002-ci ildə Vaqif Sadıqov Azərbaycan millisinə rəhbərlik etdi və Əsgər Abdullayevi də öz köməkçiləri arasına götürdü^[4]. 25 oktyabr 2002-ci ildə Vaqif Sadıqovun istefasından sonra Əsgər Abdullayev müvəqqəti olaraq millinin məşqçisi təyin edildi^[5]; bir neçə uğurlu matçdan sonra, 17 may 2003-cü ildə Əsgər Abdullayev rəsmi olaraq Azərbaycan milli komandasının baş məşqçisi olaraq təsdiqləndi^[6]. Əsgər Abdullayevin rəhbərliyi altında Azərbaycan milli komandası Serbiya yığması ilə səfərdə heç-heçə etdi, evdə isə Serbiya yığmasını məğlub etdi və buna görə komandanın baş məşqçisi "Serb Cəlladı" ləqəbini aldı"^[7]. Braziliyalı Karlos Alberto Torres milli komandaya baş məşqçi təyin olunduqdan sonra onun köməkçisi işləmişdir^[8].

2005-ci ildə Bakı klubuna baş məşqçi təyin edildi və ilk mövsümdə komanda ilə Azərbaycan kubokunu qazandı, lakin növbəti mövsüm çempionat autsayderi — Göyəzən klubu ilə heç-heçə etdikdən sonra istefa verdi. Elə həmin mövsüm "Bakı" ölkə çempionu oldu. 1 iyun 2006-cı ildə vəzifəsindən uzaqlaşdırılan Petar Kurçibiçin yerinə Olimpik-Şüvəlan klubunun baş məşqçisi təyin edildi. Klub autsayderini Azərbaycan futbolunun liderlərindən birinə çevirə bildi. 2008-ci ildə Olimpik ilə Azərbaycan çempionatında gümüş medal qazandı. Bu uğurdan sonra Azərbaycanda mövsümün ən yaxşı məşqçisi kimi tanındı.

• Azərbaycan çempionu: 1992
• Azərbaycan Kubokunun qalibi: 2005

• Azərbaycanda ilin futbol məşqçisi: 2008

Bu məqalədəki istinadlar müvafiq istinad şablonları ilə göstərilməlidir.